KAINGKUALAN 19:24 - Tanou Moonsoi Timugon

²⁴ Taam Tuhan, “Tuun noyo am saguli' ragiti mabaya' ri Arun. Kaa' imam-imam am ulun kalo pasailon ra balitan no koson matong Raki'. Amon ru sumail ilo, ukumin Ku ilo.”

KAINGKUALAN 19:24 ပူးပေါင်းရင်းမြစ်များ

1 TUNUNG RU BANSA' ISRAIL 13:9

Paat ra ilo nakasaboi giu' ra intok mangagik ra gandum longgom ri Kidon, sapi'-sapi' ondo' namunduk ra kurita' no nakasaru. I Uja pana nampatutui ra kalindu' am nampaguut ra Kaban Nabantuan no maa' raginio kalo maratu'.

KAINGKUALAN 19:12

Baalo' balitan ra liput ru gunung no maa' raginio kalo makasail ulun no. Balai' ilo maa' raginio kalo magaloi ra gunung no kapoam minggaar. Osoi sumail ra balitan no ukumin ra matoi.

KAINGKUALAN 19:25

Tuun boo i Musa koson tumuum ra ulun raginilo am pambala' risilo ra atan ondo' rinagu ru Tuhan.

KAINGKUALAN 24:1

Indagu boo Tuhan ri Musa, “Pagaloi ra gunung mongoi uma' Raki', mabaya' kou ri Arun, Nadab, Abigu am tulu' ngoopor tingganai ru Israil, am samba Raki' intor ra maalur.

KAINGKUALAN 24:9

Kopongo raginio i Musa, Arun, Nadab, Abigu am tulu' ngoopor ngaulun tingganai no nagaloi ra gunung,

IMAMAT 10:3

Indagu boo i Musa ri Arun, “Gitio noyo ondo' koon ru Tuhan paat Io mindagu, ‘Ngaangai' ulun ondo' mangandoi ayuk Raki' musiti' mangurumat ra katulayan Kuno. Pakitonon Ku katulayan Kuno ra moonong ulun Kuno.’ ” Kaa' mongkoror ayuk i Arun.

MATIUS 11:12

Intor ri Juanis Mampariu' nampatanou ra tanou no suku' raino ti, Pamarintaan ri Aki Kapuuno' inanggal ru ulun malaat ondo' mangkinam manguasa' no pabayaan ra kalaatan.

LUKAS 13:24

“Kinami' min toojo sumubol ra kulobon ondo' mapisok no. Balain takamin, masuang ulun kuminam subol kaa' kalo makaumpos ilo.

LUKAS 16:16

Sotopot no Ukum ri Musa am kitab ru nabi-nabi pinataak polos ra paat ri Juanis Mampariu' ayuk. Intor ragili, Tanou Moonsoi intor ati kulaan i Aki Kapuuno' mamarinta pinabala' noyo, am ulun gumogot masauk ra ulun ri Aki Kapuuno'.

JUANIS 1:17

Pinabala' galing ra nabi Musa, pinataak ri Aki Kapuuno' ritakau Ukum ri Musa, kaa' ralalom inggalan ri Jisus Kristus, pinakito ri Aki Kapuuno' ritakau togom am pampagagayaan Nano.

ROMA 4:15

Ukum ri Musa ti mangkinibit ayuk ra sangit am ukum ri Aki Kapuuno'; kaa' amon ru Ukum ri Musa no kalo mauligan, kolondo' niayuk kaanggalan.

GALATIA 3:19

Amon ru ginio poyo, atan pakuan ru Ukum ri Musa no? Io pinaruang koson mampakito ra kaanggalan takati. Ukum ri Musa ti mokoonong polos ayuk ra ratangan ru sangulun papag ri Abragam, io no ondo' napataakan ra nabantuan raginio. Ukum ti pinasaboi ru malaikat-malaikat ru Tuhan mumbaya' ra sangulun papabilinan.

GALATIA 3:22

Kaa' mokoondo' tinulisan ra Buuk Kitab ra ngaangai' ulun kinuasa' ru tula. Ginio ra ondo' bantu' ri Aki Kapuuno' no makataak boo ra ulun ondo' mangintopot ri Jisus Kristus.

IBRANI 12:29

Sabap ri Aki Kapuuno' takau mangukum ra pantula' Nano mogondo' ra apui ondo' mangumpo.

IBRANI 4:16

Intor raginio makakau' takau minggaar ra takhta ri Aki Kapuuno' ondo' maayo kaga' togom, koson makitaak ra asi', kataawan am indangan Nano paat ra itakau makakapaganan.