KAINGKUALAN 15:14 - Tanou Moonsoi Timugon

¹⁴ Bansa'-bansa' ondo' mangining raginio monontol ra laa', ulun ru Palistin pinaliman ra monontol.

KAINGKUALAN 15:14 ပူးပေါင်းရင်းမြစ်များ

1 TUNUNG RU BANSA' ISRAIL 14:17

Ginio ra inggalan ru Raja' Daut nauligan kaga' giu' ra ati-ati intok, am Tuhan nangkinibit ra ngaangai' bansa' malaa' ra Raja' Daut.

MAZMUR 48:6

Makatigog ilo magilong ra bulur no, nalaa' ilo am nagiru'.

MAZMUR 48:7

Monontol ilo malaa', mangarualan ilo koson ra ruandu' matipaganak,

JISAYA 14:29

Alii ra ulun ru Palistin, kabalu' pana tataun lalamba' ondo' pinampalamba' ramuyun no pinandak, pai' kau paringkuanang sabap ra amon santaun kukuo matoi, santaun poyo makalalaa' kaga' no matong. Sanginan tambuakal makakawo mabak intor ra talu' ru kukuo.

JISAYA 14:31

Pompogolok no am pampiau no makiindangan, alii ra mamagun ru ngaangai' bandar ru Palistin! Musiti' monontol kau ngaangai' malaa', sabap ra kulampun ru kaau makapal masiob ru angin makito ra ralayo, tatandu' ratangan ru sampulalai ondo' maikang kaga'; kolondo' matalou ra sampulalai raginio.

JISAYA 23:5

Ulun pana ru Misir naliangan am malawo guang paat nokorongog ra Tirus pinuso noyo.

YEHEZKIEL 32:9

Masuang bansa' malaa' paat potonowon Ku tanou intor ra kapusaan muno ra pagun-pagun ondo' kalo nauligan muno.

ABAKUK 3:6

Paat ra Okou lumonggo', muyog tana' ti; paat ra Okou magilong, bansa'-bansa' songongonsol. Gunung-gunung ondo' lair noyo soroi natutuk kalingon; bulur-bulur ondo' nagulayun soroi pana liminonson, bulur-bulur intok Muno mugar intor noyo ra galing.

ABAKUK 3:7

Nakito ku ulun ru Kusian malaa', am ulun ru Midian monontol.

UNTABAN 14:14

mambala' ilo ra baal raginio ra mamagun ru tana' ragitio, am nokorongog ilo noyo ra Okou, Tuhan, mabaya' ramon. Naining nilo ra minintalang Kou paat ra muog gaun Muno ra rasawat mai, am ra mugar Kou giu' ra saang mai ralalom lugu' ru gaun paat ra matawang, am ralalom lugu' ru apui paat ra rondom.

UNTABAN 22:5

nanusub ra ulun koson mampiau ri Biliam anak ri Bior, ondo' paat raginio minayan giu' ra Pitor mamaar ra Sungoi Iprat, giu' ra tana' Amau. Sinusub ilo nampasaboi ra bilin ri Balak ti ri Biliam, “Rondo' bansa' nakaratong noyo intor ra Misir, am raino ulun raginio soroi ra ngaangai' intok am niayuk mampajajou koson mampagaau ra tana' maiti.

SAGULION 2:25

Intor orou raiti' mangkinibit Aku ra bansa'-bansa' ra ati ayuk, malaa' ramuyun. Moonong ulun monontol sabap malaa' paat mokorongog ra inggalan min sabiton.’ ”

JOSUA 10:2

Mamagun ru Jirusalim nalaa' kaga' sabap ra Gibion iono bandar ondo' maayo, nogondo' gayo no ra bandar-bandar ra bokon ondo' mokoondo' ra raja'. Maayo poyo bandar Gibion intor ra bandar Ai am ulun ru Gibion tutumula' ondo' mangapanggol.

JOSUA 2:11

Nangalaa' akai paat akai nokorongog ra baal raginio. Kalio boo kabaanian mai sabap ra akau. Tuhan i Aki Kapuuno' min sotopot no i Aki Kapuuno' ondo' makakuasa' giu' ra limbowon no am ra tana' ti.

JOSUA 9:24

Taam ulun Gibion, “Tuan, binaal mai koson raginio sabap nokorongog akai ra sotopot no Tuhan i Aki Kapuuno' muno namarinta ra ulipon nano i Musa koson manaak ra ngaangai' tana' ti rirun, am niayuk mamatoi ra mamagun nano paat okou mangayou. Binaal mai koson raginio sabap malaa' akai rirun; malaa' akai potoyon.

JOSUA 9:9

Ilo pana nantunung ragitio, “Tuan, intor akai ti ra pagun ondo' maalur kaga'. Minatong akai sabap nokorongog ra Tuhan i Aki Kapuuno' muno. Nokorongog akai ra ngaangai' ondo' binaal Nano giu' ra Misir,

1 SAMUIL 4:7

nalaa' ilo. Konilo, “Mokoondo' ra dewa minatong ra pangkiman nilono! Aibui boo ritakau ti! Kalo poyo igondo' takau pakaili' ra baal koson ragitio!

1 SAMUIL 4:8

Osoi kinua' makapamayag ritakau intor ra dewa-dewa ondo' maikang no? Dewa-dewa raginio noyo ondo' nakapamuso ra ulun ru Misir giu' ra tana' kaagisan ragili.