KAINGKUALAN 20:24 - Tanou Moonsoi Timugon

²⁴ Baali' Aku ra altar intor ra tana'; papatampakan min ra taak domba am sapi' min koson ra taak simbalui koson mapabansuk ra guang ru Tuhan, am taak simbalui koson makibarakat ra Tuhan. Giu' ra moonong intok ondo' aruon Kuno ramuyun koson sumambayang Raki', matong Aku am mambarakat ramuyun.

KAINGKUALAN 20:24 ပူးပေါင်းရင်းမြစ်များ

KASAUKAN 12:2

Mangani' Aku rirun ra papag ondo' masuang am masauk ilo ra bansa' maayo. Mambarakat Aku rirun am masauk boo inggalan muno ra mauligan kaga' saboi alapon kou mambarakat ra ulun bokon.

2 SAMUIL 6:12

Norongog ru Raja' Daut ra nambarakat Tuhan ra sasambaloi ri Obid-Idom am ngaangai' ondo' soroi riso no, sabap ra Kaban Nabantuan no. Ginio ra ongoi Raja' Daut ra baloi ri Obid-Idom am alapo' Kaban Nabantuan no. Pinabanding no Kaban Nabantuan ra Jirusalim nabaya' ra pangiantakan maayo.

1 RAJA'-RAJA' 8:29

Sindungi' noyo Baloi ti orou am rondom, intok ondo' pinili' Muno koson ra intok sambayangan Rirun. Rongogo' noyo aku paat ra aku tumingkuang ra intok ti am makiasi' Rirun.

1 RAJA'-RAJA' 8:43

rongogo' noyo pakiasian nano. Rongogo' noyo io intor ra intok inayanan Muno giu' ra suruga', am iowo' noyo kitaakon nano maa' raginio ngaangai' bansa' ra tana' ti makaulig Rirun am gumagaya' Rirun, koson ra ulun Muno Israil. Makapandai ilo boo ra Baloi ondo' binaal kutu iono intok sumambayang Rirun.

1 RAJA'-RAJA' 9:3

Indagu Tuhan riso, “Norongog Ku noyo pakiasian muno. Patimpokon Ku Baloi ondo' binaal mutu koson ra intok sumambayang Raki' ra sabuoi-buoi no. Magail Aku magalung am manindung ra intok ti.

2 RAJA'-RAJA' 5:17

Ginio ra kon ri Naaman, “Amon ru marara' kou mangapu ra pataakon kutu, anii' aku ra tana' kasuang-suang ondo' maibit ru santuop baghal, maa' raginio maibit ku tana' no muli'. Intor raino kalo boo mampataak aku ra taak-taak simbalui kapoam taak simbalui ondo' solobon ra tuhan-tuhan ra bokon, ondo' ayuk am Tuhan ayuk.

2 TUNUNG RU BANSA' ISRAIL 12:13

Raja' Rigabiam namarinta giu' ra Jirusalim am kuasa' nano riminuang. Paat ra io nasauk ra raja', umur nano apat ngoopor am rondo' ngambilor. Buoi mopor am tulu' ngambilor, namarinta io giu' ra Jirusalim, bandar ondo' pinili' ru Tuhan giu' ra titikop ru wilayah Israil koson ra intok sambayangan Riso. Ina' ru Raja' Rigabiam iono i Naama, intor ra Amon.

2 TUNUNG RU BANSA' ISRAIL 6:6

Kaa' raino nampili' Aku ra Jirusalim koson ra intok sambayangan Raki', am okou Daut, mamarinta ra ulun Kuno.’ ”

2 TUNUNG RU BANSA' ISRAIL 7:16

sabap ra pinili' Ku noyo ginio am timpokon ginio koson ra intok sambayangan ru ulun Raki' ra sabubuoi no. Magail Aku magalung am manindung raginio.

IJRA 6:12

Gama' ru i Aki Kapuuno' ondo' nampili' ra Jirusalim koson ra intok Nano sambaan, mamuso ra raja' kapoam bansa' ra atan pana ondo' manggal ra susuban ti am niayuk kuminam mamuso ra Baloi ru Tuhan. Aku, Raja' Darius nangingkual noyo ra susuban ti. Paugaro' noyo susuban ragitio ra bobonsoi.”

NIGIMIA 1:9

Kaa' amon sumaguli' kau Raki' am mambaal ra susuban Kuno, ibiton Takamin saguli' ra intok ondo' pinili' Ku noyo koson ra intok Aku sambaan, kabalu' pana nakapantutuliar kano ra titikop ru tana' ti.’

MAZMUR 101:2

Kalo sabain ku paliso kuno makaruruko. Sanggilan poyo ratangan Muno raki'? Giu' ra baloi kuno kaayagan kuno matulai;

MAZMUR 122:2

Raino nakasaboi takano ra kulobon garabang ru Jirusalim.

MAZMUR 128:5

Gama' ru Tuhan giu' ra Sion no mambarakat rirun! Gama' ru makakito kou ra Jirusalim lumangkaya' buoi ru painawo muno!

MAZMUR 134:3

Gama' ru intor ra Sion Tuhan mambarakat ramuyun, Tuhan ondo' namangun ra limbowon am tana' ti.

MAZMUR 74:7

Sinuruan nilo Baloi Muno saboi naumpo; am intok sambaan Rirun i jinamol nilo.

MAZMUR 76:2

Nakatanou i Aki Kapuuno' giu' ra Jiuda, inggalan Nano sasabiton giu' ra Israil.

MAZMUR 78:68

Kaa' pinili' No bansa' ri Jiuda am Bulur Sion ondo' topot-topot tagamin No.

KAINGKUALAN 10:25

Taam i Musa, “Amon ru koon raginio, musiti' okou no manampos ra bibiag tinambiag koson ra taak simbalui pataakon ra Tuhan, am taak simbalui koson mapabansuk ra guang ru Tuhan, i Aki Kapuuno' mai.

KAINGKUALAN 18:12

Pagibit boo i Jitro ra taak simbalui koson mapabansuk ra guang ru Tuhan, am niayuk taak-taak simbalui ra bokon koson pataakon ri Aki Kapuuno'. I Arun am ngaangai' tingganai ru ulun ru Israil minaya' ri Jitro koson mababaya' mangakan ra saang ri Aki Kapuuno'.

KAINGKUALAN 20:25

Amon ru baalin min Aku ra altar intor ra batu, pai' baalo' intor ra batu ondo' pinutul ra pahat, sabap ra paat ra akau mamakai ra pahat raginio, batu no kalo boo maaya' Raki'.

KAINGKUALAN 24:4

Kopongo raginio tulisi' ri Musa ngaangai' susuban ru Tuhan. Riminondom ra suabon no, nambaal i Musa ra rondo' altar ra lonson toojo ru gunung no, am patirongo' mopor am ruo batu; moonong batu manguakil ra rondo' ra bansa' ru Israil.

KAINGKUALAN 24:5

Panusub boo i Musa ra kukula' ngaulun mamulok koson mapataak ra taak simbalui koson mapabansuk ra guang ru Tuhan am niayuk mapataak ra kukula' ngainan sapi' koson ra taak simbalui koson makibarakat ra Tuhan.

KAINGKUALAN 27:1

“Baalo' noyo rondo' altar intor ra tataun akasia. Altar no musiti' apat persegi, gawar no 2.2 ngamito, pila' no 2.2 ngamito am sawat no 1.3 ngamito.

JISAYA 64:5

Apuon Mu ulun mabanis guang, ondo' maayag sumugut ra kasagaan Muno. Sumangit Kou ramon, kaa' akai lakat makatula. Ioupana Okou sumangit kaga', rayusin mai mambaal ra sala intor poyo ra galing i.

IMAMAT 17:9

ra Tuhan, musiti' io mapataak raginio giu' ra saang ru kulobon ru Kim ru Tuhan. Amon ru mapataak io raginio giu' ra intok ra bokon, kalo boo karaan io ra ulun ri Aki Kapuuno'.

MALIAKI 1:11

Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

MATIUS 18:20

Amon ru ruo kapoam talu ngaulun tumimung ralalom inggalan Kuno, soroi Aku ra tatanga' nilono.”

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”

SAGULION 12:11

Mampili' Tuhan ra rondo' intok ondo' masauk ra intok sumambayang Riso. Giu' no akau musiti' magibit ra ngaangai' ondo' nanusuban kuno: taak simbalui koson mapabansuk ra guang ru Tuhan am taak simbalui ra bokon, sampiopor am taak ra bokon, am taak ra luntukon ondo' binantu' min ra Tuhan.

SAGULION 12:21

Amon maalur kaga' intok sambayangan no, am sasanggilan ayuk, iowon kau manimbalui ra sapi' kapoam domba ondo' taakin ramuyun ru Tuhan. Iowon kau mangakan ra kual ru bibiag no giu' ra baloi, koson ondo' rinagu ku noyo ramuyun.

SAGULION 12:5

Intor ra titikop wilayah ru ngaangai' bansa' min, mampili' Tuhan rondo' intok maa' raginio makaratong kau ra saang Nano am sumamba Riso ra giu' no.

SAGULION 14:23

Kopongo raginio ongoi noyo ra rondo' intok ondo' pinili' ru Tuhan i Aki Kapuuno' min koson ra intok sambayangan. Giu' ra saang ru Tuhan i Aki Kapuuno' min, giu' ra intok pinili' Nano, akano' noyo taak sampiopor raginio: unor-unaran, wain, umau jaitun, anak katuaan ru sapi' am anak katuaan ru domba min. Baalo' noyo koson raginio maa' raginio magail kau migila' mangurumat ra Tuhan i Aki Kapuuno' min.

SAGULION 16:11

Pakaansuk noyo ra saang ru Tuhan, mabaya' ra anak-anak mino, mangngandoi mino, ulun ru Liwi, ulun bansa' ru bokon, anak nailusan ra matuo, am napuor ondo' minayan ra bandar-bandar mino. Baalo' noyo baal raginio giu' ra rondo' intok sambayangan no.

SAGULION 26:2

moonong ulun musiti' mangumung ra ampos kasaa' ru tinanom nano am pasuangon no ra rondo' bakul. Akau pana musiti' magibit raginio ra rondo' intok sambayangan no.

SAGULION 7:13

Motogom am mambarakat Io ramuyun, maa' raginio rumuang kau am makaalap kau ra masuang anak. Mambarakat Io ra umo min maa' raginio kaulian kau ra gandum, wain am umau jaitun. Mambarakat Io ramuyun am manaak ramuyun ra masuang bibiag tinambiag am domba. Manaak Io ramuyun ra ngaangai' barakat ti giu' ra tana' ondo' binantu' Nano ramuyun, sumugut ra bantu' Nano ra kinamatuaan min.

1 TIMOTIUS 2:8

Paat ra akau sumambayang, masaga' aku ra ungkuyon rati makiasi' mabaya' ra guang mapasau ra kolondo' kasisangan am niayuk kolondo' pansasangaran.