KAINGKUALAN 16:32 - Tanou Moonsoi Timugon

³² Kon ri Musa, “Nanusub Tuhan ritakau mambuli kasanganu ra manna tayar ru papag takau, maa' raginio makakito ilo ra akanon ondo' tinaakan ru Tuhan ritakau giu' ra tana' kaagisan, paat ra Io nagibit ritakau mingkual intor ra Misir.”

KAINGKUALAN 16:32 ပူးပေါင်းရင်းမြစ်များ

MAZMUR 105:5

Akau papag ri Abragam, ulipon Nano, am papag ri Jakub, ulun pinili' Nano, karaa' noyo kaimuagan binaal ri Aki Kapuuno', pai' liliani' ragu kapatasan ra pinataak Nano.

KAINGKUALAN 16:16

Nanusub Tuhan maa' raginio moonong ulun manimung ra akanon no ra kula' suang ru kaukapan, iono suang ruo ngalito tayar ru moonong sambaloi.”

KAINGKUALAN 16:31

Ininggalanan ru ulun ru Israil akanon no ra manna. Babaal no koson ra unor mongoborok batik mapulak am liman no koson ra biskut ondo' binaal ra ruu' maningot.

KAINGKUALAN 16:33

Indagu i Musa ri Arun, “Alapo' rondo' rarapu' am suangi' ra ruo ngalito manna, am pabantaa' rarapu' no ra saang ru Tuhan, koson buliin tayar ru papag takau.”

JIRIMIA 7:23

Nanusub Aku ayuk risilo koson gumagaya' Raki' maa' raginio Aku masauk ri Aki Kapuuno' nilo, am ilo masauk ra ulun Kuno. Nanusub Aku risilo maayag sumugut ra susuban Kuno maa' raginio maansukan ilo.

GOSIA 11:4

Pinainggaar Ku ilo ra togom maayo. Ibain Ku am mangalok risilo, Kumuung Aku am mampaakan risilo.

LUKAS 22:19

Kopongo ragili alapo' No boo ruti', paringkuanang Io ri Aki Kapuuno', pipilango' am tatayaro' No risilo, liliwa' minindagu, “Gitio noyo inan Kutu, ondo' pataakon ramuyun. Baalo' min gitio koson ra pangkaraan min Raki'.”

IBRANI 2:1

Sabap ra kuasa' ru Anak Nano maayo intor ra malaikat, mingkotog takau poyo toojo gumuut ra pangilaan ondo' norongog takau noyo, maa' raginio kalo mangiruan takau ra katapatan.

IBRANI 9:4

Giu' no mokoondo' panalaban ra kaminyan ondo' binaal intor ra mas, am poyo Kaban Nabantuan ondo' inangkupan ra mas. Ralalom no mokoondo' rarapu' mas boborok makasuang ra akanon inggalanin ra manna, am poyo jujuga' ri Arun ondo' nanalantar ragili am ruo ngampila' batu ondo' tinulisan ra mopor panusuban.