KAINGKUALAN 2:11 - Tanou Moonsoi Timugon

¹¹ Paat ri Musa nasukor noyo, ingkual io koson mongoi pagilong ra ulun ru Ibrani ondo' rondo' bansa' riso. Nakito no ati kulaan ilo jinajalan mangandoi ra maagat. Nakito niayuk ri Musa ra napalamba' sangulun Misir ra sangulun Ibrani ondo' rondo' bansa' ri Musa galama'.

KAINGKUALAN 2:11 ပူးပေါင်းရင်းမြစ်များ

KAINGKUALAN 1:11

Ginio ra pangalap ulun ru Misir ra kukula' ngaulun tingganai ru ulipon koson mangimbolo' ra ulun ru Israil ra kandoi maagat. Jajalin ulun ru Israil mambaal ra bandar Pitom am Ramsis ondo' saukon ra pusor pambulian ra kuliamos tayar ru raja' ru Misir.

KAINGKUALAN 3:7

Indagu boo Tuhan, “Nakito Ku noyo kaimbalaan ru bansa' Kuno giu' ra Misir. Naining Ku noyo ilo naguros makilabus intor ra ulun-ulun nangulipon no. Sotopot no nakatutun Aku noyo ra ngaangai' kaimbalaan nilo.

KAINGKUALAN 5:14

Tingganai ru ulipon no napalamba' ra mandur ra bansa' ru Israil ondo' sinusub magalung ra kandoi no. Pangkuot ilo, “Kua kalo binaal min batu bata koson ra kinasuang ragili?”

KAINGKUALAN 5:4

Indagu raja' no ri Musa am i Arun, “Kua kinibiti' min ngaangai' ulun no mampalilian ra kandoi nilo? Susubo' ulipon raginilo mangandoi!

KAINGKUALAN 5:5

Bansa' min masuang noyo intor ra ulun ru Misir. Raino masaga' kau lumonggo' ilo mangandoi!”

KAINGKUALAN 5:9

Jajalin ulun raginilo mangandoi ra maagat poyo, maa' raginio kumantisuk ilo ra kandoi am kolondo' boo kaluagan mangining ra tunung abawon ayuk.”

KAINGKUALAN 6:6

Ginio ra balai' ulun ru Israil ra bala' Kuno risilo, ‘Aku noyo Tuhan; mapalabus Aku ramuyun intor ra pangulipanan ru ulun ru Misir. Mamakai Aku ra kuasa' Kuno ondo' maayo koson mamayag ramuyun am koson mangani' ra ulun ru Misir ra ukuman maagat.

KAINGKUALAN 6:7

Mapasauk Aku ramuyun ra ulun Kuno galama', am masauk Aku ri Aki Kapuuno' min. Makapandai kau ra Aku noyo Tuhan i Aki Kapuuno' min, paat ra Aku mapalabus ramuyun intor ra pangulipanan ra pagun ru Misir.

JISAYA 58:6

Gitio noyo pali ra kasagaan Kuno: Iruo' noyo bangkil kaimbalaan am saanin ra kolondo' katimpakan, am palabuso' noyo ulun-ulun ondo' inimbolo'.

MATIUS 11:28

“Ratong kano Raki' akau ngaangai' ondo' naagui sabap ra naagatan; patanguson takamin.

LUKAS 4:18

“Ambiluo ru Tuhan soroi Raki', nanusub Io noyo Raki' mampabala' ra Tanou Moonsoi ra ulun musikin. Pinili' No Aku koson mambala' ra pampalabusan ra ulun rinakop am mamabas ra ulun noolou. Am niayuk mampalabus ra ulun kikinjangin.