KAINGKUALAN 15:2 - Tanou Moonsoi Timugon

² Tuhan manaung raki' ondo' maikang; Io noyo namayag raki'. Io i Aki Kapuuno' kuno, am mongompor aku Riso; Io i Aki Kapuuno' ondo' sambaan ri ama' i, am marimbai aku ra kinaayo Nano.

KAINGKUALAN 15:2 ပူးပေါင်းရင်းမြစ်များ

KASAUKAN 17:7

“Suguton Ku toojo bantu' Kuno rirun am papag muno, mansusugul am bantu' no mantilayun. Masauk Aku ri Aki Kapuuno' muno am i Aki Kapuuno' ru papag muno.

KASAUKAN 49:18

“Maginaa aku ra pamayagan Muno Tuhan.

2 SAMUIL 22:3

I Aki Kapuuno' kuno intok sindungan kuno, maayag aku mabaya' Riso. Manindung Io raki' koson ra perisai; manaung am magalung Io raki' maa' raginio maayag aku. Io mamamayag kuno; Io manindung raki' am mamayag raki' intor ra kalaatan.

2 SAMUIL 22:47

Naayag Tuhan! Omporo' noyo manaung kuno! Potonowo' noyo katulayan ri Aki Kapuuno' Mamamayag kuno!

2 SAMUIL 22:51

Nangani' i Aki Kapuuno' ra kamanangan maayo ra raja' pinili' Nano; masalok Io motogom ra ulun pinili' Nano, iono i Daut am papag nano, koson ra sabubuoi no.

2 SAMUIL 7:24

Sinauk Mu Israil ra ulun Muno ra sabuoi-buoi no. Okou, iou Tuhan, nasauk noyo ri Aki Kapuuno' nilo.

2 SAMUIL 7:5

“Ongoyo' balai' ulipon kuno i Daut, ragu Kutu, ‘Sala' ka okou ondo' mambaal Raki' ra baloi.

1 RAJA'-RAJA' 8:13

Raino nambaal aku Rirun ra rondo' baloi ondo' maindon, koson intok ayanan Muno ra mantilayun.”

1 RAJA'-RAJA' 8:27

“Kaa' iou Aki Kapuuno', totopot Kou kia masaga' mayan ra tana' ti? Kabalu' ra titikop ru limbowon pana kalo sama' malangka' Rirun, atan poyo ra Baloi ondo' binaal kutu!

1 TUNUNG RU BANSA' ISRAIL 16:14

Tuhan noyo i Aki Kapuuno' takau; susuban Nano koson ra titikop ru tana' ti.

MAZMUR 109:1

Ra tingganai ru santimungan maririmbai. Mazmur ri Daut. Iou i Aki Kapuuno' ondo' masalok kuno omporon, pai' pongkoror!

MAZMUR 118:14

Sinauk aku ru Tuhan ra mapanggol am maikang; binayag No aku.

MAZMUR 118:21

Mongompor aku Rirun, Tuhan, sabap ra mangkirongog Kou ra piau kuno, sabap ra inanian Mu aku ra kamanangan.

MAZMUR 118:28

Okou noyo i Aki Kapuuno' kuno, maringkuanang aku Rirun; omporon Tokou.

MAZMUR 132:5

saboi makapambaal aku ra baloi ru Tuhan, intok ayanan ru Ondo' Maikang Kaga', i Aki Kapuuno' ondo' sambaan ri Jakub.”

MAZMUR 140:7

Mindagu aku ra Tuhan, “Okou noyo i Aki Kapuuno' kuno.” Rongogo' noyo pampiawan kuno makiindangan, iou Tuhan!

MAZMUR 145:1

Rimbai pangamparan ri Daut. Anggakon Tokou, iou Aki Kapuuno' am Raja' kuno; am mongompor aku Rirun ra sabuoi-buoi no.

MAZMUR 18:46

Nairu' boo baani nilai; monontol ilo am miningkual intor ra batu silian.

MAZMUR 22:10

Okou noyo, iou Tuhan, ondo' napaingkual raki' intor tininai' ru ina' kuno, am bulintok ra aku lalagang ayuk poyo, Okou noyo magalung raki'.

MAZMUR 22:3

Orou ti mampiau aku Rirun, iou Aki Kapuuno', kaa' kalo tumaam Kou; bulintok molondom mampiau aku, kaa' lakat guang magalabo.

MAZMUR 27:1

Mazmur ri Daut. Tuhan noyo sinda am mamamayag raki'; kalo malaa' aku ra osoi-osoi ayuk pana. Tuhan manindung raki' intor ra nansalinut ondo' makalalaa'; kalo malaa' aku.

MAZMUR 28:8

Tuhan manindung ra ulun Nano; manungka' Io am mamayag ra raja' tinimpok Nano.

MAZMUR 30:1

Mazmur ri Daut. Rimbayon bulintok mokoondo' Baloi ru Tuhan patimpokon.

MAZMUR 34:3

Omporon ku Io sabap ra nansalinut binaal Nano; gama' ru ngaangai' ulun ondo' inimpayan mangkirongog am maansukan.

MAZMUR 48:14

imansaa' min timbok am urioo' kubu ru bandar no, maa' raginio maalap min katunung ra anak-anak bagu ra matong ti

MAZMUR 59:17

Kaa' marimbai aku pasal ra kinaikang Muno, moonong susuab ti marimbai aku ra bolos matangil pasal ra togom Muno. Okou noyo sisindungan kuno, sindungan paat ra aku makakapaganan.

MAZMUR 68:20

Omporo' i Aki Kapuuno', sabap ra Io noyo namayag ritakau; moonong orou Io mansaan ra kapaganan takau.

MAZMUR 99:5

Omporo' noyo Tuhan, i Aki Kapuuno' takau; igugulatur no samba ra saang ru panturungan Nano! Io no matulai!

MAZMUR 99:9

Omporo' noyo Tuhan, i Aki Kapuuno' takau am sambaan Io giu' ra tampak ru bulur Nano ondo' matulai! Tuhan, i Aki Kapuuno' takau ra matulai.

KAINGKUALAN 14:13

Taam i Musa, “Pai' kalaa'! Ikang kano! Ilai' atan ondo' baalon ru Tuhan koson mamayag ramuyun ra orou raiti'; kalo boo makito min ngaangai' ulun ru Misir no.

KAINGKUALAN 3:6

Aku ti i Aki Kapuuno' ondo' sambaan ru kinamatuaan muli, i Aki Kapuuno' ri Abragam, ri Isak am ri Jakub.” Ginio ra silii' ri Musa bulos nano sabap ra malaa' io magilong ri Aki Kapuuno'.

KAINGKUALAN 4:22

Indagu ra raja' no ra Aku Tuhan mindagu koson ragitio, ‘Israil noyo anak katuaan Kuno.

KAINGKUALAN 40:34

Kopongo raginio tuun boo gaun manili ra Kim ru Tuhan, am natikop Kim no ra sinda ratangan ru Tuhan.

KAINGKUALAN 6:7

Mapasauk Aku ramuyun ra ulun Kuno galama', am masauk Aku ri Aki Kapuuno' min. Makapandai kau ra Aku noyo Tuhan i Aki Kapuuno' min, paat ra Aku mapalabus ramuyun intor ra pangulipanan ra pagun ru Misir.

JISAYA 12:2

Aki Kapuuno' Mamamayag raki'; mangintopot aku Riso am kalo malaa' aku. Tuhan manaak ra kuasa' am kaikangan raki'; Io no Mamamayag raki'.

JISAYA 25:1

Tuhan, Okou noyo i Aki Kapuuno' kuno; mangurumat aku Rirun am mongompor ra inggalan Muno. Nambaal Kou ra kandoi-kandoi makaimuag kaga'; inatang Mu noyo intor poyo ra galing i; am pinaugar mu ralalom gogot ru guang.

JISAYA 45:17

Kaa' Israil bayagon ru Tuhan; pamayagan riso no mantilayun. Kalo tauyuon kau am asabin saboi ra sabuoi-buoi no.’ ”

JISAYA 49:6

Tuhan mindagu raki', “Kandoi ra maayo kaga' maginaa rirun, okou ulipon Kuno; okou sala' ka mapasaguli' ayuk ra suwo ru papag ri Jakub am mapatapuli' ra kinaayo ru bansa'-bansa' ru Israil, kaa' saukon Ku poyo okou ra sinda ru bansa'-bansa' maa' raginio titikop ru tana' ti bayagon.”

JISAYA 66:1

Mindagu Tuhan, “Limbowon no panturungan Kuno, am tana' papakirawan ra kalayam Kuno. Atan kia baloi ondo' maalap min kabaal Raki'? Atan kia intok ayanan moonsoi Raki'?

JIRIMIA 3:23

Banangan ayuk akai sumamba ra sinungkalalaing giu' ra tampak-tampak ru bulur! Pangindangan ra Israil matong ayuk intor ra Tuhan, i Aki Kapuuno' mai.

JIRIMIA 31:33

Gitio noyo nabantuan bagu ondo' baalon Kuno ra ulun ru Israil: Buliin Ku ukum Kuno ra ralalom ru guang nilo, am tulisin ginio ra guang nilo. Masauk Aku ri Aki Kapuuno' nilo, am masauk ilo ra ulun Kuno.

JIRIMIA 32:38

Masauk ilo ra ulun Kuno, am masauk Aku ri Aki Kapuuno' nilo.

ABAKUK 3:13

Miningkual Kou koson mamayag ra ulun Muno, koson mamayag ra raja' pinili' Muno. Namparatu' Kou ra tingganai ru ulun malaat, am namuso ra ngaangai' maamaya' nano.

JAKARIA 13:9

Sampitalu ayuk intor ra mamagun nano maayag. Kapasawon Ku ilo koson ra pirok tinuyu' toojo ru apui. Kinamin Ku ilo koson ra ulun mangkinam ra mas. Ilo pana makiasi' boo Raki', am iowon Ku pakiasian nilo. Balain Ku ilo ra ilo ulun Kuno, am ilo pana mangiou ra Aku Tuhan, i Aki Kapuuno' nilo.”

LUKAS 1:77

Koson mambala' ra ngaangai' ulun Nano ra bayagon ilo paat ra ampunon tula nilono.

LUKAS 2:30

Sabap ra nakito ku noyo Mamamayag intor Rirun,

JUANIS 4:22

Akau ulun ru Samaria sotopot no kalo makatutun osoi sambaan min; kaa' akai ulun ru Jaudi nakatutun osoi sambaan mai, sabap ra pamayagan matong intor ra bansa' ru Jaudi.

JUANIS 5:23

Ginio sinauk No koson ngaangai' ulun mangurumat ra Anak nogondo' ra ilo mangurumat ra Ama'. Osoi ayuk kalo mangurumat ra Anak, kalo niayuk mangurumat ra Ama' ondo' nanusub Riso.

RINALATAN 4:12

Ralalom inggalan ri Jisus ulun bayagon, sabap ra giti ra tana' ti kolondo' ulun ra bokon makaalap ra kuasa' intor ri Aki Kapuuno' koson mamayag ritakau.”

2 KORINTUS 5:19

Gitio noyo tanou posoboyon mai; ralalom ri Kristus i Aki Kapuuno' nopobonsoi ra ngaangai' ulun Riso am kalo boo karaan No tula nilai. Am tanou raginio pinakandayan Nano ramon.

IPISUS 2:22

Ralalom pasimpungan min ri Kristus, akau niayuk nababaya' ra ngaangai' ulun ra bokon pasaukon ra baloi ri Aki Kapuuno', ioginio randanan ru Ambiluo Nano.

SAGULION 10:21

Omporo' noyo Io sabap Io Aki Kapuuno' min, am ra mato galama', nakito min baal mangaayo am makaimuag ondo' binaal Nano ramuyun.

PILIPI 2:11

Am ngaangai' nilo pana mangiou ra i Jisus Kristus noyo Tuhan; Intor raginio katulayon boo i Aki Kapuuno', Ama' takau.

PILIPI 4:13

Am ngaangai' maalap ku kabaal ralalom ri Kristus ondo' mangani' raki' ra kaikangan.

KOLOSI 2:9

Sabap ra ngaangai' paliso ri Aki Kapuuno' rumondon ri Kristus, paat ra Io naayag ra tana' ti pana.

PINAINTALANG 15:3

Narimbai ilo ra rimbai ru nabi Musa, ulipon ri Aki Kapuuno' no, ondo' mongompor ra Anak Domba no, “Tuhan, i Aki Kapuuno' Maayo Kaga' Kuasa', mumpara' boo gayo am bonsoi ru binaal Muno! Raja' ru ngaangai' bansa', mumpara' boo banis am topot ru binaal Muno!

PINAINTALANG 19:1

Kopongo raginio, morongog ku koson ra bolos mapuor ru ulun masuang giu' ra suruga' minindagu ra, “Koompor noyo i Aki Kapuuno'. Io ayuk Mamamayag takau. Io ayuk matulai am Io no makakuasa'.

TINGGANAI RU BANSA' 5:21

Timug maaug ru Sungoi Kison nangabas ra pantula'. Marayus aku jumalai ra kaikangan!