KAINGKUALAN 25:37 - Tanou Moonsoi Timugon

³⁷ Pambaal ra tulu' lampung ra tampakan ru lampung no am patakinon lampung raginilo ra matanda' maa' raginio sinda no suminda tampilon ra saang.

KAINGKUALAN 25:37 ပူးပေါင်းရင်းမြစ်များ

2 TUNUNG RU BANSA' ISRAIL 13:11

Moonong susuab ti am mai' ti mampataak ilo ra kaminyan, am niayuk bibiag koson ra taak simbalui koson mapabansuk ra guang ru Tuhan. Mampataak ilo ra ruti' pasulungon giu' ra rasawat ru mija' ondo' pinatimpok noyo, am moonong rondom mansikit ilo ra lampung-lampung ra tampakan ra lampung mas. Binaal mai susuban ru Tuhan, kaa' inimpayan min Io.

2 TUNUNG RU BANSA' ISRAIL 4:20

tampakan-tampakan ru lampung am lampung-lampung intor ra mas kopoyo toojo, ondo' sikitin giu' ra saang ru Lamin Matulai Kaga', sumugut ra atan ondo' inaru';

MAZMUR 119:105

Ragu Muno titiu ondo' maningganai raki', am sinda ondo' manampulau ra ralan kuno.

KAINGKUALAN 25:38

Pambaal ra sumpit pangintawang ra sumbu' ru lampung, am niayuk talam no intor ra mas kopoyo.

KAINGKUALAN 27:21

Musiti' i Arun am anak ungkuyon nano magalung ra lampung no ralalom ru Kim Kuno, giu' ra liwar ru tabir ondo' saang ru Kaban Nabantuan. Giu' no, ra saang Kuno, musiti' sikitin lampung no intor ra mai' ti saboi ra susuab ti. Musiti' susuban ragitio gagayaan ra sabuoi-buoi no ru ulun ru Israil am papag nilo.”

KAINGKUALAN 30:8

Musiti' no baalon ondo' mogondo' paat ra io mansikit ra lampung no tampilon ra mai' ti. Musiti' taak kaminyan no rayuson baalo' ra sabuoi-buoi no.

KAINGKUALAN 37:23

Pambaal io tulu' lampung ra tampakan ra lampung no; pambaal io niayuk ra sumpit koson pangimpasau ra sumbu' ru lampung, am niayuk talam no intor ra mas kopoyo.

KAINGKUALAN 40:24

Pabantaa' ri Musa tampakan ra lampung ralalom Kim ru Tuhan, tampilon rabugus, natingkuang ra mija' no.

KAINGKUALAN 40:25

Giu' no, ra saang ru Tuhan no, sikiti' no lampung no, koson ra nanusuban ru Tuhan.

AMSAL 6:23

Panuluan nilono koson ra sisilau ondo' mapaang, am pansawayan nilono manulu' ra ralan kaayagan ondo' moonsoi ramuyun.

JISAYA 8:20

Taam kau koson ragitio, “Rongogo' noyo pangilaan ru Tuhan! Ulun ra kalo matanda' ragu maya' ra pangilaan no, kolondo' kalansanan.”

JAKARIA 4:2

Nangkuot io, “Atan kia nakito muno?” Taam aku, “Nakito ku rondo' tampakan ra lampung mas. Tampilon ra rasawat nano mokoondo' rondo' mangkuk ru umau. Tampilon ra ragana' ru lampung no mokoondo' tulu' lampung ondo' moonong rondo' mokoondo' tulu' intok ru sumbu'.

UNTABAN 4:9

Musiti' ilo mangalap ra rondo' konoon motomou am taubin tampakan ra lampung am niayuk lampung-lampung no, sumpit pamasau ra sumbu' ru lampung, talam am ngaangai' papasuangan ra umau jaitun.

UNTABAN 8:2

“Balai' i Arun ra paat io mapabanta' ra tulu' lampung ra tampakan ra lampung, sinda ru lampung-lampung no musiti' matampulau giu' ra tayar saang ru tampakan ra lampung.”

MATIUS 5:14

Mogondo' ra lampung no manilau ra intok molondom, koson niayuk akau magibit ra silau ra tana' ti. Bandar ondo' binaal ra tampak ru bulur no kalo maalap ra buni.

LUKAS 1:79

mangani' Io ra sinda ra ulun ondo' mayan ra kalandaman am malaa' ra kapatayan, am maningganai ritakau ra ralan sumuku' ra kaansayan.”

JUANIS 1:9

Sinda motopot no, ondo' mampakasinda ra ngaangai' ulun, matong ra tana' ti.

JUANIS 12:5

“Kua pai' talano' umau no ra logo talu ngaatus ruit pirok, am ruit no pataakon ra ulun musikin?”

JUANIS 8:12

Indagu poyo i Jisus ra ulun masuang, “Aku noyo sinda ru tana' ti. Osoi ayuk maya' Raki' kalo mangkiralan ra kalandaman, kaa' mokoowot ra sinda ondo' mangani' ra kaayagan.”

RINALATAN 26:18

koson mangukab ra guang nilo. Ginio ra makaingkual ilo boo intor ra kalandaman am mokoongoi ra matawang; koson makalabus ilo boo intor ra kuasa' ru Tingganai ru riwato no am makasaguli' ri Aki Kapuuno'. Ra koson raginio, mansail ra pangintapatan nilo Raki', tula nilono ampunon am masauk ilo ra ulun pinili' ri Aki Kapuuno'.’ ”

PINAINTALANG 1:12

Ginio ra pangkaili aku koson magilong ra osoi kia minindagu raki' ni, am kakito ku tulu' tampakan ra lampung ondo' binaal intor ra mas.

PINAINTALANG 1:20

Gitio noyo arati' ru tulu' butitin ondo' makito muno ra kalindu' pamiris Kutu, am intor ra tulu' tampakan ra lampung binaal intor ra mas no: Tulu' butitin raginio iono malaikat ru tulu' pasimpungan ulun Kristian no, am tulu' tampakan ra lampung no ioginio tulu' pasimpungan ulun Kristian.”

PINAINTALANG 1:4

Intor raki', i Juanis, posoboyon ra tulu' pasimpungan ulun Kristian giu' ra pagun ru Asia! Gama' ru aniin kau ra barakat am pabansayan ri Aki Kapuuno', ondo' soroi raino, galing i am pupus no pana. Am intor ra tulu' ambiluo ondo' soroi ra saang ru takhta Nano.

PINAINTALANG 22:5

Kolondo' boo kalandaman ra giu' no. Pilasut am mato ru orou kalo boo makapakuan ilo, sabap ra i Aki Kapuuno', Tuhan galama', sumauk ra sinda nilo, am mamarinta ilo koson ra raja' ra sabuoi-buoi no.

PINAINTALANG 4:5

Intor ra takhta no makabinusasal ru ganit am mokobolos ra tingkalur am timpalak mapuor. Am giu' ra saang no mokoondo' tulu' titiu simininda. Ginio noyo tulu' Ambiluo ri Aki Kapuuno' no.