KAINGKUALAN 15:26 - Tanou Moonsoi Timugon

²⁶ Indagu Io, “Amon ru totopot kau gumagaya' Raki', Tuhan i Aki Kapuuno' mino, am mambaal ra ngaangai' atan ondo' motopot ra pagilayan Kuno, am niayuk sumugut ra ngaangai' susuban Kuno, kalo mangukum Aku ramuyun ra maruol ondo' pinatiu' Kuno ra ulun ru Misir. Aku noyo Tuhan ondo' mamabas ramuyun.”

KAINGKUALAN 15:26 ပူးပေါင်းရင်းမြစ်များ

1 RAJA'-RAJA' 11:33

Baalon Ku baal raginio sabap ri Salomo nangimpai Raki' am siminamba ra dewa-dewa: Asyitorit, dewi ru ulun ru Sidon; Kamos, dewa ru ulun ru Moab; am Molok, dewa ru ulun ru Amon. Kalo gumagaya' i Salomo Raki'. Kalo nogondo' io koson ra ama' nali i Daut ondo' gumagaya' Raki' am nanugut ra susuban Kuno.

1 RAJA'-RAJA' 11:38

Amon ru gumagaya' kou Raki' ra sotopot-topot no, maayag sumugut ra ukum Kuno, manugut ra susuban Kuno, am niayuk mapabansuk ra guang Kuno, koson ra ulipon Kuno i Daut ragili, magail Aku mabaya' Rirun. Mapasauk Aku rirun ra raja' ru Israil am manutun Aku maa' raginio papag muno maparayus ra pamarintaan muno koson ra binaal Kuno ri Daut.

2 RAJA'-RAJA' 2:21

Ongoi i Ilisa ra taur ru timug, am patiaso' usi' no ralalom ru timug, am indagu, “Koon raginio ragu ru Tuhan, ‘Kapasawon ku timug ti maa' raginio kalo boo mangkinibit ra patayan kapoam kairuan.’ ”

2 RAJA'-RAJA' 20:5

sumaguli' ra Raja' Gijkia, raja' ru ulun ru Tuhan. Napasaboi i Jisaya ra ragu ti riso, “Koon ragitio ragu ru Tuhan, i Aki Kapuuno' ru kinamatuaan ru raja' Daut, ‘Norongog Ku noyo pakiasian muno. Nakito Ku lomou muno. Namabas Aku no rirun am buoi talu ngoorou mongoi kou ra Baloi ru Tuhan.

2 RAJA'-RAJA' 22:2

Nambaal Raja' Josia ra atan ondo' mapabansuk ra guang ru Tuhan. Minaya' io ra binaal moonsoi ru kinamatuaan nali, Raja' Daut, ondo' giminagaya' toojo ra ngaangai' ukum ri Aki Kapuuno'.

AYUP 5:18

Kabalu' pana rualin kou ri Aki Kapuuno', babason No okou; kalindu' Nano ondo' mamilat, kalindu' Nano niayuk ondo' mamabas.

MAZMUR 103:3

Inampun No ngaangai' tula kuno, am namabas ra nansalinut maruol kuno;

MAZMUR 147:3

Namali' Io ra guang ru ulun ondo' nagagai guang, am tinapisan No pilat nilono.

MAZMUR 81:9

Akau ulun Kuno, rongogo' noyo papakaraan Kutu; okou Israil, moonsoi rumongog kau ra ragu Kutu!

KAINGKUALAN 12:29

Paat ra tanga' rondom raginio pinatoi ru Tuhan ngaangai' anak ungkuyon katuaan giu' ra Misir, inintaran ra anak ungkuyon ru raja' ondo' manungkus ra kurisi' pamarintaan polos ra anak ungkuyon katuaan ru ulun inaput ralalom pangaputan ragana' ru tana'. Ngaangai' anak ungkuyon katuaan ru bibiag pana pinatoi.

KAINGKUALAN 19:5

Raino amon gumagaya' kau Raki' am gumuut ra nabantuan Kuno, masauk kau ra ulun Kuno galama'. Titikop ru tana' ti Aku tatangan, kaa' masauk kau ra ulun pilion Kuno.

KAINGKUALAN 19:6

Masauk kau ra ulun ondo' patimpokon Raki' galama', am mangandoi kau ayuk Raki' koson ra imam.”

KAINGKUALAN 20:2

“Aku noyo Tuhan i Aki Kapuuno' min ondo' nagibit ramuyun miningkual intor ra Misir, intok min sinauk ra ulipon.

KAINGKUALAN 23:25

Amon ru sumamba kau Raki', Tuhan i Aki Kapuuno' min, mambarakat Aku ramuyun ra akanon am inumon, am mamuso ra ngaangai' maruol mino.

JISAYA 55:3

Rongogo' noyo akau bansa' Kuno, ratong kano Raki', aniin Takamin ra kaayagan moonsoi. Sabap ra togom am gagaya' ondo' binantu' Ku ri Daut, Timbakasanin Ku bantu' mantilayun Kuno ramuyun.

JISAYA 57:18

Nakito Ku noyo paliso nilono, kaa' mamali' Aku risilo. Kitangon Ku ilo am mangindangan risilo. Bansukon Ku guang ru ulun ondo' mangulir.

JIRIMIA 11:7

Paat ra Aku naningganai risilo miningkual intor ra Misir, totopot Aku mampakara' risilo maa' raginio gumagaya' Raki'. Saboi orou raiti' pana lakat Aku poyo mampakara' ra ulun Kuno intor ra baal raginio,

JIRIMIA 17:24

Gagaya' no ra ngaangai' susuban Kuno. Pai' pangkayang ra maagat mansail ra kulobon garabang ru bandar no paat ra orou Sabat. Iantako' orou Sabat koson ra orou ondo' patimpokon Raki', am pai' pangandoi paat ra orou raginio.

JIRIMIA 30:17

Kabalu' pana mindagu pantula' min, ‘Sion pinatiran noyo, am kolondo' mampalio riso,’ kaa' akau paligagon Ku saguli', am pilat min kapalion Ku.”

JIRIMIA 33:6

Kaa' tauli no punaan Ku baal ru bandar ti am mamabas ra mamagun nano. Manaak Aku ra malabaan ra kaansayan am kamiaan risilo.

JIRIMIA 7:23

Nanusub Aku ayuk risilo koson gumagaya' Raki' maa' raginio Aku masauk ri Aki Kapuuno' nilo, am ilo masauk ra ulun Kuno. Nanusub Aku risilo maayag sumugut ra susuban Kuno maa' raginio maansukan ilo.

JIRIMIA 8:22

Kolondo' kia tatapis giu' ra Giliad? Kolondo' kia duktur ra giu' no? Kua kia ra bansa' kutu kalo mapali'?

YEHEZKIEL 18:5

“Amon ru mokoondo' lair sangulun ondo' totopot moonsoi, matimpok am mabanis guang.

GOSIA 11:3

Sotopot no Aku noyo ondo' nangila' ri Israil mugar. Ganggalin Ku ulun Kuno ra togom; magalung Aku risilo kaa' marara' ilo mangiou raginio.

GOSIA 6:1

Indagu ulun ru Israil, “Ibok saguli' takano ra Tuhan. Namparuol Io ritakau, kaa' maaru' mamabas Io poyo ritakau. Namilat Io ritakau, kaa' maaru' bongkoson No pilat-pilat takau.

IMAMAT 26:13

Aku Tuhan i Aki Kapuuno' min, nagibit ramuyun miningkual intor ra Misir maa' raginio kalo boo masauk kau ra inulipon. Pinandak Ku noyo kuasa' ondo' nangulipon ramuyun, am napasauk ramuyun ra ulun labus.”

IMAMAT 26:3

“Amon ru maayag kau sumugut ra ukum Kuno am gumagaya' ra susuban Kuno,

UNTABAN 12:13

Pampiau i Musa ra Tuhan, “Iou Aki Kapuuno', babaso' io noyo!”

SAGULION 12:25

Amon gumagaya' kau ra ukum raginio, maansayan Tuhan ramuyun, am akau am niayuk papag min makakaansayan.

SAGULION 12:28

Ngaangai' baal ondo' nanusuban ku noyo ramuyun musiti' gagayaan ra matanda'. Ginio ra akau am papag min makakaansayan ra sabuoi-buoi no, sabap ra mambaal kau ra atan ondo' motopot am mapabansuk ra Tuhan i Aki Kapuuno' min.”

SAGULION 13:18

Mambaal Io baal raginio amon gumagaya' kau ra susuban Nano ondo' tinaakan ku noyo ramuyun ra orou raiti', am mambaal kau ra atan ondo' kasagaan Nano.”

SAGULION 28:27

Maparatong Tuhan ra talipos ra inan min koson ondo' binaal Nano ra ulun ru Misir ragili. Nalimpot kungkung min ra kagal am kogom ondo' maatol, kaa' kolondo' tatapis no.

SAGULION 28:58

“Amon ru kalo totopot kau gumagaya' ra ngaangai' susuban ri Aki Kapuuno' ondo' natulisan ralalom ru kitab ti, am kalo mangurumat ra Tuhan i Aki Kapuuno' min ondo' maayo am makaimuag no,

SAGULION 28:60

Io mampalumpa' ramuyun ra ngaangai' maruol ondo' makalalaa' ondo' kalaanin min giu' ra Misir ragili. Kalo mababas kau intor ra maruol raginio.

SAGULION 32:39

“ ‘Aku noyo rorondo' i Aki Kapuuno'; kolondo' bokon ondo' ayuk am Aku. Mamutus Aku ra painawo, am manaak Aku ra painawo, mamilat Aku ra ulun, am mamabas Aku ra ulun; kolondo' sangulun pana makagula' ra baalon Kuno.

SAGULION 5:1

Nanimung i Musa ra ngaangai' ulun ru Israil am indagu risilo, “Akau ulun ru Israil, rongogo' noyo ngaangai' ukum ondo' taakin kutu ramuyun ra orou raiti'. Igila' noyo ra ngaangai' ukum ti am gagayaa' noyo ngaangai' no ra totopot.

SAGULION 7:15

Mangampin Tuhan ramuyun intor ra ngaangai' maruol. Kalo mopoloso Io ramuyun marualan ra makalalaa' koson ondo' nailian min giu' ra Misir, kaa' mapalumpa' Io ra maruol raginio ra ngaangai' pantula' min.