KAINGKUALAN 28:43 - Tanou Moonsoi Timugon

⁴³ Musiti' saluaron ri Arun am anak-anak nano saluar raginio paat ra ilo mumpos ra Kim Kuno, kapoam tumingkuang ra altar koson mangandoi ra imam giu' ra Lamin Pansunuran, maa' raginio kalo matoi ilo mapakito ra tayar ru inan nilo ra kalo maaya' ilain. Gitio noyo aturan inaru' tayar ri Arun am papag nano.”

KAINGKUALAN 28:43 ပူးပေါင်းရင်းမြစ်များ

KAINGKUALAN 20:26

Pai' Aku baali' ra altar ondo' makatukar, maa' raginio kalo makito tayar ru inan min ondo' kalo maaya' ilain.”

KAINGKUALAN 27:21

Musiti' i Arun am anak ungkuyon nano magalung ra lampung no ralalom ru Kim Kuno, giu' ra liwar ru tabir ondo' saang ru Kaban Nabantuan. Giu' no, ra saang Kuno, musiti' sikitin lampung no intor ra mai' ti saboi ra susuab ti. Musiti' susuban ragitio gagayaan ra sabuoi-buoi no ru ulun ru Israil am papag nilo.”

KAINGKUALAN 30:21

Musiti' ilo mambagu' ra kalindu' am kalayam maa' raginio kalo matoi ilo. Aturan ragitio musiti' gagayaan nilo am papag nilo ra sabuoi-buoi no.”

YEHEZKIEL 44:17

Paat ra ilo sumubol ra liliut ralalom mansail ra kulobon garabang, musiti' ilo mambayang ra linon. Kalo iowon ilo mambayang intor ra bulu ru domba paat mangandoi giu' ra liliut ralalom kapoam giu' ra ralalom ru Baloi Kuno.

IMAMAT 16:13

Giu' no, giu' ra saang ru Kaban Nabantuan, musiti' io monolob ra kaminyan no am lisun ru kaminyan no manaub ra tataub ru Kaban Nabantuan maa' raginio tataub no kalo makito ri Arun; amon ru makito no tataub no, matoi io.

IMAMAT 17:7

Musiti' ulun ru Israil magulayun gumagaya' ra Tuhan, am kalo manimbalui ra bibiag nilo giu' ra tana' malimparang ra tayar ru taak ra riwato-riwato ondo' sumalu ra kambing. Musiti' aturan ragitio gagayaan ru ulun ru Israil ra sabuoi-buoi no.

IMAMAT 22:15

Kalo majamalan ru imam taak simbalui ondo' palilion ayuk no,

IMAMAT 22:9

“Musiti' ngaangai' imam gumagaya' ra aturan raginilo ondo' tinaakan Kuno. Amon ru kalo, makasala ilo am matoi sabap ra manggal ra aturan ra mangapasau no. Aku noyo Tuhan am Aku noyo napapasau risilo.

IMAMAT 3:17

Lomok kapoam raraa' kalo noyo toojo maakan ru ulun ru Israil. Aturan ragitio musiti' suguton ru ngaangai' ulun ru Israil ra sabuoi-buoi no, ra ati ayuk ayanan nilo.

IMAMAT 5:1

Taak simbalui koson mangampun ra tula gogoton pataakon ra tayar ru baal ragitio: Amon ru sasangulun no napatas noyo kitaakon mangani' ra inono' giu' ra makama, kaa' kalo nangani' ra pambalaan ra ondo' nakito nano noyo kapoam naining nano, am musiti' io mansaan ra kinibit no.

IMAMAT 5:17

Amon ru osoi ayuk pana ra kalo singonon mambaal ra tula sabap ra manggal rondo' intor ra susuban ru Tuhan, makasala ulun no am musiti' io mansaan ra kinibit no.

UNTABAN 15:15

Koson ra paat kolondo' pupus, aturan ra mogondo' masauk ramuyun am ra ulun bansa' ra bokon ondo' minayan ramuyun. Akau am ilo nogondo' ayuk ra saang ru Tuhan;

UNTABAN 18:22

Ulun ru Israil ra bokon kalo boo iowon painggaaron ra Kim no. Amon ru minggaar ilo, maparatong ilo ra ukuman matoi risilo galama'.

UNTABAN 18:32

Kolondo' sala min paat ra akau mangakan raginio, malupus ayuk makataak min noyo tayar ondo' moonsoi kaga' ra Tuhan. Kalo pajamalin ramuyun taak ra mapasau intor ra ulun ru Israil ra mangakan ra atan pana intor ra taak no ra kalo poyo makataak tayar ondo' moonsoi kaga' ra Tuhan. Amon ru manggal kau ra aturan no, ukumin kau ra matoi.”

UNTABAN 18:8

Indagu Tuhan ri Arun, “Karaa' noyo ra ngaangai' indangan luntukon ondo' kalo sinolob ra tayar ru taak simbalui, ondo' pinataak Raki', pataakon Ku rirun. Manaak Aku rirun am papag muno ra indangan no, koson okou no ra tayar raginio ondo' inaru' ra sabuoi-buoi no.

UNTABAN 9:13

Sasangulun ondo' kalo majamol am sala' ka ralalom pangkiralanan ra maalur, kaa' kalo mangiantak ra Paska, kalo boo karaan ra ulun Kuno sabap ra kalo napataak io ra taak Raki' paat ondo' inaru'. Musiti' io mansaan ra kinibit ru tula nano.