KAINGKUALAN 23:30 - Tanou Moonsoi Timugon

³⁰ Pagiruon Ku ilo ra taganakon saboi sama' suang min mayan ra tana' no.

KAINGKUALAN 23:30 ပူးပေါင်းရင်းမြစ်များ

SAGULION 7:22

Ulitakon ru Tuhan i Aki Kapuuno' min mapagiru' ra bansa'-bansa' raginio paat akau jumalai. Kalo makapamuso kau risilo ra igondo' ayuk, sabap amon mambaal kau raginio, kinasuang ru bibiag mangasigo gumaai am masauk ra lolob ramuyun.

JOSUA 13:6

nakasimpung niayuk titikop pagun ru ulun Sidon, ondo' minayan giu' ra kabuluran pangkilolot ru Kagunungan Libanon am Misripot-Maim. Pagiruon Ku ngaangai' ulun raginio paat ra ulun ru Israil mamulunsar risilo. Tayaro' noyo am pataako' noyo tana' no ra ulun ru Israil koson ra longgom nilo, koson ra nanusuban Kuno rirun.

JOSUA 23:4

Tinayar-tayar ku noyo tana' ru bansa'-bansa' ragitio ra bansa' min koson ra longgom min, iou pana tana' ondo' kalo poyo nagaau am ra tana' ondo' nagaau noyo, tumalimpuun intor ra Sungoi Jordan giu' ra tampilon sirangon saboi ra Raat Tanga' giu' ra tampilon kalasaan.

JOSUA 23:5

Tuhan i Aki Kapuuno' min mangkinibit risilo lumugut am magiru' intor ramuyun paat aku mangayou risilo. Maalap min tana' nilo koson ondo' binantu' ru Tuhan i Aki Kapuuno' min.

JOSUA 23:9

Napagiru' Tuhan ra bansa' mangaayo am mangaikang paat akau timinula' risilo; kalo igondo' sangulun pana nakaanggal ramuyun.