KAINGKUALAN 28:29 - Tanou Moonsoi Timugon

²⁹ “Makasubol i Arun ra Lamin Pansunuran, musiti' io magutau ra ondo' makabatik ra inggalan ru bansa'-bansa' ru Israil, maa' raginio Aku Tuhan, magail mangkara' ra ulun Kuno.

KAINGKUALAN 28:29 ပူးပေါင်းရင်းမြစ်များ

KAINGKUALAN 28:12

am patakinon no ra tali ru limbawo ru efod koson manguakil ra mopor am ruo bansa' ru Israil. Gitio ralan ri Arun magibit ra inggalan nilo ra limbawo nano, maa' raginio Aku Tuhan, magail mangkara' ra ulun Kuno.

KAINGKUALAN 28:15

“Baali' Imam Maayo ra sampila' utau; pautawon utau no paat ra masaga' makapandai ra kasagaan ri Aki Kapuuno'. Musiti' utau no baalon intor ra bahan ondo' pakayon mambaal ra efod, am niayuk makasulam koson ra efod.

KAINGKUALAN 28:28

Pobongkoso' golong ru utau no ra golong ru efod ra tali motomou, maa' raginio utau no mokosoroi rasawat ru abot am kalo malakas.

KAINGKUALAN 28:30

Pabulio' Urim am Tumim ralalom ru utau no maa' raginio maibit ri Arun paat ra io matong ra saang Kuno ondo' matulai. Paat ra koson raginio musiti' io magail magutau raginio koson makapandai ra kasagaan Kuno ra ulun ru Israil.”

RIMBAI PANGAMPARAN 8:6

Sauko' aku ra ambai muno; pai' ganggol ra bokon ondo' ak am aku, sabap ra lumaai no koson ra kinaikang ru kapatayan, am saga' ru guang galama' manguasa' koson ra patayan. Simbula' nano koson ra simbula' ru apui, ondo' bibilak ra makalalaa'.

JIRIMIA 30:21

Ulun manguasa' risilo matong intor ra bansa' nilo, raja' nilo intor ra bansa' nilo. Muma' io Raki' paat ra Aku mampiau riso, sabap ra osoi kia ondo' baani muma' ra kalo piawon? Masauk ilo ra ulun Kuno am masauk Aku ri Aki Kapuuno' nilo. Aku, Tuhan nakaindagu noyo.”

ROMA 10:1

Pabukat kau ngaangai', kaandaman ru guang kuno am pakiasian ku ri Aki Kapuuno', ioginio ra ngaangai' bansa' kuno bayagon.