KAINGKUALAN 17:15 - Tanou Moonsoi Timugon

¹⁵ Nambaal i Musa rondo' altar am inggalani' no ra “Tuhan Bandira' Kuno.”

KAINGKUALAN 17:15 ပူးပေါင်းရင်းမြစ်များ

KASAUKAN 12:7

Minintalang Tuhan ri Abram am indagu Io riso, “Gitio noyo pagun ondo' pataakon Ku ra papag muno.” Intok raginio, nambaal boo i Abram ra altar ru Tuhan ondo' minintalang noyo riso.

KASAUKAN 12:8

Io pana namparayus poyo ra pangkiralanan mongoi ra tampilon rabugus ra kabuluran tampilon sirangon ru bandar Bitil. Pangkim io boo ra lolot ru Bitil am bandar Ai. Bitil tampilon kalasaan am Ai tampilon sirangon. Giu' no niayuk nambaal i Abram ra altar am samba ra Tuhan.

KASAUKAN 22:14

Inggalani' ri Abragam intok raginio ra “Tuhan momongo ra atan ondo' koogot”. Saboi boo raino ulun mindagu ra “Giu' ra tampak ru gunung Nano, Tuhan momongo ra atan ondo' koogot.”

KASAUKAN 33:20

Giu' no, pambaal io ra rondo' altar am inggalani' no “i Aki Kapuuno' ru Israil noyo i Aki Kapuuno'”.

MAZMUR 60:4

Ginonggon Mu tana' ti suku' nalapak; punaa' noyo nangapilang no sabap ra tana' ti mauyog.

KAINGKUALAN 24:4

Kopongo raginio tulisi' ri Musa ngaangai' susuban ru Tuhan. Riminondom ra suabon no, nambaal i Musa ra rondo' altar ra lonson toojo ru gunung no, am patirongo' mopor am ruo batu; moonong batu manguakil ra rondo' ra bansa' ru Israil.

KAINGKUALAN 27:1

“Baalo' noyo rondo' altar intor ra tataun akasia. Altar no musiti' apat persegi, gawar no 2.2 ngamito, pila' no 2.2 ngamito am sawat no 1.3 ngamito.

KAINGKUALAN 32:5

Pambaal boo i Arun rondo' altar ra saang ru sapi' mas no am pampatanou, “Susuab no rumamai takau koson mangurumat ra Tuhan.”

TINGGANAI RU BANSA' 6:24

Nambaal i Gidion rondo' altar tayar ru Tuhan ra giu' no am inggalani' no ra “Tuhan Puun ru Kaansayan”. Saboi raino altar no lakat poyo soroi giu' ra Opra, bandar longgom ru bansa' ru Abiijir.