KAINGKUALAN 20:17 - Tanou Moonsoi Timugon

¹⁷ “Pai' kalaai ra ondo' tagamin ru bokon: baloi nano, andu' nano, ulipon nano, bibiag tinambiag nano, kaladai nano kapoam atan pana soroi riso no.”

KAINGKUALAN 20:17 ပူးပေါင်းရင်းမြစ်များ

KASAUKAN 14:23

ra kalo mangalap aku rondo' pana raki' ra longgom muno, gino ayuk nai am ra santiis gantian kapoam kakaput ru kasut pana kalo. Koon raginio kalo boo makaindagu kou, ‘Aku no napalangkaya' ri Abram.’

KASAUKAN 3:6

Nakito ru ruandu' no ra puun raginio moonsoi kaga' am kawa' no pana maamis kaga' akanon. Mangkara' io ra mapara' bonsoi amon ru mapintar io. Ginio ra pangupu' io ra kawa' no am akano' no. Io pana nantayar niayuk ra ralaki nano am ralaki nano pana nangakan ra kawa' no.

KASAUKAN 34:23

Tauli no ngaangai' biniag am ngaangai' kuliamos nilo itakau tatangan. Iowon takau noyo ra makaayan ilo ritakau.”

AYUP 31:1

Nabaya' ra ibot aku nabantu', kalo suminto ra ralaa mamulok.

AYUP 31:9

Amon ru suminto aku ra andu' ru sambalayan kuno, am mangkuliman riso liliwa' mansibuni ra talikuron ru kulobon,

MAZMUR 10:3

Ulun malaat mamanggo ra kalaatan nilono; ulun mampaluung magibot am mangimpai ra Tuhan.

MAZMUR 119:36

Indangano' aku mompogogot koson gumagaya' ra ukum Muno, am sala' ka masauk ra langkaya'.

AMSAL 4:23

Totomolo' noyo atan karaan mino, sabap ra pangkaraan mino mangatang ra kaayagan mino.

AMSAL 6:29

Koon raginio niayuk kalaa' ra sangulun ungkuyon rumulug ra andu' ru ulun. Osoi mambaal ra baal raginio io makaliman ra ukuman nano.

MAMPATANOU 4:8

Mokoondo' ulun ondo' maayag misangulun ra kolondo' anak kapoam pabukat. Kabalu' pana raginio, kalo lumonggo' io mangandoi. Kalo majala' io ra rapu' ondo' linonggom nano. Mangandoi io ri osoi saboi mingkotog mangandoi am mangimpai ra katasuan? Sala' ka kia ginio kolondo' onong, am rondo' baal ru kaayagan ondo' mangiluk?

JISAYA 33:15

Maayag kau amon ru mindagu am binaal mino motopot. Pai' min pakayo' kuasa' mino koson mamparuung ra ulun musikin, am pai' pangapu ra rasua. Pai' baya' ra ulun ondo' mangatang ra pamatayan kapoam mambaal ra kalaatan ra bokon.

JISAYA 57:17

Sumangit Aku risilo sabap ra tula nilo am luung nilo. Ginio sabap no ra Aku nangukum am nangiruan risilo. Kaa' mokotog ulu nilono am maya' noyo ra ralan galama'.

JIRIMIA 22:17

Kaa' okou ondo' maguyum ayuk ra ampos galama'; mamatoi kou ra ulun ondo' kolondo' sala, am mangimbolo' ra mamagun muno ra malaat kaga'. Ginio noyo ragu ru Tuhan.

JIRIMIA 5:8

Koson ilo ra kuda gawayan ondo' molomok am maikang mampaa'; sigagama' lumaai ra andu' ru ulun bokon.

YEHEZKIEL 33:31

Ilo ngaangai' pana matong tumimung am koson ra ulun Kuno rumongog ilo rirun, kaa' kalo binaal nilo atan ondo' nanusuban muno. Ragu nilo maamis, kaa' guang nilo mangkara' ayuk ra maulian.

MIKA 2:2

Paat ilo mompogogot ra umo, gumaau ilo ra umo ru ulun bokon. Paat ra ilo mompogogot ra baloi, gumaau ilo ra baloi ru ulun bokon. Kolondo' sambaloi ru osoi pana, kapoam rapu' ru osoi pana ondo' mabayag.

ABAKUK 2:9

Aibui boo ramuyun! Napalangkaya' kau ra sasambaloi min ra atan ondo' noowot min ra kalaatan. Nanambaloi kau ra mapiot koson manindung ra sasambaloi min intor ra karaat.

MATIUS 20:15

Maaru' makapanaak aku maya' ra guang kuno am ruit kuno galama'! Kua sangit kau ra kinataau ru guang kuno?’ ”

MATIUS 5:28

Kaa' raino ti balain takamin: Osoi ayuk pana monontong ra ruandu' am makaguang io, ulun raginio liminapau noyo ra ruandu' no ralalom guang nano.

LUKAS 12:15

Indagu poyo i Jisus risilo ngaangai', “Karaa' min, am ilalain kalit mino. Sabap ra sotopot no, sala' ka kuliamos ondo' maatang ra kaayagan ru ulun, kabalu' pana langkaya' io kakaga'.”

LUKAS 16:14

Paat ra ulun-ulun ru Parisi nokorongog ra ngaangai' ragu ragitio, nangiis ilo ri Jisus sabap ra ruit ayuk karaan nilo.

RINALATAN 20:33

Kalo poyo igondo' aku pakitaak ra ruit kapoam bayang ru sasangulun.

RINALATAN 5:4

Tana' i okou tatangan ra kalo poyo natalan. Katalan mu raiti, ruit i pana lakat ayuk poyo okou tatangan. Kua kasaga' kou mambaal raginio? Sala' ka ulun inabawan muni, kaa' i Aki Kapuuno'!”

ROMA 13:9

Sabap ra kon ru Ukum no, “Pai' lapau, pai' pampatoi, pai' pantakou am pai' pagingkaut” – ngaangai' raginio am ukum ra bokon niayuk pinogondo' ayuk ra rondo' susuban ti, ioginio, “Tagami' noyo ulun ra bokon koson ra okou galama' mitogom.”

ROMA 7:7

Amon ru ginio poyo, atan boo paraguon takau? Malaat kia Ukum ri Musa no? Maaru' kalo! Kaa' Ukum ri Musa niayuk ondo' mampatutun raki' ra atan sotopot no tula. Amon ru kolondo' tinulisan ra Ukum ri Musa no, “Pai' pagingkaut,” maaru' kalo makapandai aku ra arati' ru magingkaut.

1 KORINTUS 6:10

ondo' mantakou, makalit, gagaukon, manimbaal ra ragu ra ulun bokon, am poyo ulun mampagaau – ngaangai' ulun raginio kalo masauk ra ulun ri Aki Kapuuno'.

IPISUS 5:3

Akau ti noyo ulun ri Aki Kapuuno'. Ginio ra atan ayuk baal ru pansasawaan, baal makauyuyu' kapoam mangangkum, kalo masauk ra tatanga' min.

IPISUS 5:5

Karaa' min gitio: osoi ayuk makapaliso ra makauyuyu', malaat, kapoam mangangkum (gitio mogondo' ayuk koson sumamba ra sinungkalalaing), ulun koson raginilo kalo makaliman ra pamarintaan ri Kristus am i Aki Kapuuno'.

SAGULION 5:21

‘Pai' pangingkaut ra longgom ru ulun bokon: andu' nano, baloi nano, tana' nano, uliponon nano, bibiag tinambiag nano, kaladai nano kapoam atan pana longgom nano.’

SAGULION 7:25

Solobo' noyo sinungkalalaing nilo. Pai' gogoto' mas am pirok ondo' soroi ra sinungkalalaing nilo, am pai' alap ra kuliamos raginio tayar rirun galama'. Pai' kau pangalap raginio, malumpa' kau ra kapio, sabap masisang Tuhan ra sumamba ra sinungkalalaing.

PILIPI 3:19

Kaa' pupus no ilo ti poongoyon ak ra naraka, sabap ra kasagaan ru guang nilo galama' ti noyo ondo' alapon nilo koson ra tuhan nilai. Mongompor ilo toojo ra baal nilai ondo' sotopot no makauyuyu' am mangkara' ilo ayuk ra atan ondo' guangon ru ulun ru tana' ti.

KOLOSI 3:5

Ginio ra patiri' noyo kasagaan ra pansasawaan, mansalinut baal ra makauyuyu', kasagaan ru guang malaat am maringkumaa' (sabap ra paliso raginio mogondo' ayuk koson sumamba ra sinungkalalaing).

IBRANI 13:5

Pai' noyo pagingkaut ayuk ra ruit, kaa' karaan min ayuk ra sama' noyo atan ondo' soroi ramuyun no. Sabap ra minindagu noyo i Aki Kapuuno', “Kalo noyo toojo polosoon kapoam iruanin takamin.”

JOSUA 7:21

Kakito ku rondo' sukub ondo' moonsoi binaal ru Babilonia, pirok ra bagat no maar ruo ngakilogram, am santaun mas ondo' bagat no satanga kilogram intor ra ngaangai' kuliamos ginaau no. Malaai aku kaga' ra kuliamos raginio saboi inalap ku. Kuliamos raginio natanom ra tana' giu' ralalom ru kim kuno; pirok no nakaralalom toojo.”

1 SAMUIL 12:3

Raino ti, migor aku ra saang min. Amon ru nambaal aku noyo ra kasalaan, panguu' kano raki' ra saang ru Tuhan am raja' ondo' pinili' Nano. Igondo' aku kia nampagaau ra sapi' kapoam kaladai ru ulun ra bokon? Igondo' aku kia namparuung kapoam nangimbolo' ra ulun bokon? Igondo' aku kia nangapu ra rasua intor ra ulun? Raguo' ayuk, maa' raginio atan ayuk ondo' inalap kuli pasagulion ku.”

1 SAMUIL 15:19

Kua kia boo rirun ti kalo giminagaya' Riso? Kua kia agou-agou kou nanalingaau ra rapu' nilono am nambaal ra ondo' kalo kasagain ru Tuhan?”