KAINGKUALAN 20:4 - Tanou Moonsoi Timugon

⁴ “Pai' baalo' sinungkalalaing ra tayar min, sinungkalalaing ondo' sumalu ra atan pana ondo' soroi ra limbowon, ra tana' ti kapoam ralalom ru timug ragana' ru tana' ti.

KAINGKUALAN 20:4 ပူးပေါင်းရင်းမြစ်များ

1 RAJA'-RAJA' 12:28

Kopongo ra nabuoi nangkara', Raja' Jirobiam nambaal ruo sinungkalalaing sapi' gawayan intor ra mas am indagu ra mamagun nano, “Sama' noyo buoi min minongoi sambayang giu' ra Jirusalim. Raino, akau Israil, gitio noyo tuhan-tuhan min ondo' nagibit ramuyun miningkual intor ra Misir!”

2 RAJA'-RAJA' 17:12

am kalo giminagaya' ra Tuhan ondo' nanginggalar risilo sumamba ra sinungkalalaing.

2 TUNUNG RU BANSA' ISRAIL 33:7

Pinabanta' no rondo' sinungkalalaing giu' ra ralalom Baloi ru Tuhan, alika intok raginio noyo minindagu Tuhan ra Raja' Daut am Raja' Salomo anak ungkuyon nano koon ragitio, “Baloi Kuti ra Jirusalim ti, ondo' pinili' Ku noyo intor ra mopor am ruo wilayah ru bansa', iono intok ondo' inaru' Kuno ra intok sambayangan Raki' ra sabubuoi no.

MAZMUR 78:58

Napasangit ilo ri Aki Kapuuno' ra nambaal ra intok sambayangan ra sinungkalalaing, am napasangit Riso ra ngaangai' sinungkalalaing nilono.

MAZMUR 97:7

Ngaangai' ulun sumamba ra sinungkalalaing tauyuon, ngaangai' dewa migulatur ra saang ru Tuhan.

KAINGKUALAN 20:23

Pai' taligama' pambaal ra sinungkalalaing intor ra pirok kapoam mas koson sambaan ra sapapa' Kuno.

KAINGKUALAN 32:1

Pakakito ulun ru Israil ra soroi i Musa ra nabuoi kaga' giu' ra gunung no, am kalo niayuk poyo timinuun io, limpu ilo ri Arun am indagu riso, “Kalo nakapandai takau atan boo nasauk ri Musa, ondo' naningganai ritakau miningkual intor ra Misir; ginio ra baali' akai rondo' tuhan koson maningganai ramon.”

KAINGKUALAN 32:23

Minindagu ilo raki', ‘Kalo nakapandai takau atan boo nasauk ri Musa, ondo' naningganai ritakau miningkual intor ra Misir. Ginio ra baali' akai rondo' tuhan koson maningganai ramon.’

KAINGKUALAN 32:4

Alapo' ri Arun anting-anting no, luwo' ngaangai' no am pasasaro' mas no ralalom acuan, am pambaal rondo' sinungkalalaing ru sapi' gawayan. Indagu ulun raginilo, “Israil, gitio noyo tuhan takau ondo' nagibit ritakau miningkual intor ra Misir!”

KAINGKUALAN 32:8

Siminiang ilo intor ra susuban Kuno. Nambaal ilo ra sinungkalalaing ru sapi' intor ra mas linuu, am sumamba raginio; napataak ilo niayuk ra taak simbalui raginio. Kon nilo ginio noyo tuhan nilo ondo' naningganai risilo miningkual intor ra Misir.

KAINGKUALAN 34:17

“Pai' pambaal ra tuhan-tuhan ra bokon intor ra basi', am pai' samba ra tuhan-tuhan ra bokon no.

JISAYA 42:17

Ngaangai' ulun ondo' mangintopot ra sinungkalalaing, am sinungkalalaing-sinungkalalaing no pinakadewa nilo asabin am tauyuon.”

JISAYA 42:8

Aku noyo Tuhan, ginio noyo inggalan Kuno. Katulayan Kuno kalo pataakon Ku ra osoi-osoi pana, kapoam pangamparan Kuno ra ati-ati sinungkalalaing.

JISAYA 45:16

Ngaangai' ulun ondo' nambaal ra sinungkalalaing ra sambaan tauyuon am asabin.

YEHEZKIEL 20:7

Nanusub Aku risilo mamatir ra sinungkalalaing ondo' makauyuyu', ondo' kasagain nilo, am nanginggalar risilo mampajamol ra inan am sumamba ra sinungkalalaing ru ulun ru Misir, sabap ra Aku noyo Tuhan, i Aki Kapuuno' min.

YEHEZKIEL 8:10

Aku pana siminubol am nagilong. Rinding ra giu' no linukisan ra ngaangai' salinut ru bibiag mamuntana' am bibiag majamol ra bokon, am niayuk gambar ru sinungkalalaing ondo' sambaan ru ulun ru Israil.

YEHEZKIEL 8:3

Pinatutui No rondo' ondo' natilu ra kalindu' am takupo' abuk kuno. Ralalom ru pinaintalang no Ambiluo ri Aki Kapuuno' nangkayang raki' ra masawat am nagibit raki' ra Baloi ru Tuhan giu' ra Jirusalim, giu' ra kulobon subalan giu' ra liliut ra ralalom ondo' tampilon ra ralayo. Giu' no soroi sinungkalalaing ondo' napasingkual ra sangit ri Aki Kapuuno'.

IMAMAT 19:4

“Pai' samba ra sinungkalalaing. Pai' pambaal ra sinungkalalaing intor ra logam am pai' samba raginio. Aku noyo Tuhan i Aki Kapuuno' min.

IMAMAT 26:1

Indagu Tuhan, “Pai' pambaal ra sinungkalalaing, am pai' patirongo' patung, lugu' batu sinungkalalaing kapoam batu inukir ra sambaan. Aku noyo i Tuhan i Aki Kapuuno' min.

UNTABAN 12:8

Ginio ra minindagu Aku riso ra mantaluma', sailon toojo am sala' ka misunggait; am nakakito io noyo ra baal Kuno. Kua kia baani kau manggal ri Musa, ulipon Kuno?”

RINALATAN 17:29

Sabap ra itakau anak ri Aki Kapuuno', pai' takau noyo pangkara' ra i Aki Kapuuno' no koson ra sinungkalalaing ondo' binaal ayuk intor ra mas, pirok kapoam batu maya' ra kapandayan ru ulun.

ROMA 1:23

Sala' ka i Aki Kapuuno' ondo' mantilayun sambaan nilo, kaa' sinungkalalaing ondo' tumilu ra ulun mapandai matoi, susuit, bibiag mamuntana' kapoam bibiag manungkama'.

SAGULION 16:22

Pai' tirongo' lugu' batu tayar ru sumamba ra sinungkalalaing giu' ra intok raginio. Masisang Tuhan i Aki Kapuuno' min ra baal raginio.”

SAGULION 27:15

“ ‘Kaulas noyo ulun ondo' mambaal ra sinungkalalaing intor ra batu, tataun, kapoam basi', am sumamba raginio ra sinokon. Masisang Tuhan ra sumamba ra sinungkalalaing.’ “Ngaangai' ulun tumaam ra, ‘Amin!’

SAGULION 5:8

‘Pai' pambaal ra sinungkalalaing tayar rirun, sinungkalalaing ondo' salu ru atan pana ondo' soroi giu' ra limbowon, giti ra tana' ti, kapoam giu' ralalom ru timug ra ragana' ru tana' ti.

PINAINTALANG 16:2

Ugar malaikat kasaa' no am pasasaro' no suang ru sangkir nano ra tana' ti. Salula' boo talipos ondo' makalalaa' am maruol kaga' ra inan ru ngaangai' ulun ondo' tinatanduan ra saap ru bibiag masigo no am ilo ondo' siminamba ra sinungkalalaing nano.

PINAINTALANG 9:20

Kaa' ulun-ulun ra bokon ondo' kalo napatoi ra talu kapaganan malaat no, kalo niayuk timinalikur intor ra ondo' binaal ru kalindu' nilo galama'. Kalo liminonggo' ilo sumamba ra riwato am sinungkalalaing ondo' binaal nilo ra mas, pirok, gangsa', batu am tataun. Ginilo kalo makakito, mokorongog kapoam makaugar.

TINGGANAI RU BANSA' 17:3

Pinasaguli' ri Mika pirok no ra ina' nano. Kon poyo ru ina' nano, “Maa' raginio okou, anak kuno kalo masulung ra ulas ondo' rinagu ku ragili, pataakon ku pirok ti ra Tuhan. Pirok ti pakayon koson patapison ra sinungkalalaing intor ra tataun. Pasagulion ku rirun pirok no.”