KAINGKUALAN 25:8 - Tanou Moonsoi Timugon

⁸ Susubo' ulun raginilo mambaal Raki' ra rondo' kim matulai maa' raginio makaayan Aku risilo.

KAINGKUALAN 25:8 ပူးပေါင်းရင်းမြစ်များ

1 RAJA'-RAJA' 6:13

Sumoroi Aku ra ulun Kuno Israil giti ra Baloi ondo' baalon mutu, am kalo noyo iruanin Ku ilo.”

1 TUNUNG RU BANSA' ISRAIL 22:19

Ginio ra, akau mangandoi ayuk ra Tuhan i Aki Kapuuno' min ra sotopot ru guang am sotopot ru salibuor. Talimpuuni' noyo mambaal ra baloi koson ra Tuhan maa' raginio Kaban Nabantuan Nano am ngaangai' kuliamos ra bokon ondo' pakayon timpokon koson ra sambayang mabulian ra giu' no.”

KAINGKUALAN 15:17

Nagibit Kou risilo mumpos, am mapaayan risilo giu' ra gunung Muno, intok ondo' Okou, iou Tuhan, nampili' koson masauk ra ayanan Muno; Baloi ondo' binaal Muno galama'.

KAINGKUALAN 15:2

Tuhan manaung raki' ondo' maikang; Io noyo namayag raki'. Io i Aki Kapuuno' kuno, am mongompor aku Riso; Io i Aki Kapuuno' ondo' sambaan ri ama' i, am marimbai aku ra kinaayo Nano.

KAINGKUALAN 29:45

Mayan Aku sumimpung ra ulun ru Israil, am masauk Aku ri Aki Kapuuno' nilo.

KAINGKUALAN 29:46

Makapandai ilo ra Aku noyo Tuhan i Aki Kapuuno' nilo ondo' nagibit risilo miningkual intor ra Misir, maa' raginio makaayan Aku risilo. Aku noyo Tuhan i Aki Kapuuno' nilo.”

JISAYA 12:6

Musiti' no moonong mamagun ru Sion magilakup am marimbai. Aki Kapuuno' ondo' matulai, Aki Kapuuno' ru Israil no matulai, Minunor Io ramuyun.”

YEHEZKIEL 37:26

Mambaal Aku ra nabantuan risilo, am nabantuan no koson ra jamin ru pamayagan risilo ra sabubuoi no. Mambarakat Aku risilo am ruangin suang nilo. Mambaal Aku ra Baloi Kuno, ondo' magulayun giu' ra pagun nilo ra sabubuoi no.

YEHEZKIEL 37:28

Paat ra paayanon Ku Baloi Kuno giu' ra tatanga' nilo ra sabubuoi no, makapandai ilo boo ra Aku, Tuhan nampili' ra Israil koson ra ulun Kuno galama'.”

YEHEZKIEL 43:7

“Okou ulun mapandai matoi, gitio noyo kurisi' turungan Kuno. Mayan Aku ragiti, tatanga' ru ulun ru Israil, am mamarinta Aku risilo ra sabubuoi no. Ulun ru Israil am raja'-raja' nilo kalo boo mampajamol ra inggalan Kuno ondo' matulai am sumamba ra sinungkalalaing, kapoam mompolobong ra baangkai ru raja' nilo ra intok ragitio.

IMAMAT 10:4

Pampiau boo i Musa ri Misail am i Ilsapan, anak ilo ri Ujiil, kamaman ri Arun. Indagu i Musa risilo, “Ibok, ibito' baangkai ru pantukir minti mingkual intor ra Kim ru Tuhan, am pabantaa' min baangkai no giu' liwar ru pangkiman.”

IMAMAT 26:11

Mayan Aku ramuyun ralalom ru Kim Kuno, am kalo toojo mangimpai ramuyun.

IMAMAT 4:6

Musiti' io mopososop ra bubua' ru kalindu' nano ra raraa' no, patakison boo raraa' no intulu' ra saang ru tabir ondo' mapatuliar ra Lamin Matulai.

JAKARIA 2:10

Indagu Tuhan, “Parimbai kano ra maansukan, akau mamagun ru Jirusalim! Mayan Aku ra tatanga' min!”

JAKARIA 8:3

Sumaguli' Aku ra Jirusalim, bandar Kuno ondo' matulai am lumayun ra giu' no. Jirusalim mauligan ra bandar ondo' gumagaya', am bulur ru Tuhan Ondo' Maayo Kaga' Kuasa' am sabiton ra bulur matulai.

UNTABAN 5:3

Susubo' noyo ngaangai' ulun ondo' majamol mingkual maa' raginio kalo majamalan nilo pangkiman, intok ayanan Kuno mabaya' ra ulun Kuno.”

RINALATAN 7:44

“Kinamatuaan takali mokoondo' ra Kim Sambayangan ondo' nababaya' risilo giu' ra intok masiluk. Kim no binaal maya' ra nanusuban ri Aki Kapuuno' ri Musa, sumugut ra ondo' nanuluan Nano riso i.

2 KORINTUS 6:16

Mokoondo' kia sinungkalalaing sambaan ra Baloi Tuhan? Maaru' kolondo'! Itakau ti noyo Baloi Tuhan, ioginio i Aki Kapuuno' ondo' maayag. Sabap ra i Aki Kapuuno' galama' minindagu, “Rumondon Aku risilo am luminjau Aku ra tatanga' nilo. Masauk Aku ra Tuhan nilo, am masauk ilo noyo ra ulun Kuno.

SAGULION 12:11

Mampili' Tuhan ra rondo' intok ondo' masauk ra intok sumambayang Riso. Giu' no akau musiti' magibit ra ngaangai' ondo' nanusuban kuno: taak simbalui koson mapabansuk ra guang ru Tuhan am taak simbalui ra bokon, sampiopor am taak ra bokon, am taak ra luntukon ondo' binantu' min ra Tuhan.

IBRANI 3:6

Kaa' i Kristus gumagaya' koson ra Anak ondo' maningganai ra ngaangai' ulun ri Aki Kapuuno'. Itakau ti noyo ulun Nano amon ru makakau' takau am mangintopot ra makaalap atan ondo' lansanin takau.

JOSUA 22:31

Indagu i Pinigas anak ru Imam Iliajar risilo, “Raino nakapandai akai ra nabaya' Tuhan ritakau. Kalo giminuor kau Riso. Namayag kau ra ulun ru Israil intor ra ukuman ru Tuhan.”

PINAINTALANG 21:3

Korongog ku bolos mosongou intor ra takhta no, kono, “Raino i Aki Kapuuno' masimpung ra ulun. Mayan Io mabaya' risilo am masauk ilo ra ulun Nano. I Aki Kapuuno' galama' sumimpung risilo am masauk ri Aki Kapuuno' nilo.