KAINGKUALAN 25:30 - Tanou Moonsoi Timugon

³⁰ Musiti' mija' no pabantaan ra saang ru Kaban Nabantuan, am musiti' rasawat ru mija' no magail pabantaan ruti' ondo' pataakon Raki'.”

KAINGKUALAN 25:30 ပူးပေါင်းရင်းမြစ်များ

MATIUS 12:4

Subol io ralalom Baloi Tuhan. Io am ulun-ulun nali pana nangakan ra ruti' ondo' pinataak noyo ri Aki Kapuuno', kabalu' pana baal raginio manggal ra Ukum ri Musa. Imam-imam ayuk ondo' makapangakan ra ruti' no.

KAINGKUALAN 39:36

mija' am ngaangai' kuliamos no, ruti' ondo' pataakon ri Aki Kapuuno';

MALIAKI 1:12

Kaa' akau nagasab Raki' sabap ra minindagu ra altar Kuno kolondo' onong, am nampataak kau ra akanon ondo' kararain min giu' ra rasawat ru altar no.

MALIAKI 1:7

Ralan koson ragitio; Nampataak kau ra akanon ondo' kalo maaya' pataakon giu' ra rasawat ru altar Kuno. Kopongo raginio nangkuot kau, ‘Atan koson akai kalo mangurumat Rirun?’ Mambala' Aku toojo: Nagasab kau ra altar Kuno.

2 TUNUNG RU BANSA' ISRAIL 13:11

Moonong susuab ti am mai' ti mampataak ilo ra kaminyan, am niayuk bibiag koson ra taak simbalui koson mapabansuk ra guang ru Tuhan. Mampataak ilo ra ruti' pasulungon giu' ra rasawat ru mija' ondo' pinatimpok noyo, am moonong rondom mansikit ilo ra lampung-lampung ra tampakan ra lampung mas. Binaal mai susuban ru Tuhan, kaa' inimpayan min Io.

1 TUNUNG RU BANSA' ISRAIL 23:29

Ilo niayuk musiti' mambaal ra baal ragitilo: ruti' ondo' pataakon ri Aki Kapuuno', tapung moonsoi kaga' ondo' pakayon koson ra taak, kuui malilis ondo' binaal kalo linatakan ra ragi, taak ondo' solobon, am tapung ondo' linatakan ra umau jaitun. Ilo niayuk musiti' manimbang am manuku' ra taak ondo' ibiton ra Baloi ru Tuhan.

1 TUNUNG RU BANSA' ISRAIL 9:32

Ulun intor ra bansa' ru Kigat ondo' pinalansan manampos ra kuui pataakon paat ra moonong orou Sabat.

1 SAMUIL 21:6

Kopongo raginio ruti' ra pataakon no pinataak ru imam no ri Daut, sabap ra ruti' ondo' soroi riso no ruti' pataakon ondo' pinataak noyo ri Aki Kapuuno'. Ruti' no inalap noyo intor ra intok papataakan koson papaliton ra ruti' ondo' baguon. (

UNTABAN 4:7

Musiti' nilo pabingkalon rondo' konoon motomou ra rasawat ru mija', intok ru ruti' ondo' pataakon ra Tuhan. Musiti' nilo pabantaan pinggan, mangkuk ru kaminyan, mangkuk ru taak simbalui, am rarapu' tayar ru taak simbalui wain rasawat ru mija'. Musiti' taak ra ruti' magail soroi ra rasawat ru mija'.

KAINGKUALAN 35:13

mija' am tataun bandasan no am ngaangai' kuliamos no; ruti' ondo' pataakon ri Aki Kapuuno';

IBRANI 9:2

Mokoondo' ra kim ondo' lamin ra saang no ininggalanan ra Intok Matulai, am giu' no tampakan ra lampung am mija' papabantaan ra ruti' ondo' pataakon ri Aki Kapuuno'.

KAINGKUALAN 40:4

Ibito' mija' ra ralalom am pabantaa' kuliamos ra rasawat ru mija' no. Ibito' niayuk tampakan ra lampung am pabantaa' lampung ra rasawat no.

KAINGKUALAN 40:23

am pabantaa' ruti' ondo' pataakon ra Tuhan ra rasawat ru mija' no, koson ra nanusuban ru Tuhan.

1 SAMUIL 21:4

Taam imam no, “Kolondo' ruti' ku ra bokon, ruti' ra pataakon ayuk ondo' soroi. Alapo' min ginio, amon ru ulun-ulun muno kalo nakimarulug ra ruandu' ra babagu ti.”

1 RAJA'-RAJA' 7:48

Raja' Salomo niayuk nanusub ra ulun mambaal ra kakamot mas koson ra Baloi ru Tuhan: Altar, mija' ru ruti' ondo' pataakon ri Aki Kapuuno',

2 TUNUNG RU BANSA' ISRAIL 2:4

Masaga' aku mambaal ra rondo' baloi sambayangan koson mangurumat ra Tuhan, i Aki Kapuuno' kuno. Baloi no masauk ra intok matulai, intok ru mamagun am aku galama' sumamba ra Tuhan am monolob ra kaminyan ondo' maamis owou; giu' no aku am mamagun kuno magail mampataak ra ruti' ondo' mapasau am niayuk taak simbalui koson mapabansuk ra guang ru Tuhan ra moonong susuab ti am mai' ti, paat ra orou-orou Sabat, paat ra pangiantakan ru Sila' Bagu, am paat ra pangiantakan ra bokon no. Aku am mamagun kuno masaga' mangurumat ra Tuhan, i Aki Kapuuno' mai. Namarinta Io ra ulun ru Israil am nambaal raginio ra sabubuoi no.

YEHEZKIEL 41:22

altar tataun: sawat nano 1.5 ngamito, am pila' nano 1 ngamito. Pisuk, apin am kiing ru altar, ngaangai' binaal intor ra tataun. Indagu ungkuyon no raki', “Gitio noyo mija' ondo' pabantaan ra saang ru Tuhan.”

1 SAMUIL 21:5

Taam i Daut, “Totopot kalo! Ulun-ulun kuno magail mapasau, kabalu' pana mapaugar ra kandoi kaindalaman ayuk; atan poyo ra raino ti paat ra akai mapaugar ra kandoi timpokon ti!”

2 TUNUNG RU BANSA' ISRAIL 2:3

Nangator Raja' Salomo ra tanou ra Raja' Giram intor ra Tirus, “Pakimagamung raki' ra pantalanan koson ra okou nakimagamung ra pantalanan ra ama' kuli, Raja' Daut. Nantalan kou riso ra tataun sidar paat ra io nambaal ra istana nali.