KAINGKUALAN 18:23 - Tanou Moonsoi Timugon

²³ Amon ru baalon mu gitio koson ra nanusuban ri Aki Kapuuno', kalo makabagui rirun am ngaangai' ulun makauli' ra baloi am pansangaran masalasai noyo.”

KAINGKUALAN 18:23 ပူးပေါင်းရင်းမြစ်များ

KASAUKAN 18:33

Kopongo Tuhan minindagu ri Abragam, Tuhan pana minugar am i Abragam pana minuli' ra baloi nano.

KASAUKAN 30:25

Kaanak i Jusup, indagu i Jakub ri Laban, “Iowo' aku no rumuli' ra pagun kuli galama'.

2 SAMUIL 18:3

Kaa' taam ilo, “Pai' raja' mai. Amon ru magigiru' akai kalalaat, kapoam sampiruo intor ra suang mai matoi, kalo poyo masamaan pantula', sabap ra okou noyo ondo' uyumon nilo. Okou nogondo' logo no ra mopor ngaribu ngaulun intor ramon. Ginio ra moonsoi poyo mangator kou ra indangan ramon intor ra ralalom ru bandar.”

2 SAMUIL 19:39

Kopongo raginio Raja' Daut am ngaangai' ru ulun nano liminaup ra Sungoi Jordan. Pangalok Raja' Daut ri Barjilai am pambarakat riso. Kopongo raginio uli' i Barjilai ra baloi nano.

2 SAMUIL 21:17

Kaa' i Abisai anak ri Jiruya, minatong nangindangan ra Raja' Daut. Binulunsar ri Abisai maayo ulun no am namatoi riso. Kopongo raginio ulun ru Raja' Daut nakitaak maa' raginio Raja' Daut mambantu' ra kalo boo mongoi pangayou mabaya' risilo. Konilo, “Okou kalansanan ru Israil. Marara' akai matatakan rirun.”

KAINGKUALAN 16:29

Karaa' noyo ra Aku, Tuhan nangani' ramuyun ra orou tangusan. Ginio sabap ra paat ra orou ra koonom mangani' Aku ramuyun ra akanon ondo' sama' koson karuaan. Paat ra orou ra katulu' musiti' moonong ulun mayan ra intok ru sigagama', am kalo iruanin baloi nano.”

KAINGKUALAN 18:18

Ralan ragitio mapabagui rirun am niayuk ngaangai' ulun ti. Kandoi ti maagat kaga' ra okou sangulun mambaal.

KAINGKUALAN 18:22

Polosoon ilo magail mangandoi koson ra akim ra ulun. Makapambala' ilo rirun ra ngaangai' ondo' mapagon, kaa' musiti' ilo galama' mamatas ra pansangaran ra mongoborok. Ralan ragitio mapakaluoi ra kandoi muno, sabap ra makaindangan ilo rirun mansaan ra maagat.

KAINGKUALAN 18:24

Sinugut ri Musa bilin ri Jitro.

RINALATAN 15:2

Kaa' minansang toojo i Paulus am i Barnabas ra pangilaan ru ulun rati. Pupus i, i Paulus, i Barnabas am poyo kukula' ngaulun Kristian intor ra Antiokia pinoongoi ra Jirusalim koson mongoi uma' ra rasul am tingganai ru Kristian ra manalasai ra kapaganan ragitio.

GALATIA 2:2

Minongoi aku ra Jirusalim maya' ra nanusuban ondo' pinatalang ri Aki Kapuuno' no raki'. Ralalom pagugumaan mai ra tingganai ru Kristian ayuk, pinabala' ku toojo risilo Tanou Moonsoi ondo' pinasaboi kuno ra ulun sala' ka Jaudi. Marara' aku ra ondo' pinasaboi ku noyo kapoam ondo' posoboyon kutu malubat ayuk.

1 SAMUIL 8:22

Taam Tuhan, “Suguto' noyo kitaakon nilono. Pilio' noyo sangulun raja' ra tayar nilo.” Kopongo raginio sinusub ri Samuil ngaangai' ulun ru Israil minuli' ra baloi ru sigagama'.