KAINGKUALAN 23:15 - Tanou Moonsoi Timugon

¹⁵ Ralalom ru bulan Abib, baalo' noyo Pangiantakan Ruti' Kalo Linatakan ra Ragi sumugut ra ralan ondo' nanusuban Kuli, sabap ra ralalom ru bulan raginio akau nangiruan ra Misir. Pai' pangakan ra ruti' ondo' linatakan ra ragi buoi katuluan ru pangiantakan no. Moonong ra akau matong sumambayang Raki', musiti' kau magibit ra taak.

KAINGKUALAN 23:15 ပူးပေါင်းရင်းမြစ်များ

KAINGKUALAN 12:2

“Bulan ragitio masauk ra bulan kasaa' tayar ru bilor ra kalendar min.

KAINGKUALAN 13:3

Indagu i Musa ra ulun ru Israil, “Karaa' orou raiti', orou ra akau nangiruan ra pagun ru Misir, intok akau inulipon. Paat ra orou raiti' nagibit Tuhan ramuyun mingkual ralalom ru kuasa' Nano ondo' maayo; kalo makaakan kau ra ruti' ondo' linatakan ra ragi.

KAINGKUALAN 13:4

Nangiruan kau ra Misir ra orou raiti', paat ra bulan Abib, iono bulan ra kasaa'.

KAINGKUALAN 22:29

“Paat ra ondo' inaru', papataak no Raki' ra santayaran intor ra gandum, wain am umau jaitun mino. “Pataako' Raki' anak ungkuyon katuaan mino,

KAINGKUALAN 34:18

“Iantakon Pangiantakan ra Ruti' Kalo Linatakan ra Ragi. Koson ra nanusuban Kuno ramuyun, pangakan ra ruti' kalo linatakan ra ragi buoi katuluan ra bulan Abib, sabap ra bulan raginio akau nangiruan ra Misir.

KAINGKUALAN 34:20

Kaa' musiti' min pulion moonong anak ra kasaa' ru kaladai min ra sanginan domba koson ra pamalit no. Amon ru kalo pulion min kaladai no, pandako' liog no. Musiti' min pulion moonong anak ra katuaan min. Kolondo' sangulun pana makauma' Raki' amon ru kalo magibit ra taak.

MIKA 6:6

Atan nua' pataakon kuno ra Tuhan, i Aki Kapuuno' giu' ra suruga', paat ra aku matong sumamba Riso? Musiti' kia magibit aku ra anak ru sapi' ondo' moonsoi toojo am solobon io koson ra taak simbalui pataakon Riso?

MARKUS 14:12

Paat ra orou kasaa' ra Pangiantakan ra Ruti' Kalo Linatakan ra Ragi, paat ra ulun manimbalui ra anak domba ru Pangiantakan Paska, maamaya' ri Jisus no mindagu Riso, “Ati intok kasagaan Muno ra pagakanan ru Paska?”

LUKAS 2:41

Moonong bilor matuo ri Jisus mongoi pangiantak ra Orou Paska giu' ra Jirusalim.

LUKAS 22:7

Nasuku' noyo orou ra Pangiantakan ra Ruti' Kalo Linatakan ra Ragi, ioginio paat anak domba simbaluyon ra pagakanan ru Paska.

RINALATAN 12:3

Ilai' ri Irodis maansayan ulun ru Jaudi ra baal raginio, giminaai poyo laat nati am panusub io koson mamparakop ri Pitrus. (Ginio nasauk paat ra Pangiantakan ra Ruti' Kalo Linatakan ra Ragi.)

SAGULION 16:16

“Ngaangai' ungkuyon ru bansa' min musiti' matong koson sumambayang ra Tuhan i Aki Kapuuno' min intalu sambilor, giu' ra rondo' intok sambayangan: paat ra pangiantakan Paska, Pangiantakan ra mangkumos am Pangiantakan Mangkalukub ra Raun. Moonong ungkuyon musiti' magibit ra taak

1 SAMUIL 6:3

Taam ilo, “Pai' min pasagulio' Kaban Nabantuan ri Aki Kapuuno' ru Israil no ra kolondo' paayaan ra atan pana taak ra tayar Riso no. Moonsoi Kaban no bayain ra taak ru tayar ra mamuso ra tula takau. Koon raginio noyo ra akau babason, am makapandai kau boo ra sasaban ri Aki Kapuuno' no mararayus mangukum ramuyun.”