KAINGKUALAN 23:33 - Tanou Moonsoi Timugon

³³ Pai' min paayano' ilo ra pagun min, maa' raginio kalo sumamba kau ra tuhan-tuhan nilono am makatula Raki'. Amon ru sumamba kau ra tuhan-tuhan nilono, makasubo kau ra landak ru kapatayan.”

KAINGKUALAN 23:33 ပူးပေါင်းရင်းမြစ်များ

1 RAJA'-RAJA' 14:16

Mangiruan Tuhan ra Israil, sabap ra makatula noyo Raja' Jirobiam am nangkinibit ra ulun ru Israil makatula.”

2 TUNUNG RU BANSA' ISRAIL 33:9

Raja' Manasi nangkinibit ra mamagun ru Jiuda makatula poyo intor ra bansa'-bansa' ondo' pinagiru' ru Tuhan intor ra pagun no paat ra ulun Nano siminubol ra pagun no.

MAZMUR 106:36

Ulun ri Aki Kapuuno' sumamba ra sinungkalalaing, am ginio mangkinibit risilo ra kapusaan.

KAINGKUALAN 10:7

Indagu pagawai no ra raja', “Kula' poyo buoi ru ulun no mantipagon ritakau? Polosoon noyo ulun ru Israil no mugar maa' raginio makasambayang ilo ra Tuhan i Aki Kapuuno' nilo. Ilai' noyo, jajajou ayuk boo pagun takau ti!”

KAINGKUALAN 23:24

Pai' samba ra tuhan-tuhan nilono. Pai' tiluo' ralan nilo sumambayang. Pusoo' noyo tuhan-tuhan nilono am pandako' lugu'-lugu' batu ondo' alapon nilo sumambayang.

KAINGKUALAN 34:12

Pai' pambaal ra nabantuan ra ulun giu' ra pagun ayanan mino, sabap ra baal raginio masauk ra pamalandak ondo' mangkinibit ra kapusaan min.

SAGULION 12:30

Mopongo Tuhan mamuso ra bansa'-bansa' raginio, pagilalain. Pai' baya' ra kaindalaman ru ugama nilo, sabap baal raginio maparatong ra karaat. Pai' pakibala' ra ralan nilo sumamba ra tuhan-tuhan nilo ra kuayan tumilu ra ralan nilono.

SAGULION 20:18

Potoyo' noyo ilo, maa' raginio kalo mangkinibit ilo ramuyun makatula ra Tuhan i Aki Kapuuno' min, am mangila' ramuyun mambaal ra jajajou ondo' binaal nilo paat sumamba ra tuhan-tuhan nilo.

SAGULION 7:1

“Ibiton kau ru Tuhan i Aki Kapuuno' min mongoi ra tana' ondo' ayanin min, am mapagiru' Io ra masuang bansa' intor ra tana' raginio. Paat akau jumalai, mapagiru' Io ra tulu' bansa' ondo' maayo poyo am maikang poyo intor ramuyun: ulun ru Git, Girgasi, Amori, Kanaan, Piris, Giwi am Jibusi.

SAGULION 7:16

Pusoo' noyo ngaangai' bansa' ondo' pataakon ru Tuhan i Aki Kapuuno' min ralalom ru kuasa' min, am pai' pakaasi' risilo. Pai' samba ra tuhan-tuhan nilo, sabap binaal raginio makaratong ra karaat.

2 TIMOTIUS 2:26

Koson raginio boo makatutun am makalabus ilo intor ra kuasa' ru tingganai ru riwato no, ondo' namparakop am nampajajal risilo mambaal ra kasagaan nano.

JOSUA 10:40

Ginaau ri Josua ngaangai' tana' raginio. Kinala no raja'-raja' giu' ra kabuluran, pipilon ru bulur giu' tampilon ra sirangon, lonson toojo ru bulur giu' ra tampilon kalasaan am niayuk tana' mangapua' giu' ra tampilon rabugus. Kalo pinoloso no sangulun pana naayag; namatoi io ra moonong ulun. Ginio noyo susuban ru Tuhan i Aki Kapuuno' ru Israil.

JOSUA 23:13

maaru' Tuhan i Aki Kapuuno' min kalo napagiru' ra bansa'-bansa' raginio paat akau nangayou risilo. Bansa'-bansa' raginio makalalaa' kaga' ramuyun sabap ra masauk ilo koson ra pamalandak kapoam koson pangambi' ramuyun. Mangkinibit ilo niayuk ramuyun maimbolo' kaga' sabap ra masauk ilo koson ra pitol lalapos ra bakulung min, kapoam koson ra ruui ralalom ru mato min. Marayus kau maimbolo' saboi kolondo' sangulun pana mayan ra tana' ragitio ondo' tinaakan ru Tuhan ramuyun.

TINGGANAI RU BANSA' 2:2

Ginio ra kalo pambaalon kau ra nabantuan ra atan pana ra mamagun ru pagun no. Musiti' puuton min altar nilono.’ Kaa' kalo binaal min atan ondo' nanusuban Kuno. Binaal min poyo ondo' suai raginio!

TINGGANAI RU BANSA' 2:3

Ginio ra, raino rongogo' noyo! Kalo pagiruon Ku mamagun ru pagun ti paat akau mamulunsar risilo. Masauk ilo ra pantula' min, am malandak kau saboi maya' kau niayuk sumamba ra dewa-dewa nilo.”

1 SAMUIL 18:21

Nangkara' Raja' Saul, “Pataakin ku i Mikgal no ri Daut maa' raginio malandak i Daut am potoyon ru ulun ru Palistin.” Kainduo no boo, indagu Raja' Saul ri Daut, “Raino masauk kou ra anak mangiwan kuno.”