KAINGKUALAN 24:3 - Tanou Moonsoi Timugon

³ Ugar i Musa am pambala' ra ulun no ra ngaangai' susuban am aturan ru Tuhan. Taam ngaangai' ulun ra nagagampan, “Baalon mai ngaangai' ondo' rinagu ru Tuhan.”

KAINGKUALAN 24:3 ပူးပေါင်းရင်းမြစ်များ

2 TUNUNG RU BANSA' ISRAIL 15:14

Mabaya' ra bolos mosongou am ralalom inggalan ru Tuhan, nagibot ilo koson mampaguut ra nabantuan nilono. Kopongo raginio, nagilakup ilo am nanamput ra bujung.

2 TUNUNG RU BANSA' ISRAIL 15:15

Ngaangai' mamagun ru Jiuda naansukan sabap ra nambaal ilo ra nabantuan no ra totopot ru guang. Siminambayang ilo ra Tuhan ra totopot, ilo pana iniou ru Tuhan am inanian ra kaansayan ra titikop ru pagun.

MAZMUR 50:5

Mindagu Io, “Luluro' min noyo ulun Kuno ondo' gumagaya', ondo' mangirot ra nabantuan Raki' am piniot poyo ra taak simbalui.”

KAINGKUALAN 19:8

Taam ngaangai' ulun no ra nagagampan, “Baalon mai ngaangai' ondo' rinagu ru Tuhan.” Pabalaa' ri Musa baal ragitio ra Tuhan.

KAINGKUALAN 24:2

Okou ayuk sangulun makainggaar Raki'; bokon no kalo painggaaron, am mamagun kalo pogoloyon ra gunung ti.”

KAINGKUALAN 24:7

Kopongo raginio alapo' ri Musa kitab nabantuan ondo' tinulisan ra susuban ru Tuhan, am ra bolos matangil binasa' no ginio ra ulun raginilo. Konilo, “Gumagaya' akai ra Tuhan am mambaal ra ngaangai' susuban Nano.”

JIRIMIA 11:4

Nambaal Aku ra nabantuan no ra kinamatuaan nilai paat ra Aku naningganai risilo miningkual intor ra Misir, pagun ondo' koson ra naraka risilo. Nanusub Aku risilo gumagaya' Raki' am nambaal ra ngaangai' ondo' nanusuban Kuli. Nambala' Aku risilo ra amon ru gumagaya' ilo Raki', masauk ilo ra ulun Kuno am masauk Aku ri Aki Kapuuno' nilo.

JIRIMIA 34:13

i Aki Kapuuno' ru Israil, nanusub raki' minindagu ra ulun raginio, “Nakimabantu' Aku ra kinamatuaan min paat ra Aku nagibit risilo miningkual intor ra Misir am nampalabus risilo intor ra pangulipanan. Nambala' Aku risilo ra

AGAI 2:5

Paat ra akau miningkual intor ra Misir, binantu' Ku noyo koson masalok mabaya' ramuyun. Raino pana lakat poyo mabaya' Aku ramuyun. Ginio ra kalo pana malaa' kau.

MALIAKI 2:10

Sala' ka kia itakau ngaangai' mokoondo' ra ama' ondo' nogondo'? Sala' ka kia itakau ngaangai' binaal ri Aki Kapuuno' ondo' nogondo'? Kaa' kua ritakau kalo manugut ra bantu' rondo' am bokon? Kua kia pagasab takau ra nabantuan ondo' binaal ri Aki Kapuuno' ra kinamatuaan takau?

SAGULION 11:1

“Tagami' noyo Tuhan i Aki Kapuuno' min am magail gumagaya' ra ngaangai' ukum Nano.

SAGULION 4:1

Indagu boo i Musa ra ulun raginio, “Gagayaa' noyo ngaangai' ukum ondo' inila' kuno ramuyun, maa' raginio maayag kau am makaayan ra tana' ondo' taakin ru Tuhan i Aki Kapuuno' ru kinamatuaan min ramuyun.

SAGULION 4:45

Nangani' i Musa risilo ra ukum raginio malupus ilo miningkual intor ra Misir, am soroi giu' ra tampilon sirangon ru Sungoi Jordan, giu' ra limayak ra sandaup ru bandar Bit-Pior. Libung ragitio nakasimpung ra wilayah ondo' ragili Raja' Sigon tatangan, raja' ru ulun ru Amori, ondo' nakaili' namarinta giu' ra bandar Gisybon. Kinala ri Musa am ulun ru Israil raja' no paat ilo miningkual intor ra Misir.

SAGULION 4:5

“Nangila' aku noyo ramuyun ra ngaangai' ukum no, koson ra nanusuban ru Tuhan i Aki Kapuuno' kuno. Gagayaa' noyo ngaangai' ukum raginio giu' ra tana' ondo' gaawon am ayanin min.

SAGULION 5:1

Nanimung i Musa ra ngaangai' ulun ru Israil am indagu risilo, “Akau ulun ru Israil, rongogo' noyo ngaangai' ukum ondo' taakin kutu ramuyun ra orou raiti'. Igila' noyo ra ngaangai' ukum ti am gagayaa' noyo ngaangai' no ra totopot.

SAGULION 5:31

Kaa' okou, Musa, musiti' mayan ragiti mabaya' Raki'. Manaak Aku rirun ra ngaangai' ukum am susuban Kuno. Pailaa' ngaangai' no ra ulun raginio maa' raginio gumagaya' ilo raginio giu' ra pagun ondo' taakin Kuno risilo.’

SAGULION 6:1

“Nanusub Tuhan i Aki Kapuuno' min raki' mangila' ramuyun ra ngaangai' ukum ti. Gagayaa' noyo ngaangai' no giu' ra tana' ondo' mataki' min ayanin.

JOSUA 24:21

Taam ulun raginio, “Kalo. Magulayun akai mangandoi ayuk ra Tuhan.”

JOSUA 24:22

Indagu i Josua risilo, “Akau masauk ra sasi' min galama' ra akau nampili' ra mangandoi ayuk ra Tuhan.” Taam ilo, “Iou. Masauk akai ra sasi'.”

JOSUA 24:24

Indagu boo ulun-ulun raginio ri Josua, “Mangandoi akai ayuk ra Tuhan i Aki Kapuuno' takau. Gagayaan mai susuban Nano.”