KAINGKUALAN 24:14 - Tanou Moonsoi Timugon

¹⁴ Nambilin i Musa ra tingganai ru Israil no, “Paginaa ragiti saboi ra akai makasaguli'. Soroi i Arun am i Gur ragiti mabaya' ramuyun. Osoi-osoi makapangkuatan, tumuum risilo koson makisalasai.”

KAINGKUALAN 24:14 ပူးပေါင်းရင်းမြစ်များ

KASAUKAN 22:5

Indagu io boo ra karuo ngaulun ulipon nano, “Tatang kau ayuk ragiti mabaya' ra kaladai ti. Akai magama' mongoi ra giu' no sumamba ra Tuhan. Mopongo raginio sumaguli' akai ramuyun.”

KAINGKUALAN 17:10

Baalo' ri Josua atan ondo' nanusuban ri Musa am ingkual boo mangayou ra ulun ru Amalik, liliwa' i Musa, i Arun am i Gur nagaloi ra tampak ru bulur.

KAINGKUALAN 17:12

Paat ra naagui noyo kalindu' ri Musa, pangalap i Arun am i Gur rondo' batu am manusub ri Musa manturung ra rasawat no, liliwa' migor ilo ra sapapa' nano koson manungka' ra kalindu' ri Musa polos tumolop mato ru orou.

KAINGKUALAN 18:16

Amon ru mansangor ruo ngaulun, matong ilo raki' am patasin ku osoi intor risilo ondo' motopot. Mapasaboi aku niayuk ra susuban am ukum ri Aki Kapuuno' risilo.”

KAINGKUALAN 32:1

Pakakito ulun ru Israil ra soroi i Musa ra nabuoi kaga' giu' ra gunung no, am kalo niayuk poyo timinuun io, limpu ilo ri Arun am indagu riso, “Kalo nakapandai takau atan boo nasauk ri Musa, ondo' naningganai ritakau miningkual intor ra Misir; ginio ra baali' akai rondo' tuhan koson maningganai ramon.”

1 SAMUIL 10:8

Mopongo raginio musiti' kou mongoi ra Gilgal ra makapagulu intor raki', am paginaa ra giu' no buoi tulu' ngoorou. Mopongo raginio matong aku koson mapataak ra taak simbalui koson mapabansuk ra guang ru Tuhan, am taak simbalui koson makibarakat ra Tuhan, am niayuk mambala' rirun ra atan ondo' musiti' baalon muno.”