KAINGKUALAN 18:20 - Tanou Moonsoi Timugon

²⁰ Musiti' mu ilaan ilo ra susuban am ukum ri Aki Kapuuno', am niayuk mambala' ati kulaan ilo maayag am atan matanda' baalon.

KAINGKUALAN 18:20 ပူးပေါင်းရင်းမြစ်များ

MAZMUR 143:8

Pogonong susuab ti pakaraa' aku ra togom Muno, sabap ra malansan aku Rirun. Makiasi' aku Rirun; tului' aku ra ralan ondo' musiti' kuno bayaan.

MAZMUR 32:8

Tuhan minindagu, “Tuluin Tokou ra ralan ondo' musiti' kiralanon muno. Ilaan am pinsanin Tokou.

KAINGKUALAN 18:16

Amon ru mansangor ruo ngaulun, matong ilo raki' am patasin ku osoi intor risilo ondo' motopot. Mapasaboi aku niayuk ra susuban am ukum ri Aki Kapuuno' risilo.”

JISAYA 30:21

Amon lumisang kau ra pamiris kapoam kait, morongog min bolos Nano giu' ra talikuron mino mindagu, “Gitio noyo ralan ti, baya' kano ra ralan ragitio!”

JIRIMIA 42:3

Pakiasi' no gama' ru Tuhan, i Aki Kapuuno' takau manulu' ra ralan ondo' musiti' mai bayaan am atan ondo' musiti' mai baalon.”

JIRIMIA 6:16

Indagu Tuhan ra ulun Nano, “Bigor kano giu' ra lilisangon ru ralan am ilai' noyo toojo! Kuati' noyo ralan-ralan ra galing i, am ati kia ra ralan ondo' moonsoi kaga'. Mopongo raginio baya' no ra ralan raginio, okou pana maayag am moonsoi.” Kaa' konilo, “Kalo, marara' akai maya' ra ralan no!”

YEHEZKIEL 3:17

“Okou ulun mapandai matoi, lantikon Tokou masauk ra magagalung ra bansa' ru Israil. Musiti' kou mampasaboi ra pampakaraan ondo' pataakon Kutu rirun ra tayar nilo.

MIKA 4:2

am konilo, “Ibok no magaloi takau ra bulur ru Tuhan, mongoi ra Baloi ru Tuhan, i Aki Kapuuno' ru Israil. Mangila' Io ra kasagaan Nano ondo' musiti' baalon takau; maya' takau ra ralan ondo' pinili' Nano, sabap ra pangilaan ru Tuhan i minatong intor ra Jirusalim; intor ra Sion minindagu Io ra ngaangai' ulun Nano.”

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”

MARKUS 13:34

Sauk nano koson ra sangulun mugar ra maalur, ondo' mangiruan ra baloi nano am paalungin no ra ulipon-ulipon nano. Sigagama' inanian no ra kondoyon, am nambilin io ra ulun magagalung ra kulobon ra ilalain toojo.

SAGULION 1:18

Paat raginio niayuk tuluin takamin ra ngaangai' baal ra bokon ondo' musiti' baalon min.”

SAGULION 4:1

Indagu boo i Musa ra ulun raginio, “Gagayaa' noyo ngaangai' ukum ondo' inila' kuno ramuyun, maa' raginio maayag kau am makaayan ra tana' ondo' taakin ru Tuhan i Aki Kapuuno' ru kinamatuaan min ramuyun.

SAGULION 4:5

“Nangila' aku noyo ramuyun ra ngaangai' ukum no, koson ra nanusuban ru Tuhan i Aki Kapuuno' kuno. Gagayaa' noyo ngaangai' ukum raginio giu' ra tana' ondo' gaawon am ayanin min.

SAGULION 5:1

Nanimung i Musa ra ngaangai' ulun ru Israil am indagu risilo, “Akau ulun ru Israil, rongogo' noyo ngaangai' ukum ondo' taakin kutu ramuyun ra orou raiti'. Igila' noyo ra ngaangai' ukum ti am gagayaa' noyo ngaangai' no ra totopot.

SAGULION 5:27

Okou Musa, ugar noyo am rongogo' noyo ngaangai' ondo' rinagu ru Tuhan i Aki Kapuuno' takau. Kopongo raginio saguli' noyo am balai' akai ra atan ondo' rinagu Nano rirun. Mangkirongog am gagayaan mai.’

SAGULION 7:11

Ginio ra, gagayaa' noyo atan ondo' nangilaan ramuyun; gagayaa' noyo ngaangai' ukum ondo' taakin kuno ramuyun ra orou raiti'.”

1 TISALONIKA 4:1

Pabukat ku ngai', pupus no, nangani' akai no ramuyun ra tiluan moonsoi ra ati koson ru kaayagan ondo' mapabansuk ra guang ri Aki Kapuuno' am ginagaya' min noyo ginio. Kaa' raino, ralalom inggalan ri Tuhan Jisus, kitaakon am kimaitin takamin mirot poyo toojo mapabansuk ra guang ri Aki Kapuuno'.

1 SAMUIL 12:23

Ra aku ti, makatula aku ra Tuhan amon ru kalo makiasi' aku ra tayar mino; gama' ru painggaluron ru Tuhan tula no intor raki'. Kaa' marayus aku mangila' ramuyun ra baal ondo' mongoonsoi am ondo' mongotopot.