KAINGKUALAN 23:18 - Tanou Moonsoi Timugon

¹⁸ “Pai' papataak ra ruti' ondo' linatakan ra ragi paat ra okou mapataak Raki' ra bibiag koson ra taak simbalui. Lomok ru bibiag ondo' pataakon Raki' buoi ru pangiantakan ragitio kalo posoroyon polos ra susuab ru suabon no.

KAINGKUALAN 23:18 ပူးပေါင်းရင်းမြစ်များ

KAINGKUALAN 12:10

Pai' tatango' koborok pana intor ra kual no saboi susuab no, amon makasuwo, solobon kual no saboi makai'.

KAINGKUALAN 12:15

Indagu Tuhan, “Buoi katuluan kalo makaakan kau ra ruti' linatakan ra ragi. Mangakan ayuk ra ruti' kalo linatakan ra ragi. Paat ra orou kasaa' musiti' kau mamatir ra ngaangai' ragi ondo' soroi ralalom baloi min. Amon ru mokoondo' sasangulun mangakan ra ruti' linatakan ra ragi buoi katuluan no, kalo boo karaan ulun no ra ulun Kuno.

KAINGKUALAN 12:8

Tampilon ra rondom no, kual ru bibiag no musiti' patunuon am akanon ra sayur mapait am niayuk ruti' kalo latakin ra ragi.

KAINGKUALAN 16:19

Kon ri Musa risilo, “Kolondo' osoi pana makapambuli ra akanon kabalu' ra koborok pana saboi susuab no.”

KAINGKUALAN 29:34

Amon ru susuab ti ra suabon no, lakat poyo soroi kual kapoam ruti' ondo' kalo makai' kaakan, akanon no musiti' solobon am kalo maakan sabap ra akanon no mapasau.

KAINGKUALAN 34:25

“Pai' pataako' ruti' ondo' linatakan ra ragi paat ra akau mapataak ra bibiag koson taak simbalui Raki'. Suwo ru bibiag ra sinimbalui paat ra Pangiantakan Paska kalo buliin saboi ra susuab ru suabon no.

IMAMAT 2:11

Taak simbalui koson ra paringkuanangan ondo' pataakon ra Tuhan kalo latakin ra ragi. Pai' noyo lataki' ra ragi kapoam ruu' maningot ralalom ru akanon ondo' pataakon ra Tuhan.

IMAMAT 7:12

Amon ru mapataak sasangulun no koson ra taak paringkuanangan ri Aki Kapuuno', musiti' io mapataak ra ruti' ondo' kalo linatakan ra ragi pabayaan ra bibiag ondo' pataakon no. Ruti' no kakapalon ayuk pana, ondo' baalon intor ra tapung latakin ra umau jaitun, kapoam ruti' malilis ondo' luitin ra umau jaitun, kapoam kuui ondo' baalon intor ra tapung ondo' latakin ra umau jaitun.

IMAMAT 7:15

Kual no musiti' akanon paat ra orou papataakan ra bibiag no; kalo patatangon sanganu pana saboi ra suabon no.

SAGULION 16:4

Buoi tulu' ngoorou, sangulun pana giu' ra tana' min kalo iowon mambuli ra ragi ralalom ru baloi nano; am kual ru bibiag ondo' sinimbalui paat ra rondom kasaa' no musiti' akanon paat ra rondom raginio niayuk.