KAINGKUALAN 25:22 - Tanou Moonsoi Timugon

²² Tumuum Aku rirun ra giu' no. Intor ra rasawat ru panaub no, lolot ru ruo kirub no, mangani' Aku rirun ra ngaangai' ukum Kuno tayar ru ulun ru Israil.”

KAINGKUALAN 25:22 ပူးပေါင်းရင်းမြစ်များ

KASAUKAN 18:33

Kopongo Tuhan minindagu ri Abragam, Tuhan pana minugar am i Abragam pana minuli' ra baloi nano.

2 SAMUIL 6:2

Naningganai io risilo minongoi ra Baali giu' ra Jiuda, koson mangalap ra Kaban Nabantuan ondo' sabiton ralalom inggalan ru Tuhan Ondo' Maayo Kaga' Kuasa', ondo' nanturung ra rasawat ru kirub.

2 RAJA'-RAJA' 19:15

am pakiasi', “Iou Tuhan, i Aki Kapuuno' ru Israil, Okou ondo' nanturung giu' ra rasawat ru kirub; Okou rorondo' ayuk i Aki Kapuuno' mamarinta ra ngaangai' pamarintaan ra tana' ti. Okou nambaal ra limbowon am tana' ti.

1 TUNUNG RU BANSA' ISRAIL 13:6

Kopongo raginio Raja' Daut am ngaangai' mamagun ru Israil minongoi ra bandar Baala, iono Kiryat-Jiarim, giu' ra wilayah ru Jiuda koson mangalap ra Kaban Nabantuan ri Aki Kapuuno'. Kaban no ininggalanan ra “Tuhan ondo' nanturung ra rasawat ru Kirub”.

MAZMUR 80:1

Ra tingganai ru santimungan maririmbai. Sumugut ra rimbai: Bunga' Bakung. Mazmur kaintutunan ri Asap.

MAZMUR 80:2

Rongogo' akai no, okou Magagalung ra ulun ru Israil; Okou no naningganai ra ulun Muno. Okou no manturung ra tampak ru kirub,

MAZMUR 90:1

Pakiasian ri Musa, ulipon ri Aki Kapuuno'. Iou Tuhan, Okou noyo intok mai sumindung, saboi ra sabuoi-buoi no.

MAZMUR 99:1

Tuhan no raja', ulun monontol sabap ra Io; nanturung Io ra tampak ru kirub, am tana' ti pana mauyog.

KAINGKUALAN 20:24

Baali' Aku ra altar intor ra tana'; papatampakan min ra taak domba am sapi' min koson ra taak simbalui koson mapabansuk ra guang ru Tuhan, am taak simbalui koson makibarakat ra Tuhan. Giu' ra moonong intok ondo' aruon Kuno ramuyun koson sumambayang Raki', matong Aku am mambarakat ramuyun.

KAINGKUALAN 27:21

Musiti' i Arun am anak ungkuyon nano magalung ra lampung no ralalom ru Kim Kuno, giu' ra liwar ru tabir ondo' saang ru Kaban Nabantuan. Giu' no, ra saang Kuno, musiti' sikitin lampung no intor ra mai' ti saboi ra susuab ti. Musiti' susuban ragitio gagayaan ra sabuoi-buoi no ru ulun ru Israil am papag nilo.”

KAINGKUALAN 30:36

Panutu ra santayaran intor raginio saboi maumok. Ibiton inumok no ralalom Kim Kuno, am pataukon inumok no ra saang ru Kaban Nabantuan. Musiti' kaminyan no karaan ra kuliamos ondo' masapau kaga'.

KAINGKUALAN 30:6

Pabantaan altar ti ra liwar ru tabir ondo' patairon ra saang ru Kaban Nabantuan, intok Kuno tumuum rirun.

KAINGKUALAN 31:18

Kopongo Tuhan minindagu ri Musa giu' ra Gunung Sinai, panaak i Aki Kapuuno' riso ruo batu pamatikan ondo' tinulisan ri Aki Kapuuno' galama' ra susuban Nano.

KAINGKUALAN 31:6

Nampili' Aku niayuk ri Ogoliab anak ri Agisamak intor ra bansa' ru Dan, koson mangandoi ri Bijalil. Nanaak Aku noyo ra kapandayan ondo' matuyu' ru ngaangai' ondo' mangatasik, maa' raginio ngaangai' susuban Kuno mabaal nilo:

JISAYA 37:16

“Iou Tuhan Ondo' Maayo Kaga' Kuasa', i Aki Kapuuno' ru Israil, Okou ondo' manturung ra rasawat ru kirub, Okou noyo rondo'-rondo' ayuk i Aki Kapuuno' ondo' namarinta ra ngaangai' pamarintaan ra tana' ti. Okou namangun ra limbowon am tana'.

YEHEZKIEL 43:6

Bigor ungkuyon no ra sapapa' kuno, am nokorongog aku ra Tuhan mindagu raki' intor ra ralalom Baloi ru Tuhan,

IMAMAT 1:1

Intor ralalom ru Kim ru Tuhan, pampiau Tuhan ri Musa am pangani' riso ra aturan.

IMAMAT 16:2

“Balai' i Arun, maayo muno, ra paat ra ondo' inaru' ayuk, mokoongoi io ra talikuron ru tabir, mongoi ralalom ru Lamin Matulai Kaga', sabap ra giu' no mintalang Aku ralalom ru gaun rasawat ru tataub ru Kaban Nabantuan. Amon ru manggal i Arun ra susuban raginio, matoi io.

UNTABAN 17:4

Ibito' jujuga'-jujuga' no giu' ra ralalom Kim Kuno, am pabantaa' ngaangai' no giu' ra saang ru Kaban Nabantuan, intok Kuno muma' ramuyun.

UNTABAN 7:89

Paat ri Musa mumpos ra ralalom Kim ru Tuhan koson mindagu ra Tuhan, morongog no Tuhan mindagu riso intor rasawat ru taub ru Kaban Nabantuan, pangkilolot ru ruo patung kirub.

TINGGANAI RU BANSA' 20:27

Paat raginio Kaban Nabantuan ri Aki Kapuuno' soroi giu' ra Bitil, am i Pinigas anak ri Iliajar, akupu ri Arun mangandoi koson imam. Nangkuot boo ulun ru Israil ra Tuhan, “Musiti' kia akai mangayou poyo ra bansa' ru Binjamin, pabukat mai no? Kapoam musiti' kia langgain mai pangayawan ti?” Taam Tuhan, “Pangayou kano! Susuab no mangani' Aku ramuyun ra kamanangan risilo.”

1 SAMUIL 4:4

Ginio ra nanusub ilo ra ulun mongoi ra Silo koson mangalap ra Kaban Nabantuan ru Tuhan Ondo' Maayo Kaga' Kuasa', ondo' soroi ra rasawat ru Kirub. Karuruo ngaulun ra anak ri Ili, iono i Gopni am i Pinigas pana minatong nabaya' ra Kaban Nabantuan no.