KAINGKUALAN 28:41 - Tanou Moonsoi Timugon

⁴¹ Pabayangon bayang raginio ri Arun am anak-anak nano. Patimpokon am palilion ilo boo Raki' ra mangumau risilo ra umau jaitun, maa' raginio mangandoi ayuk Raki' koson ra imam.

KAINGKUALAN 28:41 ပူးပေါင်းရင်းမြစ်များ

KAINGKUALAN 28:1

“Piawo' noyo maayo muno i Arun am anak ungkuyon nano i Nadab, Abigu, Iliajar am i Itamar. Timpokon ilo intor ra popolos ulun ru Israil, maa' raginio mangandoi ilo Raki' koson ra imam.

KAINGKUALAN 28:4

Susubo' ilo mambaal ra utau, efod, sukub, sukub aniin ra sulam, serban am abot. Musiti' ilo mambaal ra bayang ru imam no ra maayo muno i Arun am anak-anak nano maa' raginio makapangandoi ilo ayuk Raki' koson ra imam.

KAINGKUALAN 29:24

Pabantaan ngaangai' ruti' ti ra kalindu' ri Arun am anak-anak nano, am susubon ilo mapataak ra ngaangai' no Raki' koson taak paluntukon.

KAINGKUALAN 29:35

“Paugaron upacara patimpokon ri Arun am anak-anak nano buoi katuluan koson ra nanusuban Kuno rirun.

KAINGKUALAN 29:7

Mopongo ginio alapon umau ru upacara am pasasaron ra rasawat ru ulu nano ra koson patimpokon io.

KAINGKUALAN 29:9

pogoboton ilo niayuk ra abot, am pansigalon ilo. Ginio noyo ralan muno ra patimpokon i Arun am anak-anak nano. Musiti' ilo am papag nilo mangandoi Raki' ayuk koson ra imam ra sabuoi-buoi no.

KAINGKUALAN 30:35

Intor raginio ngai' pambaal ra kaminyan koson mambaal ra umau maamis owou. Ruangin ra usi' koson saukon ginio ra kopoyo am matulai.

KAINGKUALAN 40:13

Pambayangon i Arun ra bayang ru imam am luitin io ra umau. Ralan ragitio patimpokon io maa' raginio mangandoi io Raki' koson ra imam.

KAINGKUALAN 40:15

Mopongo raginio luitin ilo ra umau, koson ra okou napaluit ra ama' nilo ra umau, maa' raginio mangandoi Raki' koson ra imam. Upacara mapaluit ra umau no mapasauk ra bansa' nilo ra imam saboi ra papag ka papag.”

JISAYA 10:27

Amon ru masuku' bulintok no, palabuson Takamin intor ra pangimbalaan ri Asyur, am kalo boo manguasa' io ramuyun.”

JISAYA 61:1

Kuasa' ru Tuhan Ondo' Masawat Kaga' soroi raki'; Io nampili' raki' am nanusub raki' koson mapatanou ra tanou moonsoi ra ulun musikin, koson mapatapuli' ra ulun natutuk guang, koson mapatanou ra ulun rinakop ra ilo palabuson mataki', am ra ulun-ulun ralalom ru pangaputan ra paingkualon ilo.

YEHEZKIEL 43:26

Imam-imam no musiti' mamasau am manampos ra altar no buoi tulu' ngoorou.

IMAMAT 10:7

Pai' kau ingkual ra buoi intor ra kulobon ru Kim ru Tuhan. Amon ru mingkual kau, matoi kau sabap ra patimpokon kau noyo ra umau upacara mangandoi ayuk ra Tuhan.” Sinugut nilo nanusuban ri Musa.

IMAMAT 16:24

Musiti' io mariu' giu' ra rondo' intok ondo' inaru' ra mapasau, bayangon no boo bayang nano galama'. Mopongo raginio musiti' io mingkual, mampataak boo ra taak simbalui koson mapabansuk ra guang ru Tuhan, tayar ru mamuso ra tula nano galama' am tula ru ulun ru Israil.

UNTABAN 16:5

Indagu boo i Musa ri Kora am mamaya' nano, “Susuab no ra susuab ti, manulu' Tuhan ra osoi longgom Nano, iono ulun ondo' patimpokon Riso; ulun ondo' pinili' Nano iowon No minggaar Riso giu' ra altar.

UNTABAN 3:3

Patimpokon ilo ra imam ra upacara papasasaran ra umau ra rasawat ru ulu.

JUANIS 3:34

Io ondo' sinusub ri Aki Kapuuno' mampasaboi ra ragu Nano, sabap ra kalo palasin i Aki Kapuuno' mangani' Riso ra Ambiluo Nano.

IBRANI 5:4

Kolondo' sangulun galama' mampili' sumauk ra Tingganai Maayo Imam, kaa' piawon io ri Aki Kapuuno', koson i Arun piniau ra galing i.

IBRANI 7:28

Ukum ri Musa mangaru' ra ulun ondo' kalo matanda' masauk ra Tingganai Maayo Imam. Kaa' malupus Ukum ni, nambantu' am nagibot i Aki Kapuuno' ra mampili' Io ra Anak Nano ondo' pinasauk ra kolondo' sala, masauk ra Tingganai Maayo Imam ra sabuoi-buoi no.

1 JUANIS 2:20

Kaa' nakaapu kano ra Ambiluo ri Aki Kapuuno' ondo' pinataak ri Jisus Kristus. Ginio sabap ra akau nakaulig toojo ra pangilaan ri Aki Kapuuno' ondo' motopot.

1 JUANIS 2:27

Kaa' akau galama', inanian noyo ri Jisus Kristus ra Ambiluo Nali. Am buoi ru Ambiluo no soroi ramuyun, kalo pana ilaan kau ru ulun. Ambiluo no mangila' ramuyun ra atan-atan ayuk am pangilaan Nano motopot, sala' ka magabau. Ginio boo ra akau musiti' gumagaya' ra pangilaan ru Ambiluo no, am maayag kau sumimpung ri Jisus Kristus.