KAINGKUALAN 22:29 - Tanou Moonsoi Timugon

²⁹ “Paat ra ondo' inaru', papataak no Raki' ra santayaran intor ra gandum, wain am umau jaitun mino. “Pataako' Raki' anak ungkuyon katuaan mino,

KAINGKUALAN 22:29 ပူးပေါင်းရင်းမြစ်များ

2 RAJA'-RAJA' 4:42

Paat ra sangarawan ra bokon, sangulun ungkuyon minatong intor ra Baal-Salisa. Nagibit io ra ruo ngoopor ruti' ondo' binaal intor ra barli ondo' kinumos galing paat ra bilor raginio, tayar ri Ilisa. Nagibit niayuk ungkuyon no ra gandum ondo' baguon. Panusub i Ilisa ra kambo nano mantayar-tayar ra ruti' no ra nabi-nabi.

2 TUNUNG RU BANSA' ISRAIL 31:5

Pakatanou ayuk susuban no, nagibit ulun ru Israil ra taak gandum ondo' moonsoi kaga', wain, umau jaitun, ruu' ru maningot am ampos ra tinanom ra bokon. Nagibit ilo niayuk ra sampiopor intor ra atan ayuk longgom nilo.

KAINGKUALAN 13:12

musiti' kau mapataak ra moonong anak ungkuyon katuaan ra Tuhan. Moonong anak ungkuyon katuaan ru bibiag tinambiag mino Tuhan noyo tatangan.

KAINGKUALAN 13:2

“Patimpokon Raki' ngaangai' anak ungkuyon katuaan. Moonong anak ungkuyon katuaan ru ulun ru Israil, am moonong anak ungkuyon katuaan ru bibiag Aku noyo tatangan.”

KAINGKUALAN 23:15

Ralalom ru bulan Abib, baalo' noyo Pangiantakan Ruti' Kalo Linatakan ra Ragi sumugut ra ralan ondo' nanusuban Kuli, sabap ra ralalom ru bulan raginio akau nangiruan ra Misir. Pai' pangakan ra ruti' ondo' linatakan ra ragi buoi katuluan ru pangiantakan no. Moonong ra akau matong sumambayang Raki', musiti' kau magibit ra taak.

KAINGKUALAN 23:16

“Iantako' noyo Pangiantakan Kapangaan Nanantab am mapataak ra ampos ru tinanom ondo' kasaa' kumoson. “Iantako' noyo Pangiantakan Mangkalukub ra Raun bulintok ra raun tumutu', paat ra akau manimung ra ampos ru umo ru anggur am ampos ru umo ru kikinawa'.

KAINGKUALAN 23:19

“Moonong bilor, ibito' noyo ampos kasaa' ondo' moonsoi kaga' intor ra tinanom mino ra baloi ru Tuhan i Aki Kapuuno' mino. “Pai' ansako' anak ru domba kapoam anak ru kambing ra gatas ru indung nano.”

KAINGKUALAN 34:19

“Moonong anak ungkuyon ra katuaan am anak ungkuyon ra kasaa' ra bibiag tinambiag Aku tatangan.

KAINGKUALAN 34:20

Kaa' musiti' min pulion moonong anak ra kasaa' ru kaladai min ra sanginan domba koson ra pamalit no. Amon ru kalo pulion min kaladai no, pandako' liog no. Musiti' min pulion moonong anak ra katuaan min. Kolondo' sangulun pana makauma' Raki' amon ru kalo magibit ra taak.

YEHEZKIEL 20:40

Giu' ra tana' ru Israil, giu' ra tampak ru bulur Kuno ondo' matulai, akau ngaangai', ulun ru Israil sumamba Raki'. Maansayan Aku ramuyun, am mangapu ra taak simbalui, taak ondo' moonsoi kaga', am taak ondo' mapasau intor ramuyun.

MIKA 7:1

Kolondo' boo kalansanan! Koson aku ra ulun maitilan ondo' kalo nakatuum ra kawa' ra puun kapoam kawa' ru anggur ra puun nano. Ngaangai' kawa' ru anggur am kawa' ru puun ara ondo' maamis inupu' noyo koyoo'.

UNTABAN 18:13

Ngaangai' no okou tatangan. Moonong sasambaloi muno ondo' kalo najamalan makaakan raginio.

MATIUS 6:33

Sotopot no, gogoto' min galing ra i Aki Kapuuno' mamarinta ra kaayagan mino am baalo' noyo kasagaan Nano, am aniin kau boo ri Aki Kapuuno' ra ngaangai' baal ra bokon no.

ROMA 8:23

Kaa' sala' ka tana' am ngaangai' suang nano ayuk ondo' maguros, kaa' itakau pana. Itakau ondo' inanian noyo ra Ambiluo ri Aki Kapuuno' koson taak Nano ra kasaa', maguros ralalom ru guang liliwa' mangkuliman ra i Aki Kapuuno' mampalabus am mampasauk ritakau ra anak Nano.

SAGULION 15:19

“Pansuayo' noyo ngaangai' anak katuaan ru sapi' am anak katuaan ru domba min tayar ru Tuhan i Aki Kapuuno' min. Pai' pakayo' sapi' no koson mambaal ra kandoi, am pai' lampari' bulu ru domba no.

JAKUBUS 1:18

Sumugut ra kasagaan Nano galama', itakau pinakaanak No mansail ra bala' Nano ra motopot ondo' pinasaboi ritakau. Ginio sabap ra nangani' Io poyo ritakau ra intok kasaa' intor ra ngaangai' sinauk Nano.