KAINGKUALAN 28:30 - Tanou Moonsoi Timugon

³⁰ Pabulio' Urim am Tumim ralalom ru utau no maa' raginio maibit ri Arun paat ra io matong ra saang Kuno ondo' matulai. Paat ra koson raginio musiti' io magail magutau raginio koson makapandai ra kasagaan Kuno ra ulun ru Israil.”

KAINGKUALAN 28:30 ပူးပေါင်းရင်းမြစ်များ

IJRA 2:63

Gabenor ru pagun Jiuda nanginggalar risilo mangakan ra akanon ondo' pinataak ri Aki Kapuuno', saboi mokoondo' sangulun imam ondo' nakaalap ra pakituluan ra namakai ra Urim am Tumim.

NIGIMIA 7:65

Gabenor ru wilayah Jiuda nanginggalar risilo mangakan ra akanon ondo' pinataak ri Aki Kapuuno', ra kalo poyo mokoondo' ra sangulun imam ondo' makapakitulu' mamakai ra Urim am Tumim.

KAINGKUALAN 28:29

“Makasubol i Arun ra Lamin Pansunuran, musiti' io magutau ra ondo' makabatik ra inggalan ru bansa'-bansa' ru Israil, maa' raginio Aku Tuhan, magail mangkara' ra ulun Kuno.

IMAMAT 8:8

Pautawo' niayuk ri Musa utau no ri Arun am pasuango' Urim am Tumim ralalom ru utau no.

JAKARIA 6:13

Io noyo ondo' mambaal ra Baloi Kuno am mangapu ra urumat ondo' aniin ru raja', am mamarinta io ra mamagun nano. Sangulun imam mamaya' riso am maguyu mangandoi ra moonsoi.’

UNTABAN 27:21

I Josua musiti' makitaak ra panuluan intor ra Imam Iliajar, am i Iliajar musiti' mangkuot ra kasagaan Kuno ra mamakai ra Urim am Tumim. Kon ragitio noyo ralan ra makapanaak i Iliajar ra panuluan ri Josua am ra ngaangai' ulun ru Israil ralalom ru ngaangai' baal ondo' umaan nilo.”

2 KORINTUS 12:15

Maayo guang kuno mangani' ramuyun ra atan ayuk mokoondo' raki', suku' ra kaayagan kuno pana, maa' raginio makapangindangan aku ramuyun. Amon ru ginio noyo gayo ru kinotogom kuno ramuyun, kua pai' tagami' min aku toojo?

2 KORINTUS 7:3

Mindagu aku raginio sala' ka koson mononsol ramuyun. Sabap ra nakaindagu aku no alia ra maayag kapoam matoi motogom akai ramuyun.

SAGULION 33:8

Intor ra bansa' ru Liwi, indagu io, “Iou Tuhan, pabalaa' noyo kasaga' Muno ralalom ru Urim am Tumim, ralalom ru ulun ru Liwi, ulipon Muno ondo' gumagaya'. Nangkinam Kou noyo risilo giu' ra Masa, am napainono' ra gagaya' nilo giu' ra taur ru timug Miriba.

IBRANI 2:17

Ginio noyo sabap ra musiti' Io masauk ra ulun koson ra pabukat Nano ralalom ngaangai' baal. Maa' boo raginio nasauk Io ra Tingganai Maayo Imam ondo' makaasi' toojo ritakau am masalok gumagaya' ra susuban ri Aki Kapuuno'. Intor ra kandoi Nano raginio tula ru ulun ampunon boo ri Aki Kapuuno'.

IBRANI 4:15

Sabap ra Tingganai Maayo Imam takano sala' ka sangulun ondo' kalo nakaliman ra paliso takau, kaa' sotopot no kininaman Io ralalom ngaangai' baal koson ritakau, kaa' kalo makatula Io.

IBRANI 9:12

Igondo' ayuk i Kristus minumpos ra Intok Matulai Kaga' ti am ginio sama' ra sabuoi-buoi no. Kalo nagibit Io ra raraa' ru kambing am raraa' ru sapi' gawayan, kaa' inibit No raraa' Nano galama' ondo' nasauk ra puun ru pamayagan mantilayun takau.

IBRANI 9:24

Ginio sabap ri Kristus kalo minumpos ra Intok Matulai binaal ru ulun ondo' tumilu ra Intok Matulai ra sotopot no. Kaa' minumpos Io ra suruga' am soroi Io ra giu' no raino koson makiindangan Io ri Aki Kapuuno' ritakau.

TINGGANAI RU BANSA' 1:1

Kopongo i Josua minatoi, pangkuot ulun ru Israil ra Tuhan, “Iou Tuhan, ati kia ra bansa' ondo' musiti' kasaa' mongoi bulunsar ra ulun ru Kanaan?”

TINGGANAI RU BANSA' 20:18

Ongoi ulun ru Israil ra intok sambayangan giu' ra Bitil am pangkuot ri Aki Kapuuno', “Ati ra bansa' ondo' musiti' no kasaa' mamulunsar ra ulun ru Binjamin?” Taam Tuhan, “Bansa' ru Jiuda.”

1 SAMUIL 28:6

Nangkuot io ra Tuhan intor ra atan musiti' baalon nano. Kaa' Tuhan kalo timinaam, iou pana ra inupi, kapoam ra Urim am Tumim, kapoam ra pinabala' galing ra nabi.