KAINGKUALAN 18:21 - Tanou Moonsoi Timugon

²¹ Kaa' suai raginio, musiti' kou mampili' ra kukula' ngaulun ungkuyon ondo' mangapintar. Lantiko' ilo ra tingganai ru mamagun ondo' maningganai ra saribu ngaulun, maatus ngaulun, limo ngoopor ngaulun am mopor ngaulun. Musiti' ilo no ulun ondo' malaa' ri Aki Kapuuno', malansanan am kalo masaga' mangapu ra ruit pangambi'.

KAINGKUALAN 18:21 ပူးပေါင်းရင်းမြစ်များ

KASAUKAN 22:12

Indagu malaikat no, “Pai' mu sinduali' kapoam jamari' anak no. Raino nakapandai Aku ra mangurumat am gumagaya' kou Raki', sabap ra kalo inanggal mu koson mapataak ra anak langkuir muno Raki'.”

KASAUKAN 42:18

Paat katalu ra orou, indagu i Jusup risilo, “Aku ti sangulun gumagaya' ri Aki Kapuuno', ampunon takamin ra rondo' kitaakon kuno.

KASAUKAN 47:6

baalo' min tana' ru Misir ti koson akau ra ampu' raino. Polosoon ilo noyo mayan ra libung ru Gosyin, libung ondo' moonsoi kaga' ra pagun ru Misir ti. Amon ru mokoondo' matasik risilo no, paalungin ku biniag kuno galama'.”

2 SAMUIL 18:1

Nanimung Raja' Daut ra ngaangai' ulun nano, am tinayar no ilo nasauk ra kukula' pulalai ondo' suang intor ra saribu am maatus ngaulun. Kopongo raginio nampalantik io ra kukula' ngaulun tutumula' koson maningganai ra moonong pulalai.

2 SAMUIL 23:3

Minindagu noyo i Aki Kapuuno' ru Israil; indagu manindung ru Israil no raki', “Raja' ondo' mamarinta ra matimpok, ondo' mamarinta ra pampagagayaan ri Aki Kapuuno',

1 RAJA'-RAJA' 18:12

Ati kulaan amon ru Ambiluo ru Tuhan magibit rirun mongoi ra intok ra bokon ondo' kalo mapandayan ru ulun, ra kakaugar ku ayuk mangiruan ra intok ragitio? Paat ra aku mambala' ra raja' ra soroi kou ragiti am raja' no kalo makauyum rirun, mamatoi io raki'. Karaa' noyo, topot-topot aku sumambayang ra Tuhan intor ra aku lakat poyo mamulok.

1 RAJA'-RAJA' 18:3

ginio ra pampiau Raja' Agab ri Obaja, manalingapu ra istana nano. (I Obaja no sangulun ondo' topot-topot sumambayang ra Tuhan.

IJRA 7:25

“Musiti' okou, Ijra, manampakuan ra kapintaran ondo' pinataak ri Aki Kapuuno' rirun. Lantiko' tingganai-tingganai am akim-akim maa' raginio maningganai ra mamagun giu' ra Iprat Kalasaan, ondo' maayag sumugut ra Ukum ri Aki Kapuuno' muno. Musiti' okou mangila' ra Ukum no ra ngaangai' ulun ondo' kalo poyo nakapandai raginio.

NIGIMIA 5:9

Kopongo raginio indagu aku poyo, “Binaal mino nasala! Akau musiti' no malaa' am mangurumat ri Aki Kapuuno' am mambaal ra baal ondo' moonsoi. Koon raginio noyo, pantula' takau ondo' kalo mangintopot ri Aki Kapuuno' no, kalo makaalap ra sasaban koson magasab ritakau.

NIGIMIA 7:2

Pinataak ku pamarintaan ru bandar Jirusalim ra pabukat kuno i Ganani am ri Gananya, panglima ru kubu pangampinan. I Gananya kolondo' pogondo' nano sabap ra io maintopot am malaa' ri Aki Kapuuno'.

AYUP 1:1

Giu' ra tana' Us, minayan sangulun ungkuyon makainggalan ri Ayup. Sumamba io ri Aki Kapuuno' am gumagaya' Riso. Io ti moonsoi guang, ondo' masalok no pagilalain maa' raginio kalo mambaal ra malaat.

AYUP 29:16

Ra ulun musikin, masauk aku ra ama'; ra ulun bansa' ru bokon, masauk aku ra manaung.

AYUP 31:13

Paat ulipon kuno mampalaa sabap ra longgom nano ra kalo linio kuno, mangkirongog aku am pamakuan kuno riso matimpok.

MAZMUR 15:1

Mazmur ri Daut. Iou Tuhan, osoi kia ondo' makaayan sangkinolor ra Kim Muno? Osoi kia makaayan ra Sion, bulur Muno ondo' matulai no?

MAZMUR 15:5

ondo' mapaira' ra ruit ra kolondo' bunga' am kalo mangapu ra ruit pangambi' koson manguu' ra ulun kolondo' sala. Ulun ondo' mambaal koson raginio kalinuos no ayuk.

KAINGKUALAN 17:9

Indagu i Musa ri Josua, “Pilio' kukula' ngaulun koson mangayou ra ulun ru Amalik ra susuab no. Migor aku ra tampak ru bulur liliwa' mampaguut ra jujuga' koson ra nanusuban ri Aki Kapuuno'.”

KAINGKUALAN 18:25

Nampili' i Musa ra kukula' ngaulun ungkuyon ondo' mapintar ra popolos ru ulun ru Israil, am nampalantik risilo ra tingganai ondo' maningganai ra saribu ngaulun, maatus ngaulun, limo ngoopor ngaulun am mopor ngaulun.

AMSAL 28:2

Amon ru bansa' gumuor, mangunguasa' nano masalok pagalig-galig; amon ru tingganai no mapandai am mapintar, pamarintaan nano maikang am mapanggol.

MAMPATANOU 12:13

Gitio noyo ontoson ragu intor ra ngaangai' no: Uramato' noyo i Aki Kapuuno' am gagaya' no ra ngaangai' susuban Nano, sabap ra ginio noyo kuayan itakau ulun inangun.

JISAYA 16:5

Kopongo raginio sangulun intor ra papag ri Raja' Daut masauk ra raja' ondo' mamarinta ra ulun nano ralalom katagaman am pampagagayaan. Raja' mataki' lumingat koson mambaal ra katapatan, am mapaundok ra katimpakan.)

JISAYA 33:15

Maayag kau amon ru mindagu am binaal mino motopot. Pai' min pakayo' kuasa' mino koson mamparuung ra ulun musikin, am pai' pangapu ra rasua. Pai' baya' ra ulun ondo' mangatang ra pamatayan kapoam mambaal ra kalaatan ra bokon.

JISAYA 59:4

Minongoi kau pantagi' ra makama kabalu' pana kolondo' sasaban am pinatasan ra kalo matimpok. Magabau kau am ingain min ondo' kolondo' onong; mampaguang kau koson mampajamar ra ulun bokon am mambaal ra kalaatan.

JIRIMIA 5:1

Mamagun kau ru Jirusalim, ugar kano ra ralan-ralan giu' ra bandar min! Ilai' giu' ra liliut min! Ilai' galama'! Uyumo' giu' ra pasar-pasar! Mokoondo' kau kia nakatuum ra sangulun ondo' mabanis guang am ondo' mirot maa' raginio gumagaya' ri Aki Kapuuno'? Amon ru mokoondo', mangampun Tuhan ra Jirusalim.

YEHEZKIEL 18:8

Kalo makitaak io ra bunga' paat mampaira' ra ruit. Kalo masaga' io mambaal ra malaat am mamatas io ra matimpok ralalom ru moonong pansangaran.

YEHEZKIEL 22:12

Mokoondo' ulun ondo' masauk ra ulun mamatoi ra bayarin. Mokoondo' ulun makatimung ra bunga' ru ruit intor ra gino ngai' ru ulun ru Israil. Masauk ilo ra langkaya' ra mamparuung ra ulun. Nakalilian ilo noyo Raki'.” Tuhan Raja' nakaindagu noyo.

JAKARIA 7:9

“Paat ra galing i, nangani' Aku ra susuban ti ra ulun Kuno, ‘Akau musiti' mambaal ra matimpok, moonsoi guang am makaasi' ra ulun ru akau po ngai'.

JAKARIA 8:16

Gitio noyo baal ondo' musiti' min baalon: Amon ru mindagu kau, raguo' noyo ondo' motopot ra akau po ngai'. Pamatas no ra matimpok, pamatasan ondo' magibit ra kaansayan, giu' ra intok pangakiman.

UNTABAN 1:4

Kitaako' noyo sangulun tingganai ru bansa' no intor ra moonong bansa' mangindangan rirun.”

UNTABAN 10:4

Kaa' amon ru rondo' ayuk bujung samputin, tingganai ru bansa' ayuk ondo' tumimung ra liput muno.

LUKAS 18:2

Indagu Io, “Giu' ra rondo' bandar mokoondo' sangulun akim. Kalo malaa' io ri Aki Kapuuno' am kalo mangurumat ra ulun bokon.

LUKAS 18:4

Nabuoi noyo akim no marara' mangindangan riso, kaa' pupus nali nakapangkara' boo guang nali, ‘Kabalu' pana kalo malaa' aku ri Aki Kapuuno' am kalo mangurumat ra ulun bokon,

RINALATAN 20:33

Kalo poyo igondo' aku pakitaak ra ruit kapoam bayang ru sasangulun.

RINALATAN 6:3

Ginio ra aruo' min tulu' ngaulun ondo' mangatanda', kinuasa' ru Ambiluo ri Aki Kapuuno' am mapintar, ginio ra makapalit ilo boo ramon mambaal ra kandoi ti.

SAGULION 22:18

Tingganai-tingganai ru bandar pana musiti' mampiau ra ungkuyon no am mapalamba' riso.

1 TIMOTIUS 3:3

Am poyo kalo gagaukon, kalo makimansangor kaa' sotopot no lumomoi ayuk am makimobonsoi am kalo maringkumaa' ra kalangkayaan.

JOSUA 22:14

Mopor ngaulun tingganai minongoi nabaya' ri Pinigas, sangulun intor ra moonong bansa' giu' ra tampilon kalasaan ru Sungoi Jordan; moonong ulun no iono tingganai ru sasambaloi ralalom ru bansa' ru sigagama'.

1 SAMUIL 8:12

Mokoondo' ondo' pasaukon ra tingganai ru pulalai ra saribu ngaulun saujor, am mokoondo' poyo tingganai ru pulalai ra limo ngoopor ngaulun saujor. Jajalin ru raja' no anak ungkuyon mino maparagus ra umo nano, mangkumos ra ampos ru tinanom nano, am mambaal ra kinandoi am niayuk kuliamos ra tayar ru kurita' kuda ru raja'.

1 SAMUIL 8:3

Kaa' kalo namaya' ilo ra ama' nilono. Naguyum ilo ayuk ra kalabaan galama'; nangapu ilo ra rasua am nangakim ra mamagun ra kalo matanda'.