9 Kon ru pantula', ‘Mangilou aku am mamparakop risilo; tatayaron ku kalangkayaan nilono, am timpokon ku alapon kuno; pajuloyon ku ilang kuno am mangalap ra ngaangai' longgom nilo.’
Nangator i Ijibil ra tanou ri Ilia, kono, “Polosoon noyo dewa-dewa mamatoi raki', amon ru susuab no paat ra raino ti pamakuan kuno rirun kalo nogondo' koson ra pinamakuan mu ra nabi-nabi no.”
Kabalai' raja' ru Misir ra nagigiru' ulun ru Israil, nababaya' raja' no ra pagawai nano nangulau ra pangkaraan, am indagu, “Atan binaal takau? Nopoloso takau ra ulun ru Israil nagigiru' saboi natatakan takau ra inulipon.”
Ginio ra aniin Ku io ra intok ondo' matulai, intok no giu' ra gino ngai' ru ulun antung am ulun makapangkat. Nampataak io ra painawo nano, am kinara' io koson ra ulun malaat. Nansaan io ra tula ru ulun masuang, am makiasi' maa' raginio tula nilo ampunon.
Anak panah Muno nansabut ra panglima saujor nano, paat ra saujor nano matong koson ra bagiu' koson mangkinibit ramon magiru' ra mantutuliar. Maansayan ilo koson ra ulun ondo' simininok mangimbolo' ra ulun musikin.
Kopongo raginio pangkuot i Daut ra Tuhan, “Musiti' aku kia mangilou ra ulun-ulun mantakou no? Makarakop aku kia risilo?” Taam Tuhan, “Ilowo' noyo ilo. Masunu' mu ilo am mamayag ra ulun-ulun rinakop.”