KAINGKUALAN 15:11 - Tanou Moonsoi Timugon

¹¹ Iou Tuhan, osoi kia intor ra tuhan-tuhan ondo' koson Rirun? Osoi kia ondo' koson Rirun, matulai kaga'? Osoi kia ondo' makapambaal ra kaimuagan am baal ra makaimuag koson ra binaal Muno?

KAINGKUALAN 15:11 ပူးပေါင်းရင်းမြစ်များ

2 SAMUIL 7:22

Matulai Kou kaga', iou Tuhan Raja'! Okou kolondo' pogondo'; intor ragili nakapandai akai ra Okou noyo rorondo' i Aki Kapuuno'.

1 RAJA'-RAJA' 8:23

am pakiasi', “Iou Tuhan, i Aki Kapuuno' ru Israil, kolondo' ondo' koson Rirun giu' ra limbowon kapoam ra tana' ti. Nanugut Kou ra bantu' Muno ra ulun Muno, am pinakito Mu togom Muno risilo paat ra ilo gumagaya' Rirun ra sotopot-topot ru guang.

1 TUNUNG RU BANSA' ISRAIL 16:25

Tuhan no matulai, am musiti' omporon toojo; musiti' Io urumaton masailan poyo intor ra ngaangai' dewa.

2 TUNUNG RU BANSA' ISRAIL 2:5

Mangatang aku koson mambaal ra rondo' baloi sambayangan ondo' matulai, sabap i Aki Kapuuno' mai matulai poyo intor ra tuhan-tuhan ra bokon.

2 TUNUNG RU BANSA' ISRAIL 6:14

Pakiasi' io, “Iou Tuhan, i Aki Kapuuno' ru Israil, kolondo' ondo' koson Rirun giu' ra limbowon am giti ra tana' ti. Sinugut Mu bantu' Muno ra ulun Muno, am nampakito Kou ra togom Muno risilo paat ra ilo gumagaya' Rirun ra sototopot ru guang.

MAZMUR 113:5

Kolondo' osoi pana koson ra Tuhan, i Aki Kapuuno' takau; panturungan Nano giu' ra intok masawat,

MAZMUR 119:120

Monontol aku malaa' Rirun, am malaa' aku ra nangatangan Muno.

MAZMUR 136:4

Io ayuk mambaal ra baal ra makaimuag toojo; togom Nano mantilayun.

MAZMUR 145:17

Matimpok toojo atan ayuk pana baalon ru Tuhan, am makaasi' Io ra atan ayuk pana baalon Nano.

MAZMUR 22:23

Potonowon ku ra ngaangai' ulun kuno atan ondo' binaal Muno raki'; am ralalom pantitimungan nilo omporon Tokou.

MAZMUR 35:10

Mabaya' ra sotopot-topot ru guang mindagu aku ra Tuhan, “Kolondo' gumondo' Rirun. Pinalabus Mu ulun lamumu' intor ra ulun maikang, ulun musikin am naimbolo' intor ra nangimbolo' risilo no.”

MAZMUR 60:2

bulintok ra io nangayou ra ulun ru Aram-Misopotamia am ulun ru Aram-Joba, am bulintok ri Joab minuli' am namatoi ra 12,000 ngaulun ulun ru Idom giu' ra Limayak Maasin.

MAZMUR 66:5

Ibok no am ilai' noyo atan ondo' binaal ri Aki Kapuuno', binaal Nano makaimuag ra tatanga' ru ulun.

MAZMUR 77:11

Indagu aku boo, “Gitio noyo makaruol toojo ra guang kuno, ra i Aki Kapuuno' kalo boo manguasa'.”

MAZMUR 77:14

Iou Aki Kapuuno', ngaangai' binaal Muno matulai. Osoi kia mokogondo' ra kinatulai ri Aki Kapuuno' mai?

MAZMUR 77:19

Tingkalur gogolon, timpalak makapiat, tana' mauyog am mogonggon.

MAZMUR 86:10

Kuasa' ginuut Mu am mambaal ra kaimuagan; Okou no ayuk i Aki Kapuuno'.

MAZMUR 86:8

Kolondo' tuhan koson Rirun, iou Tuhan, kolondo' makabaal koson ra binaal Muno.

MAZMUR 89:18

Inanian Mu akai ra kamanangan maayo; sabap ra kinoonsoi Muno, pinasauk Mu atan ondo' gogoton mai.

MAZMUR 90:11

Osoi kia nakaili' ra sangit Muno moporos kaga'? Osoi kia makatutun ra kinibit ru sangit Muno?

KAINGKUALAN 18:11

Nakapandai aku ra Tuhan maayo poyo intor ra ngaangai' tuhan, sabap ra nambaal Io ra ngaangai' no paat ra liminaat ulun ru Misir ra ulun ru Israil.”

KAINGKUALAN 20:3

“Pai' samba ra tuhan-tuhan ra bokon; samba ayuk Raki'.

KAINGKUALAN 3:20

Kaa' mamakai Aku ra kuasa' Kuno am mangukum ra ulun ru Misir am mambaal ra sauk ondo' makalalaa' ra giu' no. Mopongo raginio paugaron no akau.

KAINGKUALAN 8:10

Taam raja' no, “Pakiasi' noyo ra bala kuno ra susuab no.” Indagu i Musa, “Makiasi' aku koson ra kitaak muno raja', am makapandai kou raja' boo ra kolondo' koson ra Tuhan i Aki Kapuuno' mai.

KAINGKUALAN 8:6

Patutuyo' ri Arun jujuga' nano ra rasawat ru timug, ujak boo antit no saboi nokototop ra titikop ru pagun no.

KAINGKUALAN 9:14

Raino ti mangukum Aku sala' ka ayuk ra pagawai muno am mamagun muno, kaa' okou niayuk, maa' raginio makapandai kou ra kolondo' osoi pana ondo' koson Raki' ra titikop ru tana' ti.

JISAYA 30:11

Ongoi ra igig! Pai' akai sawayo'. Kalo masaga' akai mangkirongog intor ri Aki Kapuuno' ru Israil, i Aki Kapuuno' ondo' matulai.”

JISAYA 40:18

Osoi kia maalap min pogondoo' ri Aki Kapuuno'? Osoi kia guangon min pogondoo' Riso?

JISAYA 40:25

Osoi kia maalap min pogondoo' ri Aki Kapuuno' Ondo' Matulai Kaga'? Mokoondo' kia mogondo' koson Riso?

JISAYA 46:9

Karaa' noyo kasaukan-kasaukan ra galing i; Iowo' noyo ra Aku i Aki Kapuuno', am kolondo' bokon, Aku i Aki Kapuuno' am kolondo' mokogondo' Raki'.

JISAYA 57:15

Aku noyo i Aki Kapuuno' Ondo' Masawat Kaga' am Matulai Kaga', ondo' maayag ra sabuoi-buoi no. Mayan Aku ra intok masawat am matulai, kaa' mayan Aku niayuk mababaya' ra ulun ondo' minggana' guang am ondo' timinalikur intor ra tula, koson mapatapuli' ra ambiluo am kalansanan nilono.

JISAYA 6:3

Ilo ondo' maayag no mampiau ra rondo' am bokon, “Matulai, matulai, matulai! Matulai noyo Tuhan Ondo' Maayo Kaga' Kuasa'! Tana' natikop ra rinatangan Nano ondo' matulai.”

JIRIMIA 10:16

Aki Kapuuno' ri Jakub sala' ka koson ra sinungkalalaing raginio; Io noyo namangun ra ngaangai' no. Nampili' Io ra Israil nasauk ra ulun Nano. Tuhan Ondo' Maayo Kaga' Kuasa' noyo inggalan Nano.

JIRIMIA 49:19

Koson ra singa' miningkual intor ra kataunan gimbaan giu' ra kiing ru Sungoi Jordan am nagaloi ra padang ru sakot ondo' masansam, koon niayuk ra Aku matong am mangkinibit ra ulun ru Idom magiru' ra mamulali' intor ra pagun nilo. Kopongo raginio tingganai ondo' pilion Kuno mamarinta ra pagun no. Osoi kia ondo' mogondo' Raki'? Osoi kia baani gumula' Raki'? Panguasa' ra ati kia ondo' masaga' manggal Raki'?

IMAMAT 19:2

mambala' ra ulun ru Israil, “Musiti' kau matulai sabap ra matulai Aku Tuhan i Aki Kapuuno' min.

MIKA 7:18

Iou Tuhan, kolondo' koson Rirun. Mangampun Kou ra tula ru ulun ondo' lakat poyo maayag. Kalo sumangit Kou ra sabubuoi no, kaa' masaga' Kou manulu' ramon ra togom Muno ondo' mantilayun.

LUKAS 12:5

Tuluin takamin osoi kalaanin. Kalaa' kano ri Aki Kapuuno' sabap ra mopongo mamatoi, makakuasa' poyo mamatir ra ambiluo ru ulun ra naraka! Balain takamin toojo, kalaa' kano Riso!

SAGULION 1:30

Maningganai Tuhan i Aki Kapuuno' ramuyun. Makimantula' Io ra tayar min, koson ondo' nakito min noyo galama' giu' ra Misir

SAGULION 3:24

‘Iou Tuhan Raja', nakapandai aku ra atan ondo' nanuluan Muno raki' talimpuun ayuk ru baal maayo am makaimuag ondo' baalon Muno. Kolondo' tuhan ra bokon giu' ra limbowon kapoam giu' ra tana' ondo' makapambaal ra baal makaimuag ondo' binaal Muno.

SAGULION 33:26

Akau ulun ru Israil, kolondo' ondo' koson ri Aki Kapuuno' mino, ondo' marapas ra limbowon ra katulayan, am mujak ra gaun koson mangindangan ramuyun.

SAGULION 4:34

Igondo' kia mokoondo' rondo' tuhan ondo' baani mangalap rondo' ulun intor ra bansa' ra bokon am saukon ulun raginio ra ulun nano galama', koson ondo' binaal ru Tuhan i Aki Kapuuno' min tayar min giu' ra Misir? Giu' ra talupak ru mato min galama' namakai Io ra kuasa' am kaikangan Nano ondo' maayo; maparatong Io ra maruol tumapik am pangayawan, mambaal ra kaimuagan am makaimuag, am niayuk mangkinibit ra baal makalalaa' masauk.

PINAINTALANG 13:4

Sambaan nilo tambuakal no sabap ra nakapangani' io ra kuasa' nano ra bibiag masigo no. Sambaan nilo niayuk bibiag masigo no, konilo, “Kolondo' noyo kuasa' mokogondo' ra bibiag masigo ti. Kolondo' makagula' riso!”

PINAINTALANG 15:4

Osoi kia ondo' kalo malaa' Rirun, Tuhan? Osoi kia ondo' kalo masaga' mampatanou ra urumat Muno. Okou ayuk mapasau kaga'. Ngaangai' bansa' rumatong samba Rirun, sabap ra binaal Muno ondo' matimpok nakito ru ngaangai' ulun.”

PINAINTALANG 4:8

Moonong ru apat ilo ondo' maayag no mokoondo' onom kawo nilo sigagama', ondo' ralimbou am ralalom pana natitip ra mato. Orou-rondom kalo lumonggo' ilo marimbai: “Mapasau, mapasau, mapasau noyo Tuhan, i Aki Kapuuno' Maayo Kaga' Kuasa', ondo' galing i soroi, raino am pupus no pana soroi.”

1 SAMUIL 2:2

“Kolondo' sangulun pana matulai koson ra Tuhan; kolondo' mokogondo' Riso; i Aki Kapuuno' takano ayuk makapanaak ra panindungan.