KAINGKUALAN 19:18 - Tanou Moonsoi Timugon

¹⁸ Titikop ru Gunung Sinai natikop ra lisun sabap ra timinuun Tuhan ra rasawat no ralalom ru apui. Binuun ru lisun ra makapal no minsawat koson ra lisun ru rapuan, am titikop ru gunung no nogonggon kaga'.

KAINGKUALAN 19:18 ပူးပေါင်းရင်းမြစ်များ

KASAUKAN 11:5

Tauli tuun boo Tuhan mongoi pagilong ra bandar no am manara ondo' binaal ru ulun.

KASAUKAN 15:17

Pokotolop mato ru orou am molondom noyo, pulali' ru rapuan makabaa ondo' makalisun am pilasut napaangan nansail ra lolot ru tinata' ra kual no.

KASAUKAN 19:28

Impalo' no tampilon ra bandar Sodom am Gomora am niayuk titikop ru limayak no. Makito no binuun ru lisun intor ra tana' no koson ra lisun intor ra rapuan maayo kaga'.

NIGIMIA 9:13

Intor ra limbowon timinuun Kou ra Gunung Sinai; Minindagu Kou ra ulun Muno galama'. Nangani' Kou risilo ra ukum, aturan am susuban ondo' matimpok, motopot am mokoonong.

MAZMUR 104:32

Pulolowon No tana' ti, tana' ti pana monontol; kumambong Io ra gunung, gunung pana makalisun.

MAZMUR 114:4

Ngaangai' ru gunung satutulindak koson ra kambing malaa', am ngaangai' ru bulur satutulindak koson ra anak ru domba malaa'.

MAZMUR 114:7

Okou tana', ponontol no ra saang ru Tuhan, ra saang ri Aki Kapuuno' ondo' sambaan ri Jakub,

MAZMUR 144:5

Iou Tuhan, ukabi' noyo limbowon am tuun no; kombongo' noyo ngaangai' gunung maa' raginio mingkual lisun.

MAZMUR 18:9

Lisun mingkual intor ra arung Nano, apui am baa mingkual intor ra kabang Nano.

MAZMUR 68:9

tana' ti mapuyu' am limbowon maparatu' ra rasam, sabap ra saang Muno, minindagu i Aki Kapuuno' giu' ra Sinai, saang ri Aki Kapuuno' ru ulun ru Israil.

MAZMUR 77:18

Gaun mapawas ra rasam; tingkalur kumuruntung ra limbowon, am timpalak sakurilop ra ati-ati ayuk intok.

MAZMUR 77:19

Tingkalur gogolon, timpalak makapiat, tana' mauyog am mogonggon.

KAINGKUALAN 19:13

Musiti' ulun no bobolon kapoam tiwon ra panah, am kalo makambong ru osoi pana. Aturan ti masauk ra ulun am bibiag; ngaangai' ondo' sumail ra balitan no kalo polosoon maayag. Kaa' makaining ra bolos maawar intor ra bujung, musiti' ulun raginilo magaloi ra gunung.”

KAINGKUALAN 19:17

Nagibit i Musa risilo mingkual intor ra pangkiman koson mongoi tuum ri Aki Kapuuno', am bigor ilo ra lonson toojo ru gunung.

KAINGKUALAN 20:18

Pakaining ulun ru Israil ra bolos ru tingkalur am bujung, am niayuk nakakito ra ganit am gunung makalisun, nonontol ilo nangalaa' am mininggalur intor ra giu' no.

KAINGKUALAN 3:2

Giu' no minintalang malaikat ru Tuhan ri Musa ralalom ru apui ondo' manimbula' ra tatanga' ru bulungkut. Nakito no bulungkut ti manimbula', kaa' kalo nosolob.

KAINGKUALAN 34:2

Tampos ra susuab no ra iosusuab, am pagaloi ra Gunung Sinai muma' Raki' giu' ra tampak ru gunung no.

JISAYA 6:4

Bolos nilo ondo' maayag no mangkinibit ra lugu' Baloi ru Tuhan no mauyog, am Baloi ru Tuhan no nototop ra lisun.

JISAYA 64:1

Rilako' noyo limbowon am tuun no, iou Tuhan! Gunung magilong Rirun, am gunung mauyog sabap ra malaa'.

JIRIMIA 4:24

Tingaanon ku gunung-gunung – ngaangai' no nonontol, am bulur-bulur mangauyog.

ABAKUK 3:6

Paat ra Okou lumonggo', muyog tana' ti; paat ra Okou magilong, bansa'-bansa' songongonsol. Gunung-gunung ondo' lair noyo soroi natutuk kalingon; bulur-bulur ondo' nagulayun soroi pana liminonson, bulur-bulur intok Muno mugar intor noyo ra galing.

JAKARIA 14:5

Magiru' kau mansail ra limayak ondo' nampalapak ra bulur no. Magiru' kau koson ra kinamatuaan min ragili paat nasauk tana' mogonggon bulintok ra pamarintaan ri Ujia, raja' ru Jiuda. Tuhan, i Aki Kapuuno' kuno matong mababaya' ra ngaangai' malaikat Nano.

MATIUS 24:7

Pagun mangayou ra pagun ra bokon am parinta mantula' ra parinta ra bokon. Ati ayuk intok mokoondo' bitilan makalalaa' am tana' mogonggon.

SAGULION 33:2

Minatong Tuhan intor ra Gunung Sinai; Siminila' io koson ra mato ru orou giu' ra rasawat ru Idom, am intor ra Gunung Paran simininda Io ra ulun Nano. Riribu malaikat mabaya' Riso; ra kalindu' pamiris Nano mokoondo' ra apui ondo' bibilak.

SAGULION 4:36

Nangiou Io ramuyun rumongog ra bolos Nano intor ra limbowon maa' raginio makapangila' Io ramuyun; giti ra tana' ti mangiou Io ramuyun magilong ra apui Nano ondo' matulai, am intor ra apui no minindagu Io ramuyun.

SAGULION 5:22

“Ginio noyo ukum-ukum ondo' pinatinaak ru Tuhan ramuyun ngaangai' paat akau timinimung giu' ra gunung raginio. Paat Io minindagu ra bolos ondo' mosongou intor ra apui am gaun ondo' makapal no, nanaak Io ra ukum-ukum raginio ayuk. Io pana nanulis ra ukum-ukum raginio ra ruo batu tulis, am pinataak ginio raki'.”

SAGULION 5:4

Giu' rasawat ru gunung no, intor ralalom ru apui, minindagu Tuhan rayus ramuyun.

2 TISALONIKA 1:7

Am poyo mangani' Io ra katasuan ramuyun ondo' raino ti imboloon, mogondo' niayuk ramon. Gitio saukon Nano paat ra Tuhan Jisus mintalang intor ra suruga' mabaya' ra malaikat mangaikang Nano,

2 TISALONIKA 1:8

am mabaya' ra simbula' ru apui. Mangukum Io ra ulun ondo' kalo masaga' mintutun ri Aki Kapuuno' am ondo' kalo gumagaya' ra Tanou Moonsoi ri Jisus, Tuhan takau.

IBRANI 12:18

Akau sala' ka koson ra ulun ru Israil ra galing i. Ilo nakainggaar ra gunung Sinai ondo' makambong ru ulun, makaapui nanimbula', makakalandaman am poyo bagiu' mapuor ondo' nalimanan nilo.

IBRANI 12:26

Paat ragili, bolos Nano nanguyog ra tana' ti, kaa' raino mokoondo' poyo bantu' Nano ra: “Igondo' poyo uyogon Ku tana' ti, am sala' ka ginio ayuk, kaa' limbowon poyo.”

2 PITRUS 3:10

Kaa' ratangan ru Tuhan no koson ra mantatakou rumatong. Paat ra orou raginio, limbowon lumiom mabaya' ra bolos mapuor kaga' am ngaangai' suang ru limbowon mosolob kapuso am ngaangai' suang ru tana' ti pana maliom.

PINAINTALANG 15:8

Baloi Tuhan no nalimpot ra lisun ru katulayan am kuasa' ri Aki Kapuuno'. Kolondo' sangulun pana makasubol ra Baloi Tuhan no buoi ru katulu' kapaganan malaat ondo' inibit ru tulu' malaikat no kalo poyo makai'.

PINAINTALANG 9:2

Ginio ra ukabo' ru butitin no intok no am buun ru lisun intor ra ralalom no koson ra lisun ru kataunan mosolob. Mato ru orou am limbowon no liminondom sabap ra suang ru lisun intor ra giu' i.

TINGGANAI RU BANSA' 5:5

Mauyog gunung ra saang ru Tuhan, pangnguasa' ru Sinai, giu' ra saang ru Tuhan i Aki Kapuuno' ru ulun ru Israil.