KAINGKUALAN 14:31 - Tanou Moonsoi Timugon

³¹ Pakakito ulun ru Israil ra nangala Tuhan ra ulun ru Misir ra kuasa' ondo' maayo, malaa' ilo ra Tuhan; mangintopot ilo ra Tuhan am ulipon Nano i Musa.

KAINGKUALAN 14:31 ပူးပေါင်းရင်းမြစ်များ

2 TUNUNG RU BANSA' ISRAIL 20:20

Nokorondom ra suabon no ilo ngaangai' minongoi ra tana' kaagisan mamaar ra Tikoa. Paat ra ilo minintor, kon ru Raja' Josapat risilo, “Mamagun kau ru Jiuda am Jirusalim, pangintopot no ra Tuhan, i Aki Kapuuno' min, am akau pana mokoorot! Pangintopot no ra bilin ru nabi-nabi Nano, am akau pana makasugut.”

NIGIMIA 9:9

“Nakakito Kou ra kinamatuaan mai naimbolo' giu' ra Misir; Nokorongog Kou ra piau nilo makiindangan giu' ra Raat Galaga.

MAZMUR 119:120

Monontol aku malaa' Rirun, am malaa' aku ra nangatangan Muno.

KAINGKUALAN 19:9

Indagu Tuhan ri Musa, “Matong Aku ramuyun ralalom ru gaun makapal maa' raginio makaining ulun ra Aku mindagu rirun; intor raginio masalok ilo boo mangintopot rirun.” Pinasaboi ri Musa taaman ru ulun raginilo ra Tuhan.

KAINGKUALAN 4:31

Mangintopot ilo, am igulatur samba paat ra nakaining ra nampalio Tuhan risilo am nakakito ra ngaangai' kaimbalaan nilo.

LUKAS 8:13

Ondo' naratu' ra tana' makabatu i, io no ulun ondo' mangkirongog ra bala' no am maansukan ilo mangapu. Kaa' bala' no kalo siminoroi ra guang nilai. Sangkinolor ayuk ilo mangintopot. Pakauma' ilo ra pangkinaman kalo boo mangintopot ilo.

JUANIS 11:45

Masuang ulun ru Jaudi ondo' minatong ra intok ri Maria am nakakito ra nasauk ni, nangintopot ri Jisus.

JUANIS 2:11

Ondo' binaal ri Jisus ra Kana, libung ru Galilia, kaimuagan kasaa' Nali. Ginio ra nampakito Io ra Io ti matulai am nangintopot maamaya' Nano Riso.

RINALATAN 8:13

I Simon galama' pana nangintopot ra Tanou raginio. Kariu' io raiti am baya' io ayuk boo ri Pilipus, am nangimuag io nakakito ra tatandu' am kaimuagan ondo' binaal ri Pilipus.

IBRANI 3:5

I Musa giminagaya' ri Aki Kapuuno' koson ra sangulun ulipon mangindangan ra ulun Nano, am nampabala' poyo ra atan ondo' raguon ri Aki Kapuuno' ra tauli no.

JOSUA 24:7

nampiau ilo Raki' makiindangan; naparatong Aku ra kalandaman ra lolot nilo am ulun ru Misir. Lininjob Ku ulun ru Misir ra timug ru raat saboi ilo nongolosor. Nakapandai kau ra atan binaal Kuno ra Misir. Nabuoi kau kaga' minayan ra tana' kaagisan.

JOSUA 4:14

Binaal ru Tuhan paat ra orou raginio nambaal ra ulun ru Israil mangurumat ri Josua koson ulun maatang. Nangurumat ilo riso buoi ru bayag nano koson ilo nangurumat ri Musa ragili.

JOSUA 4:24

Ra sauk raginio, ngaangai' ulun ru tana' makapandai ra mapara' gayo ru kuasa' ru Tuhan. Ginio ra mangurumat kau ra Tuhan i Aki Kapuuno' min ra sabuoi-buoi no.”

1 SAMUIL 12:16

Raino ti, rongogo' kano toojo! Ilai' min toojo baal maayo ondo' baalon ru Tuhan ra talupak ru mato mino.

1 SAMUIL 12:18

Kopongo raginio pakiasi' i Samuil, am paat ra orou raginio niayuk napatuun Tuhan ra tingkalur am rasam. Ginio ra moonong ulun no nalaa' ra Tuhan am i Samuil.