KAINGKUALAN 29:2 - Tanou Moonsoi Timugon

² Alap ra tapung ondo' moonsoi kaga', kaa' kolondo' ragi, pambaal noyo ra ruti'. Santayaran ra ruti' no baalon latakin ra umau jaitun, am santayaran poyo kolondo' ra umau jaitun, am santayaran poyo baalon ra ruti' malilis ondo' kupilin ra umau.

KAINGKUALAN 29:2 ပူးပေါင်းရင်းမြစ်များ

KAINGKUALAN 12:8

Tampilon ra rondom no, kual ru bibiag no musiti' patunuon am akanon ra sayur mapait am niayuk ruti' kalo latakin ra ragi.

KAINGKUALAN 29:23

Intor ra bakul ru ruti' ondo' nakataak Raki', alapon rondo' intor ra moonong salinut ru ruti' no: Rondo' binaal intor ra umau jaitun, rondo' binaal ra kolondo' umau jaitun, am rondo' ruti' malilis.

KAINGKUALAN 29:3

Pasuangon ngaangai' ruti' no ralalom ru bakul am pataakon ngaangai' no Raki' paat ra pataakon min sapi' gawayan am ruo ngainan domba gawayan koson ra taak simbalui.

IMAMAT 2:15

Unor-unor no musiti' uasin ra umau jaitun am taukin ra kaminyan.

IMAMAT 6:13

Apui no musiti' mararayus mapaang ra rasawat ru altar am kalo malasa'.

IMAMAT 7:10

Kaa' ngaangai' taak simbalui koson paringkuanangan ra Tuhan, iono taak simbalui ondo' kalo poyo inansak, ondo' linatakan noyo ra umau kapoam ondo' mapua', masauk ra longgom ru imam papag ri Arun am musiti' tatayaron pogondoon ra gino ngai' nilo.

IMAMAT 7:12

Amon ru mapataak sasangulun no koson ra taak paringkuanangan ri Aki Kapuuno', musiti' io mapataak ra ruti' ondo' kalo linatakan ra ragi pabayaan ra bibiag ondo' pataakon no. Ruti' no kakapalon ayuk pana, ondo' baalon intor ra tapung latakin ra umau jaitun, kapoam ruti' malilis ondo' luitin ra umau jaitun, kapoam kuui ondo' baalon intor ra tapung ondo' latakin ra umau jaitun.

IMAMAT 8:2

“Ibito' i Arun am anak-anak nano mongoi ra kulobon ru Kim Kuno, am ibito' niayuk bayang ru imam, umau upacara, sapi' gawayan mamulok tayar ra taak simbalui koson mangampun ra tula, ruo ngainan domba gawayan, am sambakul ruti' ondo' kalo latakin ra ragi.

IMAMAT 8:26

Kopongo raginio, alap i Musa rondo' ruti' intor ra sambakul ruti' ondo' kalo linatakan ra ragi, ondo' patimpokon noyo ra Tuhan, am niayuk rondo' ruti' makakapal ondo' binaal ra umau, am niayuk rondo' ruti' malilis, ngaangai' no patampako' no boo ra rasawat ru lomok am paa ra pamiris ru domba gawayan no.

UNTABAN 6:15

Musiti' io niayuk mapataak ra sambakul ruti' kalo linatakan ra ragi: Ruti' makapal ondo' linatakan ra umau jaitun, am ruti' malilis ondo' linuitan ra umau jaitun. Musiti' io niayuk mapataak ra taak simbalui koson paringkuanangan am taak simbalui wain, koson ra ondo' inaru' noyo.

UNTABAN 6:19

Mopongo raginio, mangalap imam ra kalayam ra saang ru domba gawayan ondo' tinanok noyo, rondo' ruti' makapal am rondo' ruti' malilis intor ra bakul no, am pabantaan ngaangai' no ra kalindu' ru ulun Nazir no.

1 KORINTUS 5:7

Patiri' galing ragi ra nakalair, ioginio tula, maa' raginio masauk kau ra ruti' ondo' nakabagu, mapasau intor ra ragi nakalair. Makapandai aku ra gagayaan min ginio. Sabap ra Pangiantakan ra Paska nasuku' noyo, am i Kristus ondo' nasauk ra anak domba ru Paska takau, sinimbalui noyo.