KAINGKUALAN 22:20 - Tanou Moonsoi Timugon

²⁰ “Osoi mapataak ra taak simbalui ra tuhan-tuhan ra bokon, ondo' ak am Aku, Tuhan, musiti' ulun no ukumin ra matoi.

KAINGKUALAN 22:20 ပူးပေါင်းရင်းမြစ်များ

1 RAJA'-RAJA' 18:40

I Ilia pana nanusub, “Rokopo' nabi-nabi ru Baal no; pai' polosoo' sangulun pana makapagiru'!” Rokopo' nilo ngaangai' nabi no. Nagibit i Ilia risilo mongoi ra Sungoi Kison am pamatoi risilo.

2 RAJA'-RAJA' 10:25

Kopongo ayuk Raja' Jigu nampataak ra taak simbalui, indagu io ra ulun-ulun magagalung am saujor nano, “Umpos no am potoyo' ilo ngaangai'. Pai' polosoo' sangulun pana magiru'!” Minumpos ulun-ulun magagalung am pagawai-pagawai no ra giu' no ra nanangilang. Namatoi ilo ra ngaangai' ulun am namparalaat ra baangkai-baangkai no miningkual. Kopongo raginio umpos ilo ra ralalom ru kuil

2 TUNUNG RU BANSA' ISRAIL 15:13

Osoi ayuk pana, matutuo kapoam mamulok, ungkuyon kapoam ruandu', ondo' kalo maayag sumugut ra kasagaan ru Tuhan, i Aki Kapuuno' ru Israil, musiti' ukumin ra matoi.

KAINGKUALAN 23:9

“Pai' kalaat ra ulun bansa' ru bokon; nakaili' kau nasauk ra ulun bansa' ru bokon, sabap ragili pana ulun bansa' ru bokon kau giu' ra Misir.”

KAINGKUALAN 32:8

Siminiang ilo intor ra susuban Kuno. Nambaal ilo ra sinungkalalaing ru sapi' intor ra mas linuu, am sumamba raginio; napataak ilo niayuk ra taak simbalui raginio. Kon nilo ginio noyo tuhan nilo ondo' naningganai risilo miningkual intor ra Misir.

KAINGKUALAN 34:15

Pai' pambaal ra nabantuan ra ulun giu' ra pagun no, sabap ra paat ra ilo sumamba ra tuhan nilono am mapataak ra taak simbalui ra tuhan raginio, mangkimait ilo ramuyun. Maambi' kau mangakan ra akanon pataakon nilo ra tuhan raginio.

YEHEZKIEL 20:7

Nanusub Aku risilo mamatir ra sinungkalalaing ondo' makauyuyu', ondo' kasagain nilo, am nanginggalar risilo mampajamol ra inan am sumamba ra sinungkalalaing ru ulun ru Misir, sabap ra Aku noyo Tuhan, i Aki Kapuuno' min.

IMAMAT 17:7

Musiti' ulun ru Israil magulayun gumagaya' ra Tuhan, am kalo manimbalui ra bibiag nilo giu' ra tana' malimparang ra tayar ru taak ra riwato-riwato ondo' sumalu ra kambing. Musiti' aturan ragitio gagayaan ru ulun ru Israil ra sabuoi-buoi no.

IMAMAT 19:33

“Pai' kapuka' ra ulun bansa' ru bokon ondo' minayan ra pagun mino.

MALIAKI 3:5

Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

UNTABAN 21:3

Iniou ru Tuhan kitaakon ru ulun ru Israil, am nangindangan risilo nangala ra ulun ru Kanaan. Linuus ru ulun ru Israil ngaangai' ulun ru Kanaan am bandar-bandar nilo. Ininggalanan ru ulun ru Israil intok raginio ra Orma.

SAGULION 10:18

Manutun Io maa' raginio anak kolondo' matuo am napuor matimpok pamakuan. Motogom Io ra ulun bansa' ru bokon ondo' minayan mabaya' ra bansa' takau; nanaak Io risilo ra akanon am bayang.

SAGULION 18:20

Kaa' amon ru baani sangulun nabi mapasaboi ra tanou ralalom ru inggalan Kuno, kaa' sotopot no kalo manusub Aku riso mambaal raginio, nabi no musiti' matoi. Moonong nabi ondo' mindagu ralalom ru inggalan ru tuhan-tuhan ra bokon musiti' matoi.’

SAGULION 23:8

Papag nilo ra katalu am rayus no, iowon masauk ra ulun ru Tuhan.”

SAGULION 24:17

Pai' talingaawo' kaapuan ru ulun bansa' ru bokon am anak nailusan ra matuo. Pai' alapo' bayang ru sangulun napuor koson ra jaminan ru utang nano.