KAINGKUALAN 20:3 - Tanou Moonsoi Timugon

³ “Pai' samba ra tuhan-tuhan ra bokon; samba ayuk Raki'.

KAINGKUALAN 20:3 ပူးပေါင်းရင်းမြစ်များ

1 RAJA'-RAJA' 11:4

saboi ra ilo nakasugut nanusuk riso sumamba ra tuhan-tuhan ra bokon paat ra Raja' Salomo matutuo noyo. Raja' Daut, ama' ru Raja' Salomo gumagaya' ra Tuhan, i Aki Kapuuno' nano, kaa' Raja' Salomo kalo nogondo' koson ra ama' nali.

MAZMUR 29:2

Pongompor kano ra inggalan ru Tuhan ondo' matulai, igulatur no ra saang ru Io Ondo' Matulai Kaga' amon ru papulusat Io.

MAZMUR 73:25

Osoi poyo longgom kuno giu' ra suruga' amon sala' ka Okou? Kolondo' boo guangon kuno ra tana' ti amon sala' ka Okou.

MAZMUR 81:10

Pai' kau samba ra tuhan ra bokon.

MAZMUR 81:9

Akau ulun Kuno, rongogo' noyo papakaraan Kutu; okou Israil, moonsoi rumongog kau ra ragu Kutu!

KAINGKUALAN 15:11

Iou Tuhan, osoi kia intor ra tuhan-tuhan ondo' koson Rirun? Osoi kia ondo' koson Rirun, matulai kaga'? Osoi kia ondo' makapambaal ra kaimuagan am baal ra makaimuag koson ra binaal Muno?

KAINGKUALAN 20:23

Pai' taligama' pambaal ra sinungkalalaing intor ra pirok kapoam mas koson sambaan ra sapapa' Kuno.

KAINGKUALAN 22:19

“Potoyo' moonong ulun ondo' makimampaa' ra bibiag.

KAINGKUALAN 23:24

Pai' samba ra tuhan-tuhan nilono. Pai' tiluo' ralan nilo sumambayang. Pusoo' noyo tuhan-tuhan nilono am pandako' lugu'-lugu' batu ondo' alapon nilo sumambayang.

KAINGKUALAN 32:8

Siminiang ilo intor ra susuban Kuno. Nambaal ilo ra sinungkalalaing ru sapi' intor ra mas linuu, am sumamba raginio; napataak ilo niayuk ra taak simbalui raginio. Kon nilo ginio noyo tuhan nilo ondo' naningganai risilo miningkual intor ra Misir.

KAINGKUALAN 34:14

“Pai' samba ra tuhan-tuhan ra bokon, sabap ra Aku, Tuhan kalo masaga' pogondoon ra atan pana.

JISAYA 26:4

Pangintopot noyo ra Tuhan ra sabuoi-sabuoi no; masalok Io mangampin ritakau.

JISAYA 42:8

Aku noyo Tuhan, ginio noyo inggalan Kuno. Katulayan Kuno kalo pataakon Ku ra osoi-osoi pana, kapoam pangamparan Kuno ra ati-ati sinungkalalaing.

JISAYA 43:10

“Akau ulun ru Israil, akau noyo sasi' Kuno; pinili' Takamin masauk ra ulipon Kuno maa' raginio mauligan min Aku am niayuk mangintopot kau Raki', am mangarati' kau ra Aku noyo rondo'-rondo' ayuk i Aki Kapuuno'. Suai intor Raki', kolondo' tuhan-tuhan ra bokon; intor poyo ra galing i, kapoam orou ra matong.

JISAYA 44:8

Pai' noyo kalaa', akau ulun Kuno! Nakapandai kano intor ra galing suku' ragino nanala' Aku no ra nansalinut kasaukan no; akau noyo sasi'-sasi' Kuno. Suai Raki', kolondo' bokon, am kolondo' manindung ra bokon ondo' kalo poyo napandayan Kuno.”

JISAYA 46:9

Karaa' noyo kasaukan-kasaukan ra galing i; Iowo' noyo ra Aku i Aki Kapuuno', am kolondo' bokon, Aku i Aki Kapuuno' am kolondo' mokogondo' Raki'.

JIRIMIA 25:6

Nanginggalar nabi-nabi ramuyun sumamba am mangandoi ayuk ra tuhan-tuhan ra bokon. Nanginggalar ilo niayuk ramuyun sumamba ra sinungkalalaing ondo' binaal min galama', sabap baal raginio mapasingkual ra sangit ru Tuhan. Amon ru gumagaya' kau ra susuban ru Tuhan no, kalo mangukum Io ramuyun.

JIRIMIA 35:15

Rinayus Ku nanusub ra ngaangai' ulipon Kuno, nabi-nabi mongoi ramuyun, am nanusub ilo ramuyun mangiruan ra binaal malaat am mambaal ra ondo' moonsoi. Nampakara' ilo ramuyun maa' raginio kalo sumamba kapoam mangandoi ayuk ra tuhan-tuhan ra bokon, maa' raginio marayusan min mayan ra pagun ondo' pinataak Kuno ramuyun am kinamatuaan min. Kaa' kalo riminongog kapoam nampalio kau Raki'.

JIRIMIA 7:9

Mantakou kau, mampatoi, mansawa', mangani' ra kaintutunan magabau, mampataak ra taak simbalui ra Baal, am sumamba ra dewa-dewa ondo' kalo igondo' nauligan min.

DANIL 3:18

Kaa' amon ru kalo niayuk baalon No, musiti' mu pabalaan ra kalo sumamba akai ra dewa muno am niayuk migulatur samba ra sinungkalalaing mas ondo' pinabigor muno.”

GOSIA 13:4

Indagu Tuhan, “Aku noyo Tuhan, i Aki Kapuuno' min ondo' naningganai noyo ramuyun miningkual intor ra Misir. Kolondo' i Aki Kapuuno' min kaa' Aku ayuk. Aku noyo rorondo' mamamayag ramuyun.

MATIUS 4:10

Taam i Jisus, “Pagiru' no, okou Tingganai ru riwato. Mokoondo' tinulisan ra Buuk Kitab, ‘Sambaa' ayuk Tuhan, i Aki Kapuuno' muno, am pangandoi kou ayuk Riso!’ ”

1 KORINTUS 8:4

Ondo' pangkuatan min ra mangakan ra akanon ondo' pinairang ra sinungkalalaing: Makapandai takau raginilo sotopot no binaal ayuk ru ulun, sabap ra kolondo' tuhan ra bokon. Nakapandai takau niayuk ra rorondo' ayuk i Aki Kapuuno', am kolondo' boo bokon.

1 KORINTUS 8:6

kaa' itakau mangintopot ra rondo' ayuk i Aki Kapuuno', i Ama' ondo' namangun ra ngaangai' no, am intor Riso itakau naayag. Am niayuk rondo' ayuk Tuhan takau, ioginio i Jisus Kristus. Ralalom inggalan Nano noyo ngaangai' no nasauk am intor Riso niayuk itakau naayag.

IPISUS 5:5

Karaa' min gitio: osoi ayuk makapaliso ra makauyuyu', malaat, kapoam mangangkum (gitio mogondo' ayuk koson sumamba ra sinungkalalaing), ulun koson raginilo kalo makaliman ra pamarintaan ri Kristus am i Aki Kapuuno'.

SAGULION 5:7

‘Pai' samba ra tuhan-tuhan ra bokon; samba ayuk Aku.

SAGULION 6:14

Pai' samba ra tuhan-tuhan ra bokon, kapoam tuhan ru ati pana ondo' sambaan ru bansa'-bansa' ondo' minayan ra liliut min.

SAGULION 6:5

Tagami' noyo Tuhan i Aki Kapuuno' min ra sotopot-topot ru guang: Pakitono' noyo togom no ralalom baal ru bayag am baalon mino.

PILIPI 3:19

Kaa' pupus no ilo ti poongoyon ak ra naraka, sabap ra kasagaan ru guang nilo galama' ti noyo ondo' alapon nilo koson ra tuhan nilai. Mongompor ilo toojo ra baal nilai ondo' sotopot no makauyuyu' am mangkara' ilo ayuk ra atan ondo' guangon ru ulun ru tana' ti.

KOLOSI 2:18

Ginio nai ra pai' polosoo' ra akau ruungon ru ulun ondo' migiangku minggana' guang, am ondo' sumamba ra malaikat. Ulun koson raginio masumbung sabap ra rokoon nilo masuang baal ru suruga' pinakito risilo, kaa' pangkaraan ragitio sumugut ayuk ra paliso malaat nilo galama'.

PINAINTALANG 19:10

Igulatur aku boo ra saang ru malaikat no am samba riso, kaa' indagu io, “Pai' aku sambaa'. Sambaa' noyo i Aki Kapuuno'. Sabap ra aku pana rangan mangngandoi muno, am ra ngaangai' pabukat muno ondo' gumagaya' ra kaintutunan intor ri Jisus.” Sabap ra katapatan ondo' pinakito ri Jisus mapaikang ra ulun mampabala' ra tanou intor ri Aki Kapuuno'.

PINAINTALANG 22:9

kaa' indagu io raki', “Pai' aku sambaa'. Sambaa' noyo i Aki Kapuuno'. Sabap ra aku pana rangan mangngandoi muno, am koson ra pabukat-pabukat muno ioginio nabi-nabi no, am ngaangai' ondo' gumagaya' ra bala' tinulisan ra kitab ragitio.”

TINGGANAI RU BANSA' 6:10

Nambala' Aku ramuyun ra Aku noyo Tuhan i Aki Kapuuno' min, am ra akau kalo iowon sumamba ra dewa ru ulun ru Amori, ondo' pagun nilo inayanan min raino. Kaa' kalo ginagaya' min ragu Kuno.’ ”