KAINGKUALAN 16:28 - Tanou Moonsoi Timugon

²⁸ Indagu boo Tuhan ri Musa, “Kula' poyo buoi min kalo gumagaya' ra susuban Kuno?

KAINGKUALAN 16:28 ပူးပေါင်းရင်းမြစ်များ

MAZMUR 78:10

Kalo sinugut nilo nabantuan nilo ri Aki Kapuuno'; marara' ilo gumagaya' ra ukum Nano.

MAZMUR 106:13

Kaa' mataki' ilo makalilian ra binaal ru Tuhan, atan ayuk baalon nilo kolondo' pinson intor Riso.

YEHEZKIEL 20:13

Kaa' giu' ra tana' kaagisan no pana minanggal ilo Raki'. Minanggal ilo ra ukum Kuno am nangimpai ra susuban Kuno, ondo' mangani' ra kaayagan ra osoi ayuk gumagaya' raginio. Totopot nilo jinamol orou Sabat. Nakatampos Aku no koson mompoloso risilo makaliman ra ngaangai' kinoporos ru sangit Kuno giu' ra tana' kaagisan no am masaga' Aku mamuso risilo.

2 RAJA'-RAJA' 17:14

Kaa' marara' ilo gumagaya'; mokotog ulu nilo koson ra kinamatuaan nilai ondo' kalo mangintopot ra Tuhan, i Aki Kapuuno' nilo.

UNTABAN 14:11

Indagu Tuhan ri Musa, “Kula' poyo buoi ru ulun ti manggal Raki'? Saboi sanggilan ilo kalo masaga' mangintopot Raki', kabalu' pana nambaal Aku noyo masuang kaga' kaimuagan risilo?

MARKUS 9:19

Indagu boo i Jisus risilo, “Topot-topot noyo akau ti kolondo' pangintapatan! Nabuoi Aku noyo minayan ramuyun am kalo poyo mangintopot kau. Ati kulaan Aku tumaan ramuyun? Ibito' lalaing no ragiti!”

YEHEZKIEL 20:16

Binaal Ku ginio sabap nangimpai ilo ra susuban Kuno, minanggal ra ukum Kuno am nampajamol ra orou Sabat. Masaga' ilo poyo sumamba ra sinungkalalaing nilo.

YEHEZKIEL 5:6

Kaa' Jirusalim giminuor ra susuban Kuno, am nasingkual ra malaat poyo intor ra bansa'-bansa' ra bokon, mulu' poyo kalo gumagaya' intor ra pagun-pagun ra libung nano. Minanggal Jirusalim ra susuban Kuno am kalo gumagaya' ra ukum Kuno.

JIRIMIA 4:14

Okou Jirusalim, kapasawo' guang muno intor ra ngaangai' kalaatan maa' raginio bayagon kou. Saboi sanggilan kou mangkara' ra malaat?

JISAYA 7:13

Taam boo i Jisaya, “Rongogo' min toojo, akau papag ru Raja' Daut. Kalo kia poyo sama' okou mangkinam ra orot ru ulun? Musiti' kia okou mangkinam ra orot ri Aki Kapuuno' kuno niayuk?

JISAYA 7:9

Israil kalo maikang poyo intor ra Samaria, pusor bandar nano, am Samaria pana kalo maikang poyo intor ra Raja' Pika. Amon ru kalo totopot kau mangintopot Raki', maaru' akau no maratu'.”

MAZMUR 78:22

sabap ra kalo mangintopot ilo Riso, am kalo niayuk mangintopot ra Io makapamayag risilo.

UNTABAN 20:12

Kaa' nansawai Tuhan ri Musa am i Arun, am indagu, “Sabap ra kalo kula' kau mangintopot Raki' koson mapakito ra kuasa' Kuno ondo' matulai giu' ra saang ru ulun ru Israil, kalo matingganai min ulun no mongoi ra tana' ondo' binantu' Kuno risilo.”

KAINGKUALAN 10:3

Ginio ra ongoi boo tuum i Musa am i Arun ra raja' am indagu riso, “Tuhan i Aki Kapuuno' ru ulun ru Ibrani mindagu, ‘Kula' poyo buoi mu kalo masaga' kumuku' Raki'? Paugaro' noyo ulun Kuno maa' raginio makasambayang ilo Raki'.

KAINGKUALAN 16:27

Paat ra orou katulu' ingkual kukula' ngaulun ra ulun no koson manimung ra akanon, kaa' kalo nokoowot ra atan-atan.

KAINGKUALAN 16:29

Karaa' noyo ra Aku, Tuhan nangani' ramuyun ra orou tangusan. Ginio sabap ra paat ra orou ra koonom mangani' Aku ramuyun ra akanon ondo' sama' koson karuaan. Paat ra orou ra katulu' musiti' moonong ulun mayan ra intok ru sigagama', am kalo iruanin baloi nano.”

2 RAJA'-RAJA' 17:15

Marara' ilo gumagaya' ra susuban Nano. Kalo linio nilo nabantuan ondo' binaal ru Tuhan am kinamatuaan nilai. Kalo rinongog nilo ondo' pinakara'-pinakara' ru Tuhan. Sinamba nilo sinungkalalaing ondo' kolondo' onong, saboi ilo galama' nasauk ra kolondo' onong. Minaya' ilo ra kaindalaman ru bansa'-bansa' giu' ra liliut nilo, kabalu' pana nanginggalar noyo Tuhan ra baal raginio.