KAINGKUALAN 23:31 - Tanou Moonsoi Timugon

³¹ Aruon Ku balitan ru pagun min intor ra Teluk Akaba mongoi ra Sungoi Iprat, am intor ra Raat Tanga' polos ra tana' kaagisan. Mangani' Aku ramuyun ra kuasa' ra mamagun ru pagun no, am pagiruon min ilo ra akau jumalai.

KAINGKUALAN 23:31 ပူးပေါင်းရင်းမြစ်များ

KASAUKAN 15:18

Paat raginio niayuk nambaal Tuhan ra bantu' Nano ri Abram. Indagu Tuhan, “Bantu' Kuno ra manaak Aku ra papag muno ra titikop ru tana' ragitio, intor ra balitan ru pagun ru Misir polos ra sungoi Iprat,

SAGULION 11:24

Ngaangai' tana' ondo' kinjangin min masauk ra longgom min. Wilayah min malangka', intor ra tana' kaagisan giu' rabugus saboi ra kagunungan Libanon giu' ra ralayo, am intor ra Sungoi Iprat giu' ra sirangon saboi ra Raat Tanga' giu' ra kalasaan.

JOSUA 21:44

Nanaak Tuhan risilo ra kamiaan giu' ra titikop ru tana' no koson ra binantu' Nano ra kinamatuaan nilai. Kolondo' sangulun pantula' pana makaanggal risilo, sabap nanaak noyo Tuhan ra ulun ru Israil ra kamanangan ra ngaangai' pantula'.

JOSUA 1:4

Balitan ru wilayah min tumalimpuun intor ra tana' kaagisan tampilon ra rabugus saboi ra Kagunungan Libanon tampilon ra ralayo; intor ra sungoi ondo' maayo, iono Sungoi Iprat tampilon ra sirangon am titikop pagun ru ulun ru Git, saboi ra Raat Tanga' tampilon ra kalasaan.

JOSUA 24:18

Paat itakau namulunsar ra pagun ragitio, Tuhan napagiru' ra ngaangai' ulun ru Amori ondo' minayan ragiti. Ginio ra, akai niayuk mangandoi ayuk ra Tuhan; Io noyo i Aki Kapuuno' takau.”

MAZMUR 72:8

Karajaan nano liminangka' intor ra raat mongoi ra raat, intor ra sungoi Iprat saboi ra pompor ru tana'.

1 RAJA'-RAJA' 4:24

Nanguasa' Raja' Salomo ra titikop ru tana' tampilon ra kalasaan ru Sungoi Iprat, intor ra Tipsa giu' ra Sungoi Iprat saboi ra kinagalur ru bandar Gaja giu' ra tampilon ra kalasaan. Ngaangai' ru raja' ra tampilon ru kalasaan ru Sungoi Iprat kinuasa' ru Raja' Salomo, am riminangan io ra ngaangai' ru pagun ra paginggaar.

TINGGANAI RU BANSA' 11:21

Kaa' Tuhan i Aki Kapuuno' ru Israil napataak ra Raja' Sigon am pulalai ru saujor nano ra ulun ru Israil. Koson raginio noyo naalapan ru ulun ru Israil ra ngaangai' tana' ru ulun ru Amori ondo' minayan ra pagun ti.

TINGGANAI RU BANSA' 1:4

minongoi pamulunsar nababaya' ra bansa' ru Jiuda. Nanaak Tuhan risilo ra kamanangan ra ulun ru Kanaan am ulun ru Piris. Kinala nilo mopor ngaribu ngaulun saujor giu' ra Bijik.

1 RAJA'-RAJA' 20:13

Liliwa' raginio, sangulun nabi minuma' ra Raja' Agab am indagu, “Koon raginio ragu ru Tuhan, ‘Pai' kalaa' ra pulalai ru saujor ondo' maayo no! Paat ra orou raiti' mangani' Aku rirun ra kamanangan am makapandai kou ra Aku noyo Tuhan.’ ”

1 RAJA'-RAJA' 4:21

Pamarintaan ru Raja' Salomo nakasimpung ngaangai' pagun intor ra Sungoi Iprat saboi ra Palistin am balitan ru pagun ru Misir. Panguasa' ru pagun-pagun no mambayar ra upiti ra Raja' Salomo, am ilo ti kinuasa' no ra buoi ru bayag nano.

1 SAMUIL 23:4

Ginio ra nangkuot poyo i Daut ra Tuhan, am taam Tuhan, “Ongoi no am bulunsaro' noyo bandar Kigila, sabap ra manaak Aku rirun ra kamanangan ra ulun ru Palistin.”

JOSUA 24:12

Paat ra akau namulunsar risilo, jinajou Ku ilo koson napagiru' ra ruo ngaulun raja' ru Amori no. Ilang am panah mino kalo napamanang ramuyun.

JOSUA 24:8

Aku pana nagibit boo ramuyun mongoi ra tana' ru ulun ru Amori ondo' minayan giu' ra tampilon sirangon ru Sungoi Jordan. Nangayou ilo ramuyun, kaa' nanaak Aku ramuyun ra kamanangan intor risilo. Ginaau min tana' nilo am namuso Aku risilo paat akau namulunsar risilo.

JOSUA 23:14

Raino nasaboi noyo paat ra aku matoi. Akau sigagama' nakapandai toojo ra Tuhan i Aki Kapuuno' min nanaak noyo ramuyun ra ngaangai' ondo' moonsoi, ondo' binantu' Nano. Moonong bantu' Nano sinugut noyo; kolondo' rondo' pana kalo nasugut Nano.

JOSUA 10:19

kaa' pai' kau uog ra intok raginio. Ilowo' pantula' am bulunsaro' ilo intor ra tinaulian. Pai' ilo polosoo' mumpos ra bandar nilono! Tuhan i Aki Kapuuno' min nanaak noyo ra kamanangan ramuyun mampaala risilo.”

JOSUA 10:8

Indagu Tuhan ri Josua, “Pai' kalaa' risilo. Nanaak Aku noyo rirun ra kamanangan. Kolondo' sangulun pana intor risilo makaanggal rirun.”

JOSUA 8:18

Tuhan pana mindagu ri Josua, “Patuluo' tutura' muno tampilon ra bandar Ai; pataakin Ku rirun ra bandar no.” Baalo' boo ri Josua ginio.

JOSUA 8:7

Paat raginio musiti' kau mingkual intor ra pansibunian am mampagaau ra bandar no. Manaak Tuhan i Aki Kapuuno' min ra bandar raginio ramuyun.

SAGULION 3:2

Kaa' indagu Tuhan raki', ‘Pai' kalaa' riso. Pataakon Ku io, saujor nano am titikop wilayah nano ramuyun. Pamakuan riso no koson ra pinamakuan muno ri Sigon, raja' ru ulun ru Amori, ondo' namarinta ra Gisybon.’

UNTABAN 21:34

Indagu Tuhan ri Musa, “Pai' kalaa' riso. Manaak Aku rirun ra kamanangan. Maala mu raja' raginio, ngaangai' mamagun nano, am mampagaau ra tana' am niayuk pagun raginio. Pamakuan ra raja' raginio koson ra pinamakuan muno ra Raja' Sigon, raja' Amori ondo' namarinta giu' ra Gisybon.”

SAGULION 1:7

Raino puwo' pangkiman mino, am ongoi ra intok kabuluran ru ulun ru Amori am giu' ra titikop libung ra liliut no: giu' ra Limayak Jordan, giu' ra intok kabuluran am tana' marata' magana', giu' ra libung tampilon rabugus, am giu' ra nagas ru Raat Tanga'. Ongoi noyo ra tana' ru Kanaan am giu' ra Kagunungan Libanon saboi ra Sungoi Iprat, sungoi ondo' maayo no.

SAGULION 1:8

Aku Tuhan nambantu' noyo koson manaak ra titikop ru tana' ti ra kinamatuaan min i Abragam, i Isak am i Jakub, am niayuk papag nilo. Ongoi noyo am ayani' tana' raginio.’ ”

SAGULION 2:33

kaa' Tuhan i Aki Kapuuno' takau napataak riso ritakau. Pinatoi takau Raja' Sigon, anak-anak ungkuyon nano am ngaangai' ulun nano.

SAGULION 2:36

Tuhan i Aki Kapuuno' takau nangindangan ritakau nampagaau ra ngaangai' bandar, intor ra Aroir giu' ra pompor ru limayak Arnon, am bandar ondo' giu' ra tanga' ru limayak no saboi ra libung Giliad. Kolondo' rondo' pana bandar makatimbok ondo' mapiot kaga' ritakau.

SAGULION 9:3

Kaa' raino nakito min galama' ra Tuhan i Aki Kapuuno' min nagulu ramuyun koson ra apui ondo' mapaang. Kalaan No ilo liliwa' akau jumalai, maa' raginio makapapagiru' kau am mamuso risilo ra mataki', koson ondo' binantu' Nali.

SAGULION 20:16

Kaa' paat ra akau mampagaau ra bandar-bandar giu' ra pagun ondo' pataakin ramuyun ru Tuhan i Aki Kapuuno' min, potoyo' noyo ngaangai' ulun ra giu' no.

JOSUA 24:11

Liminaup kau ra Sungoi Jordan am nakasaboi giu' ra bandar Jiriko. Mamagun ru Jiriko nangayou ramuyun; koson niayuk ra ulun ru Amori, Piris, Kanaan, Git, Girgasi, Giwi am Jibusi. Kaa' nanaak Aku ramuyun ra kamanangan risilo ngai'.

1 RAJA'-RAJA' 8:65

Giu' ra Baloi ru Tuhan no niayuk, Raja' Salomo am ngaangai' ru ulun ru Israil mangiantak ra Mangkalukub ra Raun buoi tulu' ngoorou. Masuang kaga' ulun matong mangiantak ra pangiantakan no. Intor ilo ra libung ra kinagalur ru Ginting Gamat giu' ra ralayo am balitan ru pagun ru Misir giu' ra rabugus.

1 RAJA'-RAJA' 11:2

Lakat niayuk Raja' Salomo nanangandu' risilo kabalu' pana Tuhan nanginggalar ra ulun ru Israil matagandu' ra bansa'-bansa' raginio, sabap ra ilo mangkinibit ra ulun ru Israil sumamba ra tuhan-tuhan ra bokon.

UNTABAN 34:2

ra susuban ragitilo tayar ru ulun ru Israil, “Paat ra akau mumpos ra pagun Kanaan ondo' pataakin Ku ramuyun, balitan ru tana' no koson ragitio.

SAGULION 6:19

am mapagiru' kau ra pantula' koson ondo' binantu' Nano.

JOSUA 2:24

Indagu ilo boo, “Mangintopot akai ra manaak Tuhan ritakau ra titikop ru pagun no. Ngaangai' mamagun ru pagun no malaa' ritakau.”

JOSUA 9:7

Kaa' indagu ulun ru Israil, “Kua pambaal akai ra nabantuan ramuyun? Maaru' lair ru minayan kau ra mamaar ti!”

JOSUA 13:6

nakasimpung niayuk titikop pagun ru ulun Sidon, ondo' minayan giu' ra kabuluran pangkilolot ru Kagunungan Libanon am Misripot-Maim. Pagiruon Ku ngaangai' ulun raginio paat ra ulun ru Israil mamulunsar risilo. Tayaro' noyo am pataako' noyo tana' no ra ulun ru Israil koson ra longgom nilo, koson ra nanusuban Kuno rirun.

2 TUNUNG RU BANSA' ISRAIL 9:26

Raja' Salomo nanguasa' ra raja'-raja' giu' ra wilayah ondo' intok no intor ra Sungoi Iprat saboi ra pagun ru ulun ru Palistin am balitan ru Misir.