KAINGKUALAN 29:14 - Tanou Moonsoi Timugon

¹⁴ Kaa' kual, kungkung am tinai' ru sapi' gawayan no solobon ra liwar ru pangkiman. Ginio noyo taak ra sinimbalui koson pangampunan ra tula ru imam-imam.

KAINGKUALAN 29:14 ပူးပေါင်းရင်းမြစ်များ

IMAMAT 4:21

Kopongo raginio musiti' Tingganai Maayo Imam no magibit ra sapi' no mongoi ra liwar ru pangkiman am solobon no ginio, koson ra io monolob ra sapi' tayar ru taak simbalui koson mangampun ra tula nano galama'. Gitio noyo taak simbalui koson mangampun ra tula ru ngaangai' ulun.

IJRA 8:35

Paat ra orou raginio niayuk, ngaangai' ulun ondo' minuli' intor ra pamatiran, nampataak ra taak simbalui koson mapabansuk ra guang ru Tuhan, i Aki Kapuuno' ru Israil. Nampataak ilo ra 12 ngainan sapi' gawayan ra tayar ru ngaangai' ulun ru Israil, 96 ngainan domba gawayan am 77 ngainan anak domba. Nampataak ilo niayuk ra 12 ngainan kambing ra tayar ru taak simbalui koson mangampun ra tula nilo galama'. Ngaangai' bibiag no sinolob koson ra taak simbalui koson ra Tuhan.

2 TUNUNG RU BANSA' ISRAIL 29:24

Kopongo raginio, imam-imam nanimbalui ra kambing-kambing am pasasaro' raraa' ru kambing giu' ra rasawat ru altar, koson mamuso ra tula ru ngaangai' mamagun, sabap ra nanusub noyo raja' risilo mampataak ra taak simbalui koson mapabansuk ra guang ru Tuhan am taak simbalui koson mangampun ra tula ru ngaangai' mamagun ru Israil.

KAINGKUALAN 30:10

Musiti' i Arun sambilor igondo' mambaal ra upacara pamasawan ra altar am kupilin ra raraa' ru bibiag ondo' pataakon koson taak simbalui koson mangampun ra tula, ra kaapat-apat sangau ru altar no. Baal ragitio musiti' baalon moonong bilor ra sabuoi-buoi no. Musiti' matulai ngai' altar ti am patimpokon Raki', Tuhan.”

IMAMAT 16:27

Sapi' gawayan am kambing ondo' pataakon tayar ru taak simbalui koson mangampun ra tula, am ondo' raraa' no ibiton giu' ra ralalom ru Lamin Matulai Kaga' tayar mamuso ra tula, musiti' ibiton mingkual giu' ra liwar ru pangkiman am solobon. Kungkung, kual am tinai' ru karuruo bibiag no musiti' solobon ngaangai' no.

IMAMAT 16:11

Makataak ri Arun sapi' gawayan no tayar ru taak simbalui koson mangampun ra tula nano galama' am sasambaloi nano,

IMAMAT 16:3

Makaumpos io ra ralalom ru Lamin Matulai Kaga' ra io mopongo ayuk magibit ra sanginan sapi' gawayan mamulok tayar ru taak simbalui koson mangampun ra tula am sanginan domba gawayan tayar ru taak simbalui koson mapabansuk ra guang ru Tuhan.”

IMAMAT 9:2

Indagu i Musa ri Arun, “Alapo' sanginan sapi' gawayan ondo' mamulok am sanginan domba gawayan, am karuo-ruo no kalo najamaran no, pataako' boo karuo-ruo no koson taak simbalui ra Tuhan. Sapi' gawayan no tayar ru taak simbalui koson mangampun ra tula, am domba gawayan no tayar ru taak simbalui koson mapabansuk ra guang ru Tuhan.

IMAMAT 8:17

Alap io ra suwo ru sapi' no pinaaya' kungkung, kual am tinai' no, solobo' no boo ngaangai' no giu' ra liwar ru pangkiman, koson ra nanusuban ru Tuhan.

IMAMAT 6:25

koson manaak ri Arun am anak-anak nano ra aturan ragitio intor ra taak simbalui koson mangampun ra tula. Bibiag ondo' tayar ru taak ragitio musiti' simbaluyon tampilon ralayo ru altar, giu' ra intok manimbalui ra taak simbalui koson mapabansuk ra guang ru Tuhan. Taak simbalui ti matulai kaga'.

IMAMAT 5:8

Musiti' io mapataak ra susuit-susuit no ra imam. Musiti' imam no mapataak galing ra susuit ondo' inaru' tayar ra taak simbalui koson mangampun ra tula. Musiti' imam no mamilos ra liog ru susuit no, kaa' pai' masaboi mauntas ulu ru susuit no.

IMAMAT 5:6

Koson ra ukuman ru tula nano, musiti' ulun no mapataak ra Tuhan ra sanginan domba ruandu' kapoam kambing ruandu'. Musiti' imam mapataak ra taak simbalui no koson mangampun ra tula ru ulun no.

IMAMAT 4:32

Amon ru mapataak sasangulun no ra sanginan domba koson mangampun ra tula nano, musiti' domba no ruandu' am kalo najamaran no.

IMAMAT 4:29

Musiti' io mapabanta' ra kalindu' nano ra rasawat ru ulu ru kambing no, am simbaluyon boo ginio ra tampilon ralayo ru altar, intok manimbalui ra bibiag tayar ru taak simbalui koson mapabansuk ra guang ru Tuhan.

IMAMAT 4:25

Imam ondo' mangandoi no musiti' mopososop ra bubua' ru kalindu' nano ra ralalom ru raraa' ru kambing no, pakupilon raraa' no ra sangau ra pisuk ru altar, am suwo ru raraa' no pawason boo ra tampilon ragana' ru altar.

IMAMAT 4:3

Amon ru makatula Tingganai Maayo Imam, saboi mangkinibit ra ngaangai' ulun ru Israil makasala, musiti' io mapataak ra Tuhan ra sanginan sapi' gawayan mamulok ondo' kalo najamaran no, maa' raginio ampunon tula nano.

UNTABAN 19:5

Ngaangai' ru sapi' no, makaaya' kungkung, kual, raraa' am tinai' nano musiti' solobon giu' ra saang ru imam.

YEHEZKIEL 43:21

Alapo' anak ru sapi' gawayan ondo' pataakon koson ra taak simbalui koson mangampun ra tula, am solobo' taak simbalui no giu' ra intok ondo' inaru', iono giu' ra liwar ru intok mapasau ra Baloi ru Tuhan.

MALIAKI 2:3

Ukumin Ku anak-anak min, am luitin Ku bulos min ra ampangara' ru bibiag ondo' pataakon min. Mopongo raginio ralaaton kau ru ulun ra nampabujukan ra ampangara'.