KAINGKUALAN 29:13 - Tanou Moonsoi Timugon

¹³ Mopongo raginio, alapon ngaangai' lomok ru kalabuat ru sapi' no, am tampilon moonsoi kaga' ra angkayau, am karuruo bubua' am lomok no; ngaangai' no solobon ra rasawat ru altar koson pataakon Raki'.

KAINGKUALAN 29:13 ပူးပေါင်းရင်းမြစ်များ

MAZMUR 22:14

Gaalon nilo kabang koson ra singa', mansangal am manungaap raki'.

KAINGKUALAN 12:9

Musiti' bibiag no tundunon patunuon, makaaya' ulu, kalayam am kalabuat nano. Akano' noyo kual ondo' matunuan no; pai' akano' kual ondo' makata' kapoam ondo' tonokon.

KAINGKUALAN 29:18

Solobon ngaangai' domba gawayan no rasawat ru altar koson taak akanon.

KAINGKUALAN 29:22

“Alapon lomok ru domba gawayan no, iku' ondo' mokolomok, lomok ru kalabuat, tampilon moonsoi kaga' ra angkayau, karuruo bubua' am lomok no, am niayuk paa ru domba ra pamiris.

KAINGKUALAN 29:25

Alapon boo ngaangai' ruti' no intor risilo am solobon rasawat ru altar, rasawat ru taak simbalui koson mapabansuk ra guang Kuno, koson taak akanon.

JISAYA 1:11

Indagu Tuhan, “Pai' min karaa' ra maansukan Aku ra taak simbalui ondo' rayusin min pataako' Raki'! Nasuraan Aku noyo ra domba ondo' pinataak mino koson ra taak simbalui koson mapabansuk ra guang Kuno,

JISAYA 34:6

Ilang Nano malimpot ra raraa' am lomok, koson ra raraa' am lomok ru domba am kambing ondo' sinimbalui. Tuhan mangatang ra taak simbalui no giu' ra bandar Bojra, am mangatang ra panimbaluyan masuang giu' ra pagun ru Idom.

JISAYA 43:24

Kalo binalian min Aku ra kaminyan maamis owou, kapoam jinala' min Aku ra lomok ru bibiag ondo' pataakon min. Kaa' sinimbagatan min boo Aku ra tula mino; kasalaan mino napakapagon Raki'.

IMAMAT 1:15

Musiti' imam magibit ra susuit no ra altar, am piloson liog no am solobon ulu no ra rasawat ru altar. Raraa' ru susuit no musiti' pawason ra kiing ru altar.

IMAMAT 1:9

Ulun no musiti' mambagu' ra kalabuat am paa ru sapi' no, am ngaangai' taak simbalui no musiti' solobon ru imam ondo' mangandoi no ra rasawat ru altar. Owou ru taak ra akanon no mapabansuk ra guang ru Tuhan.

IMAMAT 16:25

Musiti' io monolob ra lomok ru bibiag ondo' pataakon tayar ru taak simbalui koson mangampun ra tula, giu' ra rasawat ru altar.

IMAMAT 17:6

Musiti' pawason ru imam raraa' ru bibiag no ra sapapa'-sapapa' ru altar giu' ra saang ru kulobon ru Kim, am monolob ra lomok ru bibiag no maa' raginio owou no mapabansuk ra guang ru Tuhan.

IMAMAT 4:26

Musiti' io monolob ra ngaangai' lomok ru kambing no giu' ra rasawat ru altar, koson ra io monolob ra lomok ru bibiag ondo' simbaluyon tayar ru taak simbalui koson makibarakat ra Tuhan. Koon raginio ralan ru imam mapataak ra taak simbalui koson mangampun ra tula ru sangulun tingganai, am ampunon boo tingganai no ru Tuhan.

IMAMAT 4:31

Musiti' io boo mapasuai ra ngaangai' lomok ru kambing no, koson ra io napasuai ra lomok ru bibiag tayar ru taak simbalui koson makibarakat ra Tuhan. Kopongo raginio, musiti' io monolob ra lomok no ra giu' rasawat ru altar. Owou ru taak simbalui no mapabansuk ra guang ru Tuhan. Ginio noyo ralan ru imam mapataak ra taak simbalui koson mangampun ra tula ru ulun no, am ampunon boo ulun no ru Tuhan.

IMAMAT 4:35

Musiti' io mapasuai boo ra ngaangai' lomok ru domba no, koson ra io napasuai ra lomok ru domba ondo' sinimbalui tayar ru taak simbalui koson makibarakat ra Tuhan. Musiti' io monolob ra lomok no ra rasawat ru altar pabayaan ra taak ra akanon ondo' pataakon ra Tuhan. Ginio noyo ralan ru imam mapataak ra taak simbalui koson mangampun ra tula ru ulun no, am ampunon boo ulun no ru Tuhan.

IMAMAT 6:12

Apui giu' ra rasawat ru altar no musiti' mararayus mapaang am kalo malasa'. Moonong ra susuab ti imam musiti' mapatampak ra luton giu' ra rasawat ru altar, mapatampak ra taak simbalui koson mapabansuk ra guang ru Tuhan giu' ra rasawat ru altar, am monolob ra lomok intor ra taak simbalui koson makibarakat ra Tuhan.

IMAMAT 7:3

Ngaangai' lomok ru bibiag no musiti' pasuayon am pataakon giu' ra rasawat ru altar: Iku' ondo' mokolomok, lomok nokolopot ra kalabuat,

IMAMAT 7:31

Musiti' lomok no solobon ru sangulun imam giu' ra rasawat ru altar, kaa' kubab ru bibiag no longgom ru imam-imam.

IMAMAT 7:4

angkawa' pabayaan ra lomok no, am niayuk tayar ra moonsoi kaga' intor ra angkayau ru bibiag no.

IMAMAT 8:16

Alap i Musa ra ngaangai' lomok ondo' soroi ra kalabuat ru sapi' no, tayar moonsoi kaga' intor ra angkayau ru sapi' am angkawa' nakaaya' lomok no, solobo' no ngaangai' no giu' ra rasawat ru altar.

IMAMAT 8:25

Alap i Musa ra lomok ru domba no, am niayuk iku' ondo' mokolomok, lomok ondo' nokolopot ra kalabuat no, tayar ra moonsoi kaga' intor ra angkayau no, angkawa' pabayaan ra lomok no am paa ra pamiris ru domba no.

IMAMAT 9:10

Solobo' no boo lomok ru sapi' gawayan no, angkawa' am paat ra moonsoi kaga' intor ra angkayau ru sapi' no giu' rasawat ru altar, koson ra nanusuban ru Tuhan ri Musa.

IMAMAT 9:19

Pabantaa' ri Arun tayar ra mokolomok intor ra sapi' am domba no

UNTABAN 18:17

Kaa' anak katuaan ru sapi', domba am kambing kalo mapuli'; bibiag raginio tayar Kuno ngaangai' am musiti' pataakon koson ra taak simbalui. Pawaso' raraa' ru bibiag no ra altar am solobo' lomok no tayar ru taak akanon; owou no mapabansuk ra guang Kuno.

1 SAMUIL 2:16

Amon ru tumaam ulun no, “Moonsoi gagayaan takau aturan am solobon galing lomok no; malupus raginio alapon mu boo atan ondo' kasagaan muno,” am mindagu ulipon no, “Kalo! Taaki' kual no raki' raino niayuk! Amon ru kalo, jajalin ku alapo'.”