KAINGKUALAN 23:20 - Tanou Moonsoi Timugon

²⁰ “Manusub Aku ra malaikat Kuno sumigulu ramuyun koson mangampin ramuyun ralalom pangkiralanan am magibit ramuyun ra intok ondo' tinampos Ku noyo.

KAINGKUALAN 23:20 ပူးပေါင်းရင်းမြစ်များ

KASAUKAN 15:18

Paat raginio niayuk nambaal Tuhan ra bantu' Nano ri Abram. Indagu Tuhan, “Bantu' Kuno ra manaak Aku ra papag muno ra titikop ru tana' ragitio, intor ra balitan ru pagun ru Misir polos ra sungoi Iprat,

KASAUKAN 24:40

Kaa' taam io, ‘Tuhan ondo' masalok kuno gagayaan no, mangator ra malaikat Nano mangindangan rirun am manugut ra kandoi muno. Makatuum kou ra andu' ru anak ungkuyon kuno intor ra ulun kuno ayuk poyo galama' am iono pabukat ru ama' kuno ayuk poyo.

KASAUKAN 24:7

Sabap ra Tuhan i Aki Kapuuno' ondo' manguasa' ra limbowon am tana' ti, nagibit noyo raki' intor ra baloi ru ama' kuli am intor ra tana' ru pabukat kuno minongoi ragiti, am nagibot Io raki' ra pataakon No tana' ragitio ra papag kuno. Io niayuk manusub ra malaikat Nano mongoi pangindangan rirun maa' raginio makapanambili' kou ra andu' ru anak ungkuyon kuno ra giu' no.

KASAUKAN 48:16

Gama' ru malaikat ondo' namayag raki' intor ra baal makalalaa', mambarakat risilo. Gama' ru inggalan kuno am inggalan ru kinamatuaan kuli, i Abragam am i Isak, magail sisiraan sabap ra anak-anak ragitio! Gama' ru mokoondo' ilo masuang anak am masuang papag!”

MAZMUR 91:11

Susubon ri Aki Kapuuno' malaikat Nano magalung rirun, koson manindung rirun ra ati-ati pana angayan muno.

KAINGKUALAN 14:19

Malaikat ri Aki Kapuuno' ondo' soroi ra saang ru saujor Israil manding ra tinaulian. Lugu' ru gaun soroi ra saang nilo niayuk manding

KAINGKUALAN 15:16

Talou am laa' lumumpa' risilo. Nakito nilo ikang Muno, iou Tuhan, kalo makalulu' ilo sabap ra matalou, saboi ulun Muno nansail ra saang nilo – ulun ondo' pinalabus Muno intor ra pangulipanan.

KAINGKUALAN 15:17

Nagibit Kou risilo mumpos, am mapaayan risilo giu' ra gunung Muno, intok ondo' Okou, iou Tuhan, nampili' koson masauk ra ayanan Muno; Baloi ondo' binaal Muno galama'.

KAINGKUALAN 23:23

Sumigulu malaikat Kuno ramuyun am niayuk magibit ramuyun mongoi ra pagun ru ulun ru Amori, Git, Piris, Kanaan, Giwi am Jibusi; pusoon Ku ilo.

KAINGKUALAN 32:34

Ugar no raino am ibito' ulun raginilo mongoi ra intok ondo' sinabit Ku noyo rirun. Karaa', maningganai malaikat Kuno rirun, kaa' masaboi paat no ra mangukum Aku ra ulun ragitilo sabap ra tula nilo.”

KAINGKUALAN 33:14

Indagu Tuhan, “Maya' Aku rirun, am aniin Tokou ra kaluagan ru pangkaraan.”

KAINGKUALAN 33:2

Mangator Aku rondo' malaikat koson maningganai ramuyun. Pagiruon Ku ulun ru Kanaan, Amori, Git, Piris, Giwi am Jibusi.

JISAYA 63:9

intor ra nansalinut kaimbalaan. Sala' ka ulun sinusub kapoam malaikat, kaa' Tuhan galama' namayag risilo. Ralalom ru togom am kaasian Nano binayag No ilo. Intor poyo ra galing i inalungan No ulun Nano,

JAKARIA 12:8

Paat raginio sindungin Ku ilo ondo' minayan giu' ra Jirusalim, am niayuk ulun ondo' malawo kaga' pana masauk ra maikang koson ri Daut. Tingganayon ilo ru papag ri Daut koson tingganayon ru malaikat ru Tuhan am koson tingganayon ri Aki Kapuuno' galama'.

MALIAKI 3:1

Tumaam Tuhan Ondo' Maayo Kaga' Kuasa', “Atarin Ku ulun sinusub Kuno koson manampos ra ralan Kuno. Pulusat ru Tuhan ondo' uyumon min, matong ra Baloi ru Tuhan. Ulun sinusub Kuno ondo' inaanin min matong am mampatanou ra nabantuan Kuno.”

UNTABAN 20:16

am nakiindangan akai boo ra Tuhan. Norongog ru Tuhan piau maili am nanusub ra rondo' malaikat koson maningganai ramon miningkual intor ra Misir. Raino giu' akai ra Kadis, rondo' bandar giu' ra balitan ru tana' muno.

UNTABAN 22:22

Siminangit i Aki Kapuuno' sabap minugar i Biliam. Liliwa' nangura' i Biliam ra kaladai nano, binaya' ru ruo ngaulun ulipon nano, minigor malaikat ru Tuhan ra tanga' ru ralan koson mongompong riso.

MATIUS 25:34

Raja' ti boo mindagu ra ulun ra pamiris Nano: ‘Akau ondo' binarakat ru Ama' Kuno, ayan kano ra pamarintaan ondo' inaru' ramuyun intor ra tana' ti biningkal.

JUANIS 14:3

Mopongo Ku intok min, sumaguli' Aku mongoi pangalap ramuyun, maa' raginio mabaya' kau Raki' ra intok Kuno.

SAGULION 33:2

Minatong Tuhan intor ra Gunung Sinai; Siminila' io koson ra mato ru orou giu' ra rasawat ru Idom, am intor ra Gunung Paran simininda Io ra ulun Nano. Riribu malaikat mabaya' Riso; ra kalindu' pamiris Nano mokoondo' ra apui ondo' bibilak.

JOSUA 23:5

Tuhan i Aki Kapuuno' min mangkinibit risilo lumugut am magiru' intor ramuyun paat aku mangayou risilo. Maalap min tana' nilo koson ondo' binantu' ru Tuhan i Aki Kapuuno' min.

JOSUA 5:13

Paat i Josua soroi maar ra bandar Jiriko, pulali' io nakakito ra sangulun ungkuyon nampaguut ra ilang, minigor ra saang nano. Inggaar i Josua riso am kuati', “Okou ti saujor mai kia kapoam sangulun pantula'?”

JOSUA 5:14

Taam ulun no, “Aku sala' ka saujor min am sala' ka pantula'. Aku ti panglima saujor ru Tuhan.” Kubu samba i Josua am indagu, “Ulipon mu aku. Atan kia susuban muno raki'?”

JOSUA 6:2

Indagu Tuhan ri Josua, “Pataakon Ku rirun Jiriko am raja' nano am ngaangai' saujor nano ondo' mangapanggol.