KAINGKUALAN 20:26 - Tanou Moonsoi Timugon

²⁶ Pai' Aku baali' ra altar ondo' makatukar, maa' raginio kalo makito tayar ru inan min ondo' kalo maaya' ilain.”

KAINGKUALAN 20:26 ပူးပေါင်းရင်းမြစ်များ

MAZMUR 89:7

Kolondo' mokogondo' Rirun, giu' ra limbowon no, iou Tuhan; kolondo' suang ru suruga' pana mokogondo' Rirun.

KAINGKUALAN 28:42

Baalin ilo ra saluar mariwa' intor ra konoon linon. Gawar ru saluar no intor ra awak polos ra paa, manili tampilon ra inan ondo' kalo maaya' ilain.

KAINGKUALAN 28:43

Musiti' saluaron ri Arun am anak-anak nano saluar raginio paat ra ilo mumpos ra Kim Kuno, kapoam tumingkuang ra altar koson mangandoi ra imam giu' ra Lamin Pansunuran, maa' raginio kalo matoi ilo mapakito ra tayar ru inan nilo ra kalo maaya' ilain. Gitio noyo aturan inaru' tayar ri Arun am papag nano.”

MAMPATANOU 5:1

Guango' galing ra kalo poyo mindagu, am pai' lingasi' makimabantu' ri Aki Kapuuno'. Soroi Io giu' ra suruga' am okou soroi ra tana' ti, pai' indagu amon kalo maatang.

YEHEZKIEL 43:17

Tampilon ra tatanga' no niayuk binaal apat persegi, moonong kiing no pinantutuku' no 7 ngamito, am ondo' kiing no ra sawat 25 ngasintimito giu' ra pompor ra liwar no. (Pila' ru parit no 50 ngasintimito.) Tukar ru altar no giu' ra kiing tampilon ra sirangon.

IMAMAT 10:3

Indagu boo i Musa ri Arun, “Gitio noyo ondo' koon ru Tuhan paat Io mindagu, ‘Ngaangai' ulun ondo' mangandoi ayuk Raki' musiti' mangurumat ra katulayan Kuno. Pakitonon Ku katulayan Kuno ra moonong ulun Kuno.’ ” Kaa' mongkoror ayuk i Arun.

1 PITRUS 1:16

Sabap ra mokoondo' tinulisan ra Buuk Kitab, “Kaayag kano ra mapasau, sabap ra Aku noyo mapasau.”