KAINGKUALAN 22:25 - Tanou Moonsoi Timugon

²⁵ “Amon ru mapaira' kau ra ruit ra sangulun musikin ra popolos ru ulun Kuno, pai' ikanuo' koson ra ondo' mapaira' ra ruit ondo' makitaak ra bunga' ru ruit.

KAINGKUALAN 22:25 ပူးပေါင်းရင်းမြစ်များ

2 RAJA'-RAJA' 4:1

Paat ra sangarawan, napuor ru sangulun nabi minatong ri Ilisa am indagu, “Tuan, minatoi noyo ralaki kuli! Nakapandai kou ra io sangulun ondo' gumagaya' ri Aki Kapuuno' kaa' nagutang io ra sasangulun. Raino ulun no minatong koson mampagaau ra ruo ngaulun anak ungkuyon kuno am saukon ilo ra ulun inulipon koson mambayar ra utang ru ralaki kuli.”

2 RAJA'-RAJA' 4:7

Kopongo raginio saguli' napuor no ra Nabi Ilisa. I Ilisa pana mindagu boo riso, “Talano' umau jaitun no am bayari' ngaangai' utang muno, am suwo ru ruit no koson pakuan muno am anak-anak muno.”

NIGIMIA 5:7

am imbuor aku mataki'. Sinonsol ku tingganai-tingganai am pagawai-pagawai. Indagu aku risilo, “Nagingkaut kau ra pabukat min galama'!” Aku pana nakimantuum boo ra mamagun koson manalasai ra kapaganan raginio,

MAZMUR 15:5

ondo' mapaira' ra ruit ra kolondo' bunga' am kalo mangapu ra ruit pangambi' koson manguu' ra ulun kolondo' sala. Ulun ondo' mambaal koson raginio kalinuos no ayuk.

AMSAL 28:8

Osoi-osoi masauk ra langkaya' ondo' kologoon no bunga' ru ruit am niayuk mamparuung ra ulun bokon, rapu' nano masauk ra longgom ru ulun bokon ondo' makaasi' ra ulun musikin.

JIRIMIA 15:10

Aibui boo raki' ti! Kua kia anako' aku ri ina' kuli? Makimansangor aku kalalaat am makimagansang kalalaat ra moonong ulun ra pagun ti. Kabalu' pana kalo igondo' aku nampaira' kapoam nagira' ra ruit, kaa' ulason aku ru ngaangai' ulun.

YEHEZKIEL 18:13

am niayuk makitaak ra bunga' paat mampaira' ra ruit. Maayag kia ulun no? Maaru' kalo! Nambaal io ra ngaangai' baal ondo' makauyuyu' no, am ginio ra matoi io. Mangkinibit io ra patayan nano galama'.

YEHEZKIEL 18:17

Kalo masaga' io mambaal ra kalaatan am kalo makitaak ra bunga' paat mampaira' ra ruit. Sumugut io ra susuban Kuno am gumagaya' ra ukum Kuno. Ulun no kalo matoi sabap ra tula ru ama' nano, kaa' maaru' maayag io.

YEHEZKIEL 18:7

Kalo mamparuung io kapoam mantakou. Pasagulion no kuliamos ondo' inapu nano koson ra jaminan ra irain. Mampaakan io ra ulun maitilan am mangani' ra bayang ra ulun kolondo' bayang.

YEHEZKIEL 18:8

Kalo makitaak io ra bunga' paat mampaira' ra ruit. Kalo masaga' io mambaal ra malaat am mamatas io ra matimpok ralalom ru moonong pansangaran.

YEHEZKIEL 22:12

Mokoondo' ulun ondo' masauk ra ulun mamatoi ra bayarin. Mokoondo' ulun makatimung ra bunga' ru ruit intor ra gino ngai' ru ulun ru Israil. Masauk ilo ra langkaya' ra mamparuung ra ulun. Nakalilian ilo noyo Raki'.” Tuhan Raja' nakaindagu noyo.

AMOS 2:8

Giu' ra moonong intok sambayangan, ulun mombolong ra bayang ondo' inalap intor ra ulun musikin koson ra jamin ru utang. Giu' ra Baloi ri Aki Kapuuno' nilo, manginum ilo ra wain ondo' inalap intor ra ulun ondo' nagutang risilo.

MATIUS 25:27

Amon ru koson raginio, kua guat kalo binulian mu ruit kutu ra bank, maa' raginio paat ra aku sumaguli', maalap ku saguli' ruit kuli mabaya' ra ampos nano?

LUKAS 19:23

Ginio poyo, kua pai' mu paulio' ruit kuli ra bank am ra aku sumaguli' maapu ku boo ruit i mabaya' ra ampos nano.’

SAGULION 15:7

Amon ru mokoondo' sangulun Israil makiindangan giu' ra rondo' ra bandar giu' ra tana' ondo' pataakon ramuyun ru Tuhan i Aki Kapuuno' min, pai' karaa' kaatangan galama', am pai' kau karara' mangindangan riso.

SAGULION 24:13

Pasagulio' noyo bayang no riso moonong rondom maa' raginio mabayang no ra mombolong. Ra koson raginio, maringkuanang ulun no ramuyun am maansayan ramuyun Tuhan i Aki Kapuuno' min.