KAINGKUALAN 22:27 - Tanou Moonsoi Timugon

²⁷ sabap ra sukub ondo' soroi riso koson pampalasu' ra inan nano. Amon ru kalo pasagulion sukub no, kolondo' boo alapon no ra bajang. Amon ru makiindangan io Raki', iningon Ku io sabap ra Aku ti makaasi'.

KAINGKUALAN 22:27 ပူးပေါင်းရင်းမြစ်များ

2 SAMUIL 16:5

Paat ra Raja' Daut nakasaboi ra Bagurim, sangulun intor ra intok raginio minatong inggaar ra pulalai ru raja' liliwa' nagulas ra Raja' Daut. Inggalan ru ulun no i Simii anak ri Gira, sangulun intor ra pabukat ru Raja' Saul.

1 RAJA'-RAJA' 2:8

Mokoondo' sangulun poyo ondo' inggalan no i Simii anak ri Gira, intor ra bandar Bagurim giu' ra wilayah Binjamin. Nagulas io raki' ra malaat paat ra aku minongoi ra Maganaim. Kaa' paat ra io minatong uma' raki' giu' ra Sungoi Jordan, nambantu' aku ralalom inggalan ru Tuhan ra kalo potoyon ku io.

1 RAJA'-RAJA' 2:9

Kaa' pai' polosoo' ra io makalabus intor ra ukuman. Nakapandai kou ra atan ondo' musiti' baalon; tutuno' noyo maa' raginio ukumin io ra matoi.

2 TUNUNG RU BANSA' ISRAIL 30:9

Amon ru sumaguli' kau ra Tuhan, ulun ondo' namparakop ra pabukat mino makaasi' risilo, am mangiou risilo muli'. Tuhan, i Aki Kapuuno' mino moonsoi am makaasi'; amon ru sumaguli' kau Riso, apuon No akau.”

MAZMUR 34:6

Ulun ondo' inimpayan magilong Riso am maansukan; kalo igogondo' pana mangkaus guang nilo.

MAZMUR 72:12

Raja' mamayag ra ulun musikin ondo' mampiau riso, am niayuk ulun ra inimpayan am ulun makakapaganan.

MAZMUR 86:15

Kaa' Okou, iou Tuhan, i Aki Kapuuno' monogom am malubatan, masalok moorot guang, moonsoi am gumagaya'.

KAINGKUALAN 22:23

Amon ru malaat kau risilo, Aku, Tuhan mangiou ra kitaakon nilo paat ra ilo makiindangan Raki'.

KAINGKUALAN 34:6

Pansail boo Tuhan ra saang ri Musa am indagu, “Aku Tuhan i Aki Kapuuno' ondo' napanu' ra asi' am kimasi'; kalo mataki' Aku sumangit, mapakito Aku ra togom am gagaya' ondo' maayo.

MAMPATANOU 10:20

Pai' asabi' raja', kabalu' pana ralalom ru guang min, am pai' asabi' ulun langkaya', kabalu' pana giu' ra lamin muno galama'. Maaru' lair sanginan susuit mokorongog ra atan ondo' rinagu muli, am posoboyon no ra ulun raginio.

JISAYA 19:20

Altar am batu pangkaraan masauk ra tatandu' ratangan ru Tuhan Ondo' Maayo Kaga' Kuasa' giu' ra Misir. Paat ra ulun ru giu' no imboloon, am mampiau ilo ra Tuhan makiindangan, susubon No sangulun mongoi pamayag risilo.

SAGULION 24:10

Paat ra akau mapaira' rorondo' ra sasangulun, pai' umpos ra baloi nano koson mangalap ra bayang ondo' pataakon nano ramuyun koson ra jaminan.