KAINGKUALAN 18:19 - Tanou Moonsoi Timugon

¹⁹ Raino iningo' bilin kutu, am i Aki Kapuuno' soroi sumimpung rirun. Motopot ra suali kou ru ulun ragitilo ra saang ri Aki Kapuuno' am mambala' ra pansangaran nilo Riso.

KAINGKUALAN 18:19 ပူးပေါင်းရင်းမြစ်များ

KASAUKAN 39:2

Nagalung Tuhan ri Jusup saboi iawo io ra ngaangai' kondoyon nano. Minayan i Jusup ra tuan nano, ulun ru Misir no.

2 SAMUIL 14:17

Mangintopot aku ra bantu' muno jamin ru pamayagan kuno sabap ra okou koson ra malaikat ri Aki Kapuuno', ondo' makapandai ra atan ondo' moonsoi am atan ondo' malaat. Gama' ru Tuhan, i Aki Kapuuno' muno mabaya' rirun!”.

KAINGKUALAN 18:15

Taam i Musa, “Musiti' ku baalon kandoi ti sabap ra ulun matong raki' koson makapandai ra kasagaan ri Aki Kapuuno'.

KAINGKUALAN 18:20

Musiti' mu ilaan ilo ra susuban am ukum ri Aki Kapuuno', am niayuk mambala' ati kulaan ilo maayag am atan matanda' baalon.

KAINGKUALAN 18:24

Sinugut ri Musa bilin ri Jitro.

KAINGKUALAN 20:19

Konilo ri Musa, “Amon ru mindagu kou ramon, iningon mai. Kaa' amon ru mindagu i Aki Kapuuno' ramon, matoi akai.”

KAINGKUALAN 3:12

Indagu i Aki Kapuuno', “Mabaya' Aku rirun. Paat ra maibit mu noyo ulun ru Israil mingkual intor ra Misir, sumambayang kau samba Raki' ra gunung ti. Ginio noyo inono' ra Aku nanusub rirun.”

KAINGKUALAN 4:12

Raino, ongoi noyo. Indanganon Tokou mindagu am mambala' rirun ra atan musiti' raguon muno.”

KAINGKUALAN 4:16

Mindagu io ra ulun raginilo ra tayar ru bala muno. Masauk io ra mindadagu muno, am masauk kou koson ri Aki Kapuuno' ondo' mambala' atan ondo' musiti' raguon nano.

AMSAL 9:9

Amon ru mambilin kau ra ulun mapintar, ulun no rumuang pintar nano. Atan ayuk pana pangilaan min ra ulun ondo' gumagaya' ri Aki Kapuuno' katutunan nano rumuang.

UNTABAN 27:5

Pinasaboi ri Musa baal nilono ra Tuhan,

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”

SAGULION 20:1

“Paat ra akau mingkual koson mangayou ra pantula' min, pai' kalaa' paat akau makakito ra kurita' kuda, kuda am saujor ru pantula' ondo' masuang poyo intor ramuyun. Namayag noyo ramuyun Tuhan i Aki Kapuuno' min intor ra Misir mabaya' ramuyun.

SAGULION 5:5

Paat ragili nasauk aku ra mampasuku' min am Tuhan koson mampasaboi ra ragu Nano ramuyun, sabap malaa' kau ra apui no am kalo masaga' magaloi ra gunung. Indagu Tuhan,

JOSUA 1:9

Karaa' noyo susuban Kuno rirun maa' raginio mangintopot am baani kou! Pai' kalaa' kapoam mapalo guang, sabap Aku Tuhan i Aki Kapuuno' muno, mabaya' rirun ra ati ayuk angayan muno.”