KAINGKUALAN 28:39 - Tanou Moonsoi Timugon

³⁹ “Bayang maawar ri Arun no musiti' baalon intor ra konoon linon molomos. Pambaal niayuk ra serban intor ra konoon linon molomos am abot ondo' makasulam.

KAINGKUALAN 28:39 ပူးပေါင်းရင်းမြစ်များ

MAZMUR 45:14

Mumpos anak ralaa ru raja' ra mantalur kaga', bayang nano binaal intor ra gantian mas.

KAINGKUALAN 26:36

“Kulobon umpasan ra ralalom, pambaal ra tabir intor ra konoon linon molomos ondo' binaal intor ra konoon bulu makabatik motomou, matanggilung am malia' ondo' binungaan ra sulaman.

KAINGKUALAN 27:16

Kulobon subalan no, musiti' tabirin ra gawar no 9 ngamito; tabir no musiti' baalon intor ra konoon molomos ondo' binaal intor ra bulu makabatik motomou, matanggilung am malia' am niayuk bungain ra sulaman. Tabir ru kulobon no musiti' antulanin ra apat ngantaun lugu' ra apat antulan.

KAINGKUALAN 28:4

Susubo' ilo mambaal ra utau, efod, sukub, sukub aniin ra sulam, serban am abot. Musiti' ilo mambaal ra bayang ru imam no ra maayo muno i Arun am anak-anak nano maa' raginio makapangandoi ilo ayuk Raki' koson ra imam.

KAINGKUALAN 29:5

Mopongo ginio pambayangon i Arun ra bayang ru imam: Bayang maawar, sukub ondo' bayangon manili ra efod, efod am utau am abot no.

KAINGKUALAN 29:6

Pasampakon serban ra ulu nano, am takinin ra bubunga' ondo' makabatik ra ‘Patimpokon ra Tuhan’ ra serban no.

KAINGKUALAN 29:8

“Mopongo ginio, susubon anak-anak ri Arun no matong am pambayangon ilo ra sukub;

KAINGKUALAN 39:27

Pambaal ilo ra sukub intor ra konoon linon molomos bayangon ri Arun am anak-anak nano,

IMAMAT 16:4

Musiti' i Arun manutun ra aturan ragitilo. Kalo poyo mumpos i Arun ra Lamin Matulai Kaga', musiti' io mariu' am mambayang ra bayang ru imam; sukub, saluar mariwa', abot am serban, ondo' ngaangai' no binaal intor ra konoon linon.

IMAMAT 6:10

Musiti' boo imam ondo' nambayang ra sukub am nansaluar mariwa' intor ra linon no mangalap ra kaau mokolomok ondo' soroi giu' ra altar no, am pabantaan no ra kiing ru altar no.