KAINGKUALAN 17:2 - Tanou Moonsoi Timugon

² Mambubutok ilo ri Musa am indagu, “Anii' akai no ra timug inumon.” Taam i Musa, “Kua pambubutok kau? Kua pangkinam kau ra Tuhan?”

KAINGKUALAN 17:2 ပူးပေါင်းရင်းမြစ်များ

MAZMUR 106:13

Kaa' mataki' ilo makalilian ra binaal ru Tuhan, atan ayuk baalon nilo kolondo' pinson intor Riso.

MAZMUR 106:14

Giu' ra tana' kaagisan masingkual patilaai ru guang nilono, am mangkinam ilo ri Aki Kapuuno';

MAZMUR 78:18

Singonon nilo mangkinam ri Aki Kapuuno', kitaakon nilo akanon ra kasagaan nilo.

MAZMUR 78:41

Masalok ilo mangkinam ri Aki Kapuuno', am mapakaruol ra guang ru Io Ondo' Matulai Kaga', i Aki Kapuuno' ru ulun ru Israil.

MAZMUR 78:56

Kaa' ulun Nano lumaat am nangkinam ri Aki Kapuuno' Ondo' Maayo Kaga' Kuasa', kalo ginagaya' nilo panusuban Nano.

MAZMUR 95:8

“Pai' kau kokotog guang koson ra kinamatuaan min giu' ra Miriba, bulintok ra lakat ilo ayuk poyo ra tana' kaagisan giu' ra Masa.

MAZMUR 95:9

Giu' i nangkinam ilo Raki', kabalu' pana nakakito ilo noyo ra binaal Kuno.

KAINGKUALAN 15:24

Pasabutok mamagun ri Musa am pangkuot, “Atan boo inumon mai?”

KAINGKUALAN 16:8

Kon boo ri Musa, “Mangani' Tuhan ramuyun ra kual koson akanon tampilon ra mai' ti, am kula' suang ruti' kasagaan mino tampilon ra susuab ti, sabap ra naining No noyo mapara' boo masalok kau mambutok Riso. Sotopot no, butok mino sala' ka ra akai, kaa' ra Tuhan.”

KAINGKUALAN 17:7

Intok no ininggalanan ra Masa am Miriba sabap ra mambubutok ulun ru Israil am mangkinam ra Tuhan paat ra ilo mangkuot, “Maya' kia Tuhan no ritakau kapoam kalo?”

KAINGKUALAN 5:21

Konilo ri Musa am i Arun, “Nakakito Tuhan ra atan binaal min. Mangukum Io ramuyun! Akau noyo nangkinibit ra raja' am ulun nano masisang ramon. Nangani' kau risilo ra sasaban koson mamatoi ramon.”

JISAYA 7:12

Taam Raja' Agas, “Kalo makitaak aku ra tatandu'. Kalo masaga' aku mangkinam ra Tuhan.”

MALIAKI 3:15

Itakau galama' makakito ra ulun malilimbau noyo ondo' maansukan. Ulun malaat kalo ayuk rumuang langkaya', kaa' niayuk mangkinam ilo ra guang tumaan ri Aki Kapuuno' ra mambaal ra malaat, am masalok ilo makalabus intor ra ukuman.’ ”

UNTABAN 14:2

Nambutok ilo ri Musa am i Arun am indagu, “Moonsoi poyo minatoi akai giu' ra Misir kapoam giti ra tana' kaagisan ti!

UNTABAN 14:22

ra kolondo' sangulun pana ra ulun ti mongoi ra tana' raginio. Nakakito ilo noyo ra sinda ru katulayan Kuno am kaimuagan ondo' binaal Kuli giu' ra Misir am giu' ra tana' kaagisan, kaa' mararayus ilo mangkinam Raki', am marara' gumagaya' Raki'.

UNTABAN 21:5

am nambubutok ri Aki Kapuuno' am ri Musa. Konilo, “Kua kia ibito' mu akai miningkual intor ra Misir koson matoi ra tana' kaagisan ti? Giti kolondo' akanon kapoam timug. Najala' akai ra akanon ondo' mapalo ti!”

MATIUS 4:7

Taam i Jisus, “Kaa' mokoondo' poyo tinulisan ra Buuk Kitab, ‘Pai' pangkinam ra Tuhan, i Aki Kapuuno' muno!’ ”

LUKAS 15:12

Indagu boo pupusan i ra ama' nali, ‘Ama', pataaki' raki' raino tayar ku ra rapu' no.’ Tayaro' boo ru ama' i rapu' nali ra magaka' no.

LUKAS 4:12

Taam i Jisus, “Tinulisan noyo ralalom Buuk Kitab, ‘Pai' pangkinam ra Tuhan, i Aki Kapuuno' muno.’ ”

RINALATAN 15:10

Ginio ra, kua guat pangkinam kau ri Aki Kapuuno' koson mantipagon ra ulun Kristian ti ondo' kalo noyo nasugut ru kinamatuaan takali am mulu' poyo itakau galama'?

RINALATAN 5:9

Indagu i Pitrus riso, “Kua pampakat kau mansawo nangkinam ra Ambiluo ru Tuhan? Ilai'! Ulun ondo' nompolobong ra ralaki muli nakasaguli' noyo. Okou po paingkualon nilo.”

1 KORINTUS 10:9

Pai' takau kinami' Tuhan koson ra binaal ru santayaran nilai ragili, saboi minatoi ilo tininduk ru kukuo.

SAGULION 6:16

“Pai' pangkinam ra Tuhan i Aki Kapuuno' min koson ondo' binaal min giu' ra Masa.

SAGULION 9:22

Paat ra akau giu' ra Tabira, Masa, am Kibrot-Taawa, nangkinibit kau niayuk ra Tuhan i Aki Kapuuno' siminangit.

IBRANI 3:9

Giu' i nangkinam ilo Raki', kon ri Aki Kapuuno', kabalu' pana nakaliman ilo atan ondo' binaal Kuli buoi apat ngoopor ngambilor.

1 SAMUIL 8:6

Kalo naansayan i Samuil ra kitaakon nilono, am nakiasi' io ra Tuhan.