KAINGKUALAN 16:31 - Tanou Moonsoi Timugon

³¹ Ininggalanan ru ulun ru Israil akanon no ra manna. Babaal no koson ra unor mongoborok batik mapulak am liman no koson ra biskut ondo' binaal ra ruu' maningot.

KAINGKUALAN 16:31 ပူးပေါင်းရင်းမြစ်များ

KAINGKUALAN 16:14

Mairu' bolobou no, rondo' ondo' malilis koson ra sisi' am malumot koson ra bolobou ondo' kiminotog soroi ralimbou ru tana' kaagisan.

KAINGKUALAN 16:15

Pakakito ulun ru Israil raginio, kalo makapandai ilo atan ginio. Pasakuot ilo ra rondo' am bokon, “Atan kia ginio?” Indagu i Musa risilo, “Gitio noyo akanon pinataak ru Tuhan ramuyun ra akanon.

KAINGKUALAN 16:30

Ginio ra kalo mangandoi ilo ra orou ra katulu'.

KAINGKUALAN 16:32

Kon ri Musa, “Nanusub Tuhan ritakau mambuli kasanganu ra manna tayar ru papag takau, maa' raginio makakito ilo ra akanon ondo' tinaakan ru Tuhan ritakau giu' ra tana' kaagisan, paat ra Io nagibit ritakau mingkual intor ra Misir.”

RIMBAI PANGAMPARAN 2:3

Koson ra puun ru ipol ondo' nakapangkilolot timinuu' giu' ra kataunan, koon raginio noyo kalumpusan kuno ra gino ngai' ungkuyon. Masaga' aku sumindung ra saau nano, kawa' nano maamis ra akanon.

SAGULION 8:16

Giu' ra tana' kaagisan nanaak Io ramuyun ra manna, rondo' salinut ru akanon ondo' kalo igondo' akano' ru kinamatuaan min. Naparatong Io ra kapaganan koson mangkinam ramuyun, maa' raginio paat ra pupus no mobonsoi Io ramuyun.

SAGULION 8:3

Nopoloso Io ramuyun maitilan am nanaak ramuyun ra manna, iono rondo' salinut ru akanon ondo' kalo igondo' kau pangakan kapoam kinamatuaan mini. Nambaal Io raginio koson nangila' ramuyun ra ulun kalo maayag ra ruti' ayuk, kaa' ra moonong ragu ru Tuhan.