KAINGKUALAN 26:33 - Tanou Moonsoi Timugon

³³ Patakinon tabir no ragana' ru pinatinting ra sangutan ra taap ru Kim. Pabantaa' Kaban Nabantuan ondo' makasuang ra ruo batu pamatikan no ra bakulung ru tabir no. Tabir no mapasuai ra Lamin Pansunuran am Lamin Matulai Kaga'.

KAINGKUALAN 26:33 ပူးပေါင်းရင်းမြစ်များ

1 RAJA'-RAJA' 6:16

Rondo' lamin ondo' ininggalanan ra Lamin Matulai Kaga' binaal ra tampilon ra talikuron ru Baloi ru Tuhan. 9 ngamito gawar no, am linolot intor ra sulig saboi ra pinuusan no ra papan intor ra tataun sidar.

1 RAJA'-RAJA' 8:10

Tatanga' ru imam-imam mangiruan ra Baloi ru Tuhan, pulali' ru Baloi no natikop ra gaun.

1 RAJA'-RAJA' 8:6

Kopongo raginio imam-imam nagibit ra Kaban Nabantuan no ra ralalom ru Baloi ru Tuhan, am napabanta' raginio giu' ra Lamin Matulai Kaga', giu' ra ragana' ru sinungkalalaing kirub.

2 TUNUNG RU BANSA' ISRAIL 3:8

Lamin tampilon ra ralalom, ondo' sabiton ra Lamin Matulai Kaga', gawar no 9 ngamito, am pila' no 9 ngamito niayuk, iono koson ra pila' ru Baloi ru Tuhan. Lamin Matulai Kaga' inangkupan ra mas ondo' bagat no nasailan intor ra 20 ngatan,

KAINGKUALAN 25:16

Musiti' min pabantaan boo karuo-ruo batu pamatikan ondo' pataakon Kuno ramuyun ralalom ru Kaban; batu raginilo makatinulisan ra susuban no.

KAINGKUALAN 26:32

Patairo' tabir no ra apat lugu' tataun akasia ondo' inangkupan ra mas, ondo' takinin ra sangutan mas am potolorogon ra rasawat ru apat antulan pirok.

KAINGKUALAN 27:10

antulanin ra ruo ngoopor lugu' gangsa' am ruo ngoopor antulan gangsa' am patakinon sangutan am niayuk tataun intor ra pirok.

KAINGKUALAN 27:21

Musiti' i Arun am anak ungkuyon nano magalung ra lampung no ralalom ru Kim Kuno, giu' ra liwar ru tabir ondo' saang ru Kaban Nabantuan. Giu' no, ra saang Kuno, musiti' sikitin lampung no intor ra mai' ti saboi ra susuab ti. Musiti' susuban ragitio gagayaan ra sabuoi-buoi no ru ulun ru Israil am papag nilo.”

KAINGKUALAN 36:36

Pambaal ilo apat lugu' intor ra tataun akasia koson manungka' ra tabir no; lugu'-lugu' no inangkupan ra mas am tinakinan ra sangutan mas. Ilo pana nambaal ra apat antulan pirok koson manungka' ra lugu'-lugu' no.

KAINGKUALAN 40:21

Pabantaa' no Kaban no ralalom Kim ru Tuhan am patairo' tabir panili ra saang ru Kaban Nabantuan, koson ra nanusuban ru Tuhan riso.

KAINGKUALAN 40:3

Pabantaa' Kaban Nabantuan ondo' makasuang Mopor Ukum ralalom Kim no am tabirin ra tabir giu' ra saang ru Kaban.

YEHEZKIEL 41:4

Nanuku' io ra lamin no niayuk; gayo nano 10 ngamito. Kopongo raginio indagu io raki', “Gitio noyo Lamin Matulai Kaga'.”

IMAMAT 16:2

“Balai' i Arun, maayo muno, ra paat ra ondo' inaru' ayuk, mokoongoi io ra talikuron ru tabir, mongoi ralalom ru Lamin Matulai Kaga', sabap ra giu' no mintalang Aku ralalom ru gaun rasawat ru tataub ru Kaban Nabantuan. Amon ru manggal i Arun ra susuban raginio, matoi io.