KAINGKUALAN 23:27 - Tanou Moonsoi Timugon

²⁷ “Saukon Ku bansa' ondo' manggal ramuyun malaa' Raki'. Maparatong Aku ra kaubangan ra bansa' gulaan mino, am mangkinibit Aku ra ngaangai' pantula' tumalikur am magiru' intor ramuyun.

KAINGKUALAN 23:27 ပူးပေါင်းရင်းမြစ်များ

KASAUKAN 35:5

Paat ri Jakub am ngaangai' ulun nano mangiruan ra intok no, mamagun ru bandar-bandar ra paginggaar no ngaangai' kinuasa' ru kalaanan, am kalo baani ilo mangilou ri Jakub am ulun nano.

2 SAMUIL 22:41

Okou mangkinibit ra pantula' magiru' intor raki'; mamuso aku ra ulun ondo' masisang raki'.

2 RAJA'-RAJA' 7:6

Tuhan noyo nangkinibit ra saujor ru Siria nokorongog ra bolos koson ayuk ra rondo' pulalai ru saujor maayo ondo' minatong pamulunsar risilo ra kuda am kurita' kuda. Indoson ru saujor ru Siria ra raja' ru Israil nagakut ra raja' ru ulun ru Git am raja' ru ulun ru Misir am ngaangai' saujor nilo koson mamulunsar ra saujor ru Siria.

2 TUNUNG RU BANSA' ISRAIL 14:14

Kopongo raginio nakasugut ilo nampalunsai ra bandar-bandar giu' ra liliut ru Girar sabap ra Tuhan nangkinibit ra mamagun ra giu' no nangalaa'. Saujor ru Jiuda nampagaau ra ngaangai' bandar no am nakaalap ra masuang kaga' kuliamos ginaau.

MAZMUR 18:40

Nanaak Kou raki' ra kaikangan koson mongoi pangayou, am namanangan kuno ra pantula' kuno.

MAZMUR 21:12

Mampaguang ilo koson mamparatu' ra raja' no, kaa' kalo makaanggal ilo.

KAINGKUALAN 33:2

Mangator Aku rondo' malaikat koson maningganai ramuyun. Pagiruon Ku ulun ru Kanaan, Amori, Git, Piris, Giwi am Jibusi.

KAINGKUALAN 34:24

Mopongo Ku pagiruon bansa'-bansa' intor ra saang min am mapalangka' ra wilayah min, kolondo' sangulun pana makakinam manalingaau ra pagun min paat ra talu pangiantakan no.

SAGULION 11:23

Pagiruon No boo ngaangai' bansa' no paat akau jumalai, am mayan kau ra tana' ra linonggom ru bansa' ondo' mangaayo poyo am mangaikang poyo intor ramuyun.

SAGULION 11:25

Ati ayuk angayan min giu' ra tana' no, Tuhan i Aki Kapuuno' min mangkinibit ra ulun malaa' ramuyun koson ra binantu' Nano; kolondo' sangulun pana makapanginga' ramuyun.

SAGULION 2:25

Intor orou raiti' mangkinibit Aku ra bansa'-bansa' ra ati ayuk, malaa' ramuyun. Moonong ulun monontol sabap malaa' paat mokorongog ra inggalan min sabiton.’ ”

SAGULION 6:19

am mapagiru' kau ra pantula' koson ondo' binantu' Nano.

SAGULION 7:23

Pataakon ru Tuhan ramuyun pantula', am mangkinibit Io risilo magalabo saboi pusoon ilo.

1 SAMUIL 14:15

Kasaukan raginio napakalaa' kaga' ra ngaangai' ulun ru Palistin giu' ra tampilon ru liwar bandar; pulalai ru mantakou am saujor ru Palistin giu' ra pangkiman nonontol ra nalaa'; am poyo nogonggon tana' ti, am nasauk kajajawan.