KAINGKUALAN 23:24 - Tanou Moonsoi Timugon

²⁴ Pai' samba ra tuhan-tuhan nilono. Pai' tiluo' ralan nilo sumambayang. Pusoo' noyo tuhan-tuhan nilono am pandako' lugu'-lugu' batu ondo' alapon nilo sumambayang.

KAINGKUALAN 23:24 ပူးပေါင်းရင်းမြစ်များ

2 RAJA'-RAJA' 17:11

Nonolob ilo ra kaminyan giu' ra rasawat ru ngaangai' altar tayar ru dewa, minaya' ra kaindalaman ru bansa' ondo' pinagiru' ru Tuhan intor ra pagun no. Napasingkual ilo ra sangit ru Tuhan sabap ra ngaangai' binaal nilo ondo' malaat no,

2 RAJA'-RAJA' 17:8

am niayuk minaya' ra kaindalaman ru bansa' ondo' pinagiru' ru Tuhan paat ra ulun ru Israil minayan ra pagun no. Minaya' ulun ru Israil ra kaulayan ondo' inaru' ru raja'-raja' ru Israil.

2 RAJA'-RAJA' 18:4

Linunsai no intok-intok sambaan ra sinungkalalaing, nomopol ra lugu'-lugu' batu, am nampalunsai ra sinungkalalaing Dewi Asyira. Io niayuk nangumok ra kukuo gangsa' ondo' binaal ri Musa ragili, ondo' nauligan ra Nigustan, sabap ra saboi paat raginio ulun ru Israil lakat poyo monolob ra kaminyan koson mangurumat ra kukuo gangsa' no.

2 RAJA'-RAJA' 3:2

Makatula Raja' Joram ra Tuhan, kaa' laat nano sala' ka koson ra Raja' Agab, ama' nano kapoam i Ijibil, ina' nano. Linunsai ri Raja' Joram sinungkalalaing ondo' binaal ru ama' nano koson sumamba ra Baal.

2 TUNUNG RU BANSA' ISRAIL 14:2

Sabap ra binaal nano ondo' moonsoi am matimpok, Raja' Asa iniou ru Tuhan, i Aki Kapuuno' nano.

2 TUNUNG RU BANSA' ISRAIL 25:14

Paat ra Raja' Amajia minuli' intor ra pangayawan ra ulun ru Idom, inibit no minuli' sinungkalalaing ru ulun ru Idom am pinosoroi ngaangai' no giu' ra Jiuda. Io pana sumamba boo ra sinungkalalaing am nonolob ra kaminyan ra sinungkalalaing no.

2 TUNUNG RU BANSA' ISRAIL 33:2

Raja' Manasi makatula ra Tuhan, sabap minaya' ra binaal malaat ondo' binaal ru bansa'-bansa' ondo' pinagiru' ru Tuhan paat ra ulun Nano nangayan ra pagun no ragili.

2 TUNUNG RU BANSA' ISRAIL 33:9

Raja' Manasi nangkinibit ra mamagun ru Jiuda makatula poyo intor ra bansa'-bansa' ondo' pinagiru' ru Tuhan intor ra pagun no paat ra ulun Nano siminubol ra pagun no.

MAZMUR 101:3

kalo polosoon ku kalaatan no masauk. Masisang aku ra baalon ru ulun ondo' siminiang; kalo masaga' aku kumubayau risilo.

KAINGKUALAN 20:3

“Pai' samba ra tuhan-tuhan ra bokon; samba ayuk Raki'.

KAINGKUALAN 20:5

Pai' samba ra sinungkalalaing ru atan pana, sabap ra Aku noyo Tuhan i Aki Kapuuno' min, am kalo masaga' Aku pogondoon ra atan pana. Ukumin Ku ulun masisang Raki'. Ukumin Ku niayuk papag nilo polos ra papag ra katalu am kaapat.

KAINGKUALAN 23:13

“Iningo' noyo ngaangai' bala' ondo' pinasaboi ru Aku, Tuhan ramuyun. Pai' pakiasi' ra tuhan-tuhan ra bokon; am mulu' poyo ra pai' noyo sabito' inggalan ru tuhan-tuhan no.”

KAINGKUALAN 23:32

Pai' pambaal ra nabantuan risilo kapoam tuhan-tuhan nilono.

KAINGKUALAN 23:33

Pai' min paayano' ilo ra pagun min, maa' raginio kalo sumamba kau ra tuhan-tuhan nilono am makatula Raki'. Amon ru sumamba kau ra tuhan-tuhan nilono, makasubo kau ra landak ru kapatayan.”

KAINGKUALAN 32:20

Alapo' ri Musa sinungkalalaing ru sapi' intor ra mas ondo' binaal nilono, am luwo' am tutuo' saboi naumok, lauki' no boo ra timug. Susubo' boo ri Musa ulun ru Israil manginum ra timug no.

YEHEZKIEL 16:47

Kalo majala' kou tumilu risilo ondo' makauyuyu' no. Sangkinolor ayuk am okou pana manampaliso ra malaat poyo intor risilo.”

GOSIA 10:2

Guang nilo natikop ra ruung am raino ilo musiti' maimbolo' kinibit ru tula nilo. Lunsayon ri Aki Kapuuno' altar-altar nilo am mampagaba' ra batu-batu sambaan nilo.

IMAMAT 18:3

Pai' tiluo' binaal ru ulun giu' ra Misir, pagun inayanan min ragili, am pai' tiluo' binaal ru ulun giu' ra Kanaan, intok pagibitan Kuno ramuyun.

IMAMAT 26:1

Indagu Tuhan, “Pai' pambaal ra sinungkalalaing, am pai' patirongo' patung, lugu' batu sinungkalalaing kapoam batu inukir ra sambaan. Aku noyo i Tuhan i Aki Kapuuno' min.

UNTABAN 25:2

Nangkimait ruandu'-ruandu' no risilo minongoi ra bunsag-bunsag ru taak simbalui koson mangurumat ra tuhan nilono. Ulun ru Israil niayuk nangakan ra kual intor ra taak simbalui no am siminamba

UNTABAN 33:52

pagiruo' noyo ngaangai' mamagun ru tana' no. Pusoon noyo ngaangai' sinungkalalaing nilo ondo' binaal intor ra batu am basi'; pusoon noyo intok-intok sambayangan nilo.

SAGULION 12:3

Puuto' altar nilo am popolo' lugu'-lugu' batu karamat. Solobo' tatandu' ru Dewi Asyira am popolo' sinungkalalaing nilo, maa' raginio ngaangai' no kalo boo sambaan giu' ra intok raginio.

SAGULION 7:5

Ginio ra puuto' min altar ru bansa'-bansa' raginio, popolo' min lugu' batu karamat, tuntuaro' noyo tatandu' ru Dewi Asyira am solobo' sinungkalalaing nilono.